Flautað til leiksloka hér í Breiðholti. ÍR-ingar mega vera sáttir með stigið, Þróttarar bitlausir í dag. Viðtöl og skýrsla á leiðinni. Ég þakka fyrir mig

Adam reynir skotið fyrir utan teig en skotið vel framhjá.

Frábær sprettur hjá Hákoni en Eiríkur nær honum á endanum inn í teig. Öxl í öxl og Hákon fellur við. ÍR-ingar gjörsamlega trylltir.

Baneitruð sending fyrir markið og skot Daníels Karls beint á Vilhelm.

ÍR-ingar fá víti. Get ekki sagt á hverjum var brotið á en víti réttilega dæmt. Þróttarar malda í móinn en lítið hægt að segja við þessu. Upplagt marktækifæri.

Korter eftir af þessum leik. Fáum við fleiri mörk í þetta?

Þróttarar hafa farið mjög illa með góðar stöður manni fleiri. Ná ekki að tengja saman mikilvægar sendingar við vítateiginn.

Aron kemur boltanum í netið en rangstaða dæmt, engin mótmæli og líklegast hárrétt.

Guðjón kominn í fína stöðu inn í teignum en Þróttarar ná að pota boltanum frá.

Aron Snær mjög nálægt því að tvöfalda forystuna. Fær alveg frían skalla inn á teignum en skallinn beint á Vilhelm. Þarna var illa farið með gott færi.

Gunnar flautar til hálfleiks eftir hörku fyrri hálfleik. Heimamenn mjög ósáttir með dómgæsluna, Jóhann átti orð við tríóið eftir hálfleiksflautið. Sjáumst aftur eftir korter eða svo.

Einni mínútu bætt við

ÍR - ingar vilja víti eftir aukaspyrnu en ekkert dæmt. Hefði verið ansi soft.

Orri kemur sér í færi og lúðrar boltanum á markið en Þórhallur ver í hornspyrnu. ÍR-ingar aðeins að sækja í sig veðrið þessa stundina.

Brynjar Gautur með góða sendingu inn fyrir en rangstaða réttilega dæmd.

Guðjón Máni gerir vel í teignum og nær lúmsku skoti á nærstöngina en Þórhallur ver vel í horn.

Það hafa enn ekki orðið mörg færi í þessum leik fyrir utan tvo skalla Þróttara

Gestirnir hafa verið í stórsókn síðastliðnar mínútur

Sendingin inn í teiginn og Hlynur skallar í slánna.

Boltinn í bakið á Gunnari dómara þegar ÍR-ingar reyna skiptingu yfir kantana. Dómarakast og áfram gakk.

Eiríkur með fína fyrirgjöf inn á teiginn en skalli Vilhjálms Kaldals beint á Vilhelm í markinu.

Adam Árni fer harkalega aftan í Kristján í skallabaráttu. ÍR fær aukaspyrnu á fínum fyrirgjafastað en ekkert kom úr henni.

Liðin komin út á völlinn og áhorfendur farnir að tínast inn. ÍR-ingar í sínum hvítu heimabúningum og Þróttarar í sínum dökkbláu varabúningum.

Báðir þjálfarar gera 3 breytingar á liðum sínum eftir töpin í síðustu umferð. Jóhann tekur Hrafn Hallgrímsson, Oliver Andra Einarsson og Ísak Atla Atlason út úr liðinu í stað Halldórs Atla Kristjánssonar, Jón Arnars Sigurðssonar og Stefán Þórs Pálssonar eftir 1-0 tapið gegn Aftureldingu. Sigurvin tekur Viktor Steinarsson og Unnar Stein Ingvason úr liðinu auk Baldurs Hannesar Stefánssonar sem fékk rautt í 1-0 tapinu gegn Njarðvík í síðustu umferð. Í stað þeirra koma Stefán Þórður Stefánsson, Vilhjálmur Kaldal Sigurðsson og Örn Bragi Hinriksson.

Ásgeir Orri Magnússon markmaður Keflavíkur spáir 3-2 sigri heimamanna í kvöld. "ÍR-ingar hafa ekki farið vel af stað en hérna snúa þeir þessu við. Drillaðir Þróttarar mæta á grasið og verða í brasi. Minn maður Óliver Andri verður í gír og skorar 1 mark og verður með 2 stoðsendingar. Hann verður valinn maður umferðarinnar og Jóhann Birnir þjálfarinn."

Þróttur bar sigur úr býtum í fyrri leik liðanna. Þá komust Þróttarar í 3-0 í fyrri hálfleik eftir að Ágúst Unnar Kristinsson, leikmaður ÍR, fékk rautt strax á 18. mínútu. ÍR-ingar klóruðu í bakkann í seinni og leikurinn endaði 3-1.

Það er aðra sögu að segja frá Þrótti sem sitja í 3. sæti, tveimur stigum frá Aftureldingu á toppnum. Þeir eru þó sigurlausir í síðustu tveimur svo þeir þurfa helst sigur í kvöld til að halda sér almennilega í titilbaráttunni.

ÍR-ingar hafa verið í brasi þetta tímabilið. Þeir sitja í 9. sæti deildarinnar með 11 stig og eru þremur stigum frá botninum. Þeir hafa fengið einungis fengið 4 stig í síðustu 7 leikjum. ÍR-ingar hafa verið duglegir að skora en hafa sömuleiðis fengið á sig allt of mörg mörk þetta tímabilið.

Gunnar Oddur Hafliðason verður með flautuna í kvöld og honum til aðstoðar verða Guðni Freyr Ingvason og Sveinn Ingi Sigurjónsson Waage. Dómaraeftirlitsmaður leiksins verður Lúðvík Þorgeirsson.

13. umferðin hefst í dag með 4 leikjum, hún heldur svo áfram á morgun með einum leik fyrir norðan og lýkur svo á mánudag með stórleik Vestra og Fylkis. Föstudagur 10. júlí Ægir - HK (19:15) ÍR - Þróttur (19:15) Leiknir - Grótta (19:15) Njarðvík - Grindavík (19:15) Laugardagur 11. júlí Völsungur - Afturelding (14:00) Mánudagur 13. júlí Vestri - Fylkir (20:15)

Verið velkomin kæru lesendur í beina textalýsingu frá leik ÍR og Þróttar í 13. umferð Lengjudeildarinnar sem spilaður er á Þarfaþingsvellinum.