Þetta var ekki rosalega skemmtilegur leikur. En ég þakka fyrir mig, viðtöl og skýrsla koma inn á eftir!

Fjórar mínútur í uppbótartíma

Arfaslök nýting á aukaspyrnu hjá Þrótti. Sigríður hefði átt að gera fyrirgjöf en í staðinn setur hún hann til hliðar á Björg sem sendir hann beint á leikmann Fram

Dauðafæri hjá Sigríði í liði Þróttar. Tekur skotið utan af teig og boltinn svífur rétt framhjá! Maður hélt í smástund að hann hefði farið inn!

Björg fer upp hægri kantinn og reynir fyrirgjöfina. Enginn í teignum til að taka á móti henni en Mist er mætt hinum megin, sem reynir fyrirgjöfina líka en boltinn fer út í markspyrnu

Þetta er búið að vera ekkert sérstaklega skemmtilegur leikur seinustu mínútur. Má alveg koma meiri skemmtun seinustu 10 mínúturnar

Brookelynn þarf að fara útaf í mínútu, hún varð fyrir einhverjum höfuðmeiðslum. Spurning hvort Anton taki hana útaf

Una Rós með skot af löngu færi en engin hætta stafar af þessu, boltinn fer hátt yfir

Sara með skot frá miðju! Fær boltann eftir smá klafs og lætur vaða þar sem Mollee er soldið frá sinni línu. Boltinn er þó laus og auðvelt fyrir Mollee

Hvað ætli Anton hafi sagt við stelpurnar í hálfleik? Þetta er allt annað en maður sá í fyrri hálfleik!

Sara Svanhildur með einhverja takta á vallarhelmingi Þróttar, tekur skotið langt frá teignum og Mollee er í miklum erfiðleikum með þetta! Ver hann en missir hann frá sér, skoppar af stönginni en nær síðan öruggum höndum á hann

Þær ógna og ógna, þær næla sér í annað horn.

Mikill darraðardans í teignum en Þróttur nær að hreinsa. Eftir þess atlögu fær Fram sitt þriðja horn á innan við mínútu!

Þessi bolti var hins vegar arfaslakur og fer yfir alla hrúguna í teignum

Af því sem ég best veit hafa hvorug lið gert einhverjar breytingar

Kominn hálfleikur strax. Tökum okkur korter

Sæunn með flottan bolta inn, Sóley með skall sem Sigríður reynir að elta en Fram hreinsar

Manni finnst vera komin aðeins meiri ákefð í lið Fram seinustu mínúturnar.

Flott færi fyrir Þrótt! Björg hleypur upp vænginn og sýnist Sigríður vera með skotið, en Ashley ver vel og hornspyrna niðurstaðan

Isabelle Rose lætur sömuleiðis vaða utan af teig en þessi bolti fer langt útaf. Fyrsta færi Fram í langan tíma í þessum leik

Sæunn með skot utan af teig en lítið mál fyrir Ashley þarna

Björg með harðasprett upp vænginn eftir góða sendingu frá Álfhildi, hún hleypur hins vegar aðeins of hratt með hann og boltinn endar í markspyrnu

Sigríður með skot langt utan úr teig, manni sýndist boltinn ekki fara í varamann en Arnar dæmir horn.

Ashley kýlir boltanum frá og mikið klafs tekur við í teignum, en Fram nær þó að lokum að hreinsa

Mist farin upp vinstri kantinn og sendir lágan bolta inn. Sé ekki hver næ móttökunni en varnarmaður kemst fyrir skotið. Markið liggur í loftinu og ég myndi giska að það kæmi Þróttaramegin

Þróttur nælir í anað horn, þær eru búnar að ógna mikið og Sigríður Theód. hefði getað nýtt þetta betur en boltinn fer af varnarmanni.

Mikil hætta í þessu horni og smá klafs eftir boltanum. Ashley nær hinsvegar þó taki á þennan bolta

Taylor dettur niður í teignum en kvartar ekkert. Ekkert á þetta

Una með flotta spyrnu en þar er varnarmaður mættur og stangar boltanum út úr teignum

Lítið búið að gerast í leiknum. Þróttaraliðið er búið að hafa yfirhöndina í þessum leik þó, eru meira með boltann

Þær ná ekki að nýta þetta, leikmaður Þróttar dæmdur rangstæður og aukaspyrna fyrir Fram

Og það eru gestirnir sem sparka þessu af stað! Góða skemmtun!

Liðin eru að labba út á völl! Þessi veisla er að hefjast! Ekki margir búnir að gera sér ferð i Laugardalinn hér í dag

Jóhann Kristinn gerir engar breytingar á sínu byrjunarliði frá seinasta leik gegn Fram.

Anton Ingi gerir tvær breytingar á sínu byrjunarliði. Inn koma Emma Kate Young, Katrín S. Vilhjálmsdóttir.

17 sinnum hafa þessi lið mæst samkvæmt glæsilegu heimasíðu KSÍ, en Þróttur hefur sigrað 12 leiki, Fram aðeins sigrað einn og liðin skilið jöfn fjórum sinnum. Vissulega er einnig talið með Reykjavíkurmót og innanhúsmót með í þessu

Fyrsti leikur liðanna gerðist fyrir allnokkrum árum, nánar tiltekið 1972! Þá var Íslandsmót kvenna haldið í fyrsta sinn og lið kepptu í tveimur riðlum! Leikur þessara liða fór 2-2, en ekki veit ég um markaskorara leiksins!

Í almennum knattspyrnuleik er stærsti sigur Þróttar 0-8, en hann fór fram 2. febrúar 2022 í Reykjavíkurmótinu fræga. Í þeim leik skoraði Ólöf Sigríður Kristinsdóttir þrennu! En ef talið er í óhefðbundnum knattspyrnuleik þá sigraði Þróttur 19-3 í futsal móti og var það stærsti sigurinn á mótinu það árið.

Eini sigur Fram í viðureignum þessa liða kom fyrir rúmum 50 árum, nánar tiltekið 15 júní 1975, en þar sigraði Fram 2-1 á gamla Framvellinum. Því miður get ég ekki fundið markaskorara eða slíkt, en Fram hlýur að vilja ná sínum öðrum sigri í dag.

Fram situr í neðsta sæti með aðeins 7 stig eftir 10 leiki. Úlfarsárdælingar hafa aðeins sigrað tvo, gert eitt jafntefli og tapað sjö.

Í seinustu umferð dróg heldur betur til tíðinda, en Fram sigraði Breiðablik 3-2!

Helsti markaskorari Fram, Taylor Marie Hamlett var að sjálfsögðu á skotskónum þann daginn, en af þeim 11 mörkum sem Fram hefur skorað í deildinni í ár hefur hún skorað sjö af þeim!

Síðan er spurning um félagsskiptagluggann sem opnar eftir tvo daga. Ég hef ekkert heyrt um hvort Fram ætlar að sækja einhvern leikmann fyrir seinni helminginn af tímabilinu.

Þróttur situr í 5. sæti með 13 stig eftir 10 leiki, en þessi leikur er spilaður í 12. umferð! Þróttur hefur sigrað fjóra, gert eitt jafntefli og tapað 5.

Stórar fréttir bárust í gær en Þórdís Elva, einn af lykilleikmönnum Þróttar, gerði samning við Breiðablik, en samningur Þórdísar við Þrótt var að renna út eftir tímabil.
Seinna um daginn bárust Þrótturum þó gleðifréttir en Katie Cousins sneri aftur í lið Þróttar nú í fjórða sinn! Fyrr á þessu ári fór hún frá Laugardalnum yfir til Portúgals, nánar tiltekið Damaiense, en Kristján Guðmundsson þjálfar það lið.
Mesti markaskorari Þróttara í deildinni þetta tímabilið hefur verið Sigríður Theód. Guðmundsdóttir en hún hefur skorað 4 mörk í 9 leikjum.

Dómari leiksins er Arnar Ingi Ingvarsson, en honum til halds og trausts eru Guðmundur Kristinn Davíðsson, Nour Natan Ninir og Ágúst Hjalti Tómasson

Gott og blessað kvöldið kæru lesendur og verið velkomin í beina textalýsingu frá AVIS-vellinum, en hér munu Þróttur og Fram mætast í 12. umferð Bestu Deildar kvenna!