Grótta með sigurinn hér í kvöld. Þetta var jafn lengur út í eitt en dómara ákvarðanir hvort sem þær voru réttar eða ranga skáru um sigurinn.

Gísli með spyrnuna alltof nálægt markmanni og Guðmundur grípur boltann.

Leiknismenn fá horn, ein mínúta eftir og Óli Íshólm fer inn í teig.

Gróttumenn með horn sem þeir lyfta inn í teig. Einar Tómas nær skalla í fínu færi en setur hann yfir.

Barningur inn á teig eftir fyrirgjöf, og heimamenn vilja víti. Rangstaða hins vegar dæmd.

Björgvin Brimi með skotið fyrir utan teig viðstöðulaust. Dúndurfast, en rosalega hátt yfir markið.

Boltinn kemur inn á teig Leiknismanna og Ólafur á bara að taka þennan bolta. Hann slær hins vegar bara eitthvað til hans og boltinn er laus fyrir framan sóknarmenn Gróttu. En þá kemur Daði Bærings og nær virkilega mikilvægri hreinsun.

Gestirnir með fyrirgjöfina inn í teig og Andri ætlar upp í skallann og þá kemur Leiknis varnarmaðurinn að aftan og keyrir í bakið á honum í skalla einvíginu. Þetta er soft, en Leiknismaðurinn vissulega frekar groddaralegur.

Mjög flott uppbygging á skyndisókn hjá Leikni. Axel fær svo boltann fyrir utan teig, tekur eina flotta hraðabreytingu til að búa sér til pláss og tekur skotið, en það var laust á nær og Guðmundur með þetta.

Flott tilþrif hjá Björgvin Brima fyrir utan teig. Tekur svo skotið en það fer framhjá.

Shkelzen Veseli tekur skotið úr spyrnunni, en þetta var ekki góð tilraun. Meðfram jörðinni á nær og Guðmundur ekki í neinu veseni.

Leiknismenn fá aukaspyrnu rétt fyrir utan teig við hægri hlið teigsins.

Gróttumenn sækja hratt og Andri Freyr fær boltann rétt fyrir utan teig. Hann tekur skotið en þessi fer rétt yfir markið.

Heimamenn vinna boltann á vallarhelmingi Gróttu og snúa vörn í sókn. Axel Freyr geysist upp kantinn og leggur boltann á Eirík sem er að koma í hlaupið undir hann. Eiríkur tekur svo fast skot þegar hann kemur inn á teiginn en ekki hnitmiðað, hátt yfir.

Leiknismenn með horn og Gísli tekur bara fastan bolta stutt inn á teiginn. Rúrik er í fínni stöðu og reynir skotið en í varnarmann.

Frábær bolti inn fyrir hjá Rúrik á Anton sem er í hlaupinu inn á teig. Anton nær sendingunni fyrir teig á Dag Inga sem tekur skotið í slánna, boltinn dettur fyrir Leiknismann sem á skot í varnarmann, svo dettur boltinn aftur fyrir Dag sem tekur skotið yfir. Besta færi leiksins hingað til.

Gísli Alexander reynir skotið af löngu færi, en yfir markið.

Rúrik lyftir boltanum inn í teig en gestirnir hreinsa.

Eins og í fyrri vinna Leiknismenn fyrsta horn hálfleiksins.

Markalaust í hálfleik, og það kemur ekki á óvart miðað við gang leiksins. Leiknismenn hafa pressað vel og verið meira með boltann en eru í stökustu vandræðum á síðasta þriðjung að skapa alvöru færi. Gestirnir aðeins reynt að sækja hratt en að sama skapi ekki náð að gera mikið með sínar stöður.

Eiríkur Örn reynir skotið af rosalega löngu færi. Skotið hátt yfir!

Gestirnir keyra hratt upp hægra megin og Mattias Kjeld kemur með fyrirgjöfina, boltinn fer af varnarmanni og berst tul Nökkva, hann tekur skotið fyrir utan teig sem leit ekki mjög sannfærandi út. Boltinn hrekkur hins vegar af varnarmanni og rúllar rétt framhjá. Óli í markinu hefði ekki náð þessum.

Góður bolti inn í teig hjá gestunum og Andri nær skalla úr góðu færi en hann stangar þennan yfir.

Þorsteinn Emil gerir mjög vel á vinstri kantinum fyrir heimamenn, fer framhjá einum og kemur svo með boltann inn í teig. Anton Fannar er þar mættur beint fyrir framan markið og fær alveg frían skalla, en hann setur hann yfir!

Mattias Kjeld með mjög skemmtilega sendingu inn í teig, aðeins fyrir aftan Andra sem reynir bakfallspyrnuna en nær ekki nógu góðri snertingu á boltann, og boltinn endar framhjá.

Kallar til sín Grím Inga sem er víst búinn að vera fara í taugarnar á honum, og segir hátt og skýrt: Hættu að öskra á mig. Hættu!

Kristófer Dan með fastan bolta fyrir frá hægri. Boltinn beint á Andra sem er í góðu færi inn í teig en varnarmenn heimamanna vel staðsettir og Andri með skotið í þá.

Gróttumenn með aukaspyrnu á fínum stað. Tristan Freyr tekur spyrnuna, og hún er alls ekki galin. Föst á leiðinni á fjær, en rétt framhjá.

Leiknismenn að pressa mjög stíft og eru að gera það vel. Leikurinn spilast mest á vallarhelmingi Gróttumanna en heimamenn eru ekki að ná að búa sér til neitt mjög hættulegt. Gróttumenn reyna við skyndisóknirnar en sama þar, hafa ekki náð að skapa mikið.

Áhugavert úthlaup hjá Guðmundi Rafn markverði Gróttu. Hann kemur lengst út úr teig og er rétt á undan að ná skallanum frá marki, munaði litlu að þetta yrðir slæmt!

Shkelzen með virkilega flotta vippu inn á teig sem dettur beint fyrir Dag Inga sem er kominn í flott færi. Hann tekur skotið,, fast en frekar beint á Guðmund í markinu.

Gísli Alexander lyftir boltanum inn í teig og heimamenn ná skotið en beint í varnarmann og Gróttumenn ná svo taki á boltanum.

Leiknismenn vinna fyrsta horn leiksins.

Þórður flautar og við erum farin af stað!

Leikmenn og dómarar ganga til vallar. Þetta er alveg að bresta á!

Brynjar Björn Gunnarsson þjálfari Leiknis gerir tvær breytingar á sínu liði sem gerði ótrúlegt 3-3 jafntefi við Völsung í síðustu umferð. Þorsteinn Emil Jónsson og Eiríkur Örn Beck koma inn í liðið. Bogdan Bogdanovic sest á bekkinn, en Marko Veselinovic er ekki með í dag þar sem hann meiddist í síðasta leik. Rúnar Páll Sigmundsson þjálfari Gróttu gerir þrjár breytingar á sínu liði frá 2-1 sigri þeirra gegn HK í síðustu umferð. Dagur Bjarkason, Kristófer Dan Þórðarson og Nökkvi Már Nökkvason koma inn í liðið. Hrannar Ingi Magnússon, Axel Sigurðarson og Hrannar Ingi Magnússon þurfa að sætta sig við spítuna til að byrja með allavega.

Þórður Þorsteinn Þórðarsson verður með flautuna í kvöld en honum til aðstoðar verða Kristofer Bergmann og Nour Natan Ninir. Eftirlitsmaður KSÍ er Þórður Inig Guðjónsson.

Ásgeir Orri Magnússon, sem hefur leikið frábærlega í marki Keflavíkur í sumar, spáir í leikina. Leiknir R. 0 - 0 Grótta (19:15 í kvöld) Þetta verður alveg hundleiðinlegur leikur. Bæði lið verða í miklu brasi að finna sig í gegnum vörnina en Grótta brennir af vítaspyrnu.

Leiknismenn voru ekki taldir með neitt sérlega sterkt lið fyrir tímabil og því var þeim spáð 9. sæti í deild. Eins og er, eru þeir að spila töluvert betur en það og eru í 5. sæti sem er jafnframt síðasta umspils sætið. Þetta hafa þeir gert meðal annars vegna frábærri frammistöðu Ólafs Íshólm sem var valinn í lið fyrri hlutans hér á fótbolti.net. Gróttumönnum var einnig spáð ekkert sérlega góðu gengi eða 10. sæti en þeir eru sem stendur í því áttunda. Svo sem ekki langt því frá en lykilmunurinn er að þeir eru 8 stigum frá fallsæti. Bakvörðurinn Tristan Freyr Ingólfsson er sá leikmaður sem hefur helst fengið að skína hjá Gróttumönnum en hann var einnig valinn í úrvalslið fyrri hlutans.

Komið þið sæl og verið velkomin í beina textalýsingu frá leik Leiknis gegn Gróttu í 12. umferð Lengjudeildar karla. Leikurinn hefst klukkan 19:15 og verður spilaður á Leiknisvelli.