7-3! Niðurstaðan hér í kvöld í rosalegum leik

Ég bara á ekki til orð! Það bara getur enginn slökkt á þessu FH liði

Viðtöl og skýrsla koma inn síðar í kvöld
Takk fyrir mig!

Jakobína gerir vel og kemur í veg fyrir að Hrönn eigi auðvelt skot á markið

Stjörnukonur eru ekki hættar þrátt fyrir stöðuna og Erika Ýr á skalla rétt framhjá

Andrea Rán með horn, hann er nú bara á leiðinni inn hjá henni en Skiba kýlir hann frá

Unnur gerir vel, hleypur upp kantinn og setur hann fyrir en ekki alveg nógu nákævmt

Murielle nælir í horn fyrir Stjörnuna, Andrea Mist tekur það að vana, setur hann fyrir en FH konur koma þessu frá

Andrea Mist með hornið, barrátta inn í teignum áður en boltinn berst svo til hennar aftur, hún mundar fótinn en boltinn hátt yfir markið

Úlfa Dís finnur Murielle í gegn en þær eru fljótar að bakka og Deja kastar sér fyrir skotið hjá henni

Eva Marie í baráttunni við Ídu Marín og nær skallanum frá á undan henni

Ída Marín aftur í hööööööörkufæri en Skiba ver þetta frábærlega!

Snædís er nálægt því að stela boltanum af Aldísi!

Eva Marie gerir vel, setur líkamann fyrir og skýlir boltanum útaf svo Thelma Lóa nær ekki að setja boltann fyrir

Hornið frá Andreu er hættulegt eftir smá klafs endar boltinn framhjá markinu

Telma þræðir sig í gegnum völlinn fyrir Stjörnuna, missir hins vegar boltann og þær eru fljótar að koma honum upp á Ídu Marín, hún kemst í frábæra stöðu en Jakobína rétt kemst fyrir skotið og það fer yfir markið

Úlfa Dís kemst í góða stöðu inn í teignum en þær eru fljótar að komast fyrir hana og þrýsta henni út.

Stjarnan ætlar greinilega að stíga meira upp og pressar hér hátt í upphafi

Andrea Mist þrumar boltanum fram fyrir Stjörnuna

Fjörugum fyrri hálfleik lokið!

Þvílík veisla sem við erum að fá. Vonandi verður seinni hálfleikurinn jafn fjörugur!

Andrea Mist tekur hornið fyrir Stjörnuna setur hann fastann á fjær þar sem Hulda Hrund rétt missir af honum! FH þeytist svo í skyndisókn en Telma með frábæra tæklingu

a.m.k. 1 mín í uppbótartíma

Fínasta tilraun frá Hafrúnu en hárfínt framhjá stönginni

Andrea Rán tekur hornspyrnuna, setur hann fastann á Hafrúnu en hún setur hann beint í Þóru Maríu

Andrea Rán tekur spyrnuna fast niðri á fjærhornið en Skiba ver frábærlega, engin til í frákastið og hornið er niðurstaðan

Jakobína með Ídu Marín í heljargreipum í bókstaflegri svo Stefán dómari getur ekki annað en dæmt aukaspyrnu bara upp við vítateiginn!

Stjörnu konur hafa freistast til að stíga framar en það þýðir að þær skilja eftir pláss fyrir aftan sig sem FH elskaaaar

Stjarnan nálægt því að jafn hér, Aldís missir af boltanum og hann er bara við það að renna inn í autt markið en bjargað á síðustu stundu

Aftur er FH að ógna, Ída Marín rétt missir af boltanum og Skiba er fljót að hirða hann

Ída Marín með draumasendingu í gegn á systur sína hana Thelmu Lóu, en hún setur boltann beint á Skiba! Dauðafæri!!

Stjarnan með fínustu sókn halda boltanum og rúlla honum vel á milli, endar með fyrirgjöf frá Þóru Maríu en setur hann í varnarmann og Aldís grípur þetta svo.

Stjörnukonur eru með hárnákvæmt gameplan og það er að sækja hratt! Ingibjörg Lúcía með ágætis tilraun en það er yfir markið.

Andrea Rán með eina af sínum neglum fyrir utan teig en rétt framhjá!

Ingibjörg þrumar boltanum upp í slánna af stuttu færi en þetta er ekki búið og það er vandræðagangur í teignum áður en boltinn hrekkur svo út fyrir endalínu

klobbar Deju og skilur hana eftir! Lætur varnarmenn FH líta illa út, reynir svo stungu á Snædísi en Anna Heiða kemst inn í þetta á síðustu stundu

Smá samskiptaleysi hjá Jónínu og Aldísi, það sleppur fyrir horn en hættulegt var það

Andrea Mist tekur hornið, setur hann fastann út í teiginn en ekkert kemur þó úr þessu

Birna nælir í horn fyrir Stjörnukonur

Ída Marín hefur leika fyrir heimakonur í FH

Liðin ganga hér út á völl og hér er allt til reiðu fyrir frábæran fótboltaleik!

Búningar beggja liða eru hefðbundnir FH eru hvítar-svartar-Hvítar og Stjarnan eru bláar-hvítar-bláar

FH
Bræðurnir Guðni og Hlynur gera 1x breytingu á sínu liði frá 1-6 sigri gegn Grindavík/Njarðvík í síðustu umferð. Inn í byrjunarliðið kemur Jónína Linnet en á bekkinn sest Mackenzie.


Stjarnan
Óskar Smári gerir einnig 1x breytingu á sínu liði frá 3-2 sigri gegn Þór/KA í síðustu umferð. Inn í liðið kemur Hulda Hrund en úr liðinu kemur Fanney Lísa.

Landsliðskonan Sædís Rún Heiðarsdóttir fékk það verðuga verkefni að spá í leikina í 13. umferðinni


FH 1 - 2 Stjarnan
Grannaslagur af bestu gerð, það verður hiti á hliðarlínunni, Óskar og Hlynur keppast um að öskra sín lið áfram og stjarnan skorar undir blálokin. Ingibjörg hefur reimað á sig markaskóna í sumar og setur eitt ásamt Snædísi. Ída skorar fyrsta mark leiksins fyrir FH.

Liðin mættust eins og áður sagði þann 10. maí sl. þar sem FH fór með 1-2 sigur af hólmi, með mörkum frá Deju Sandoval og Hafrúnu Birnu. Hulda Hrund skoraði svo sárabótarmark Stjörnunnar í uppbótartíma.

Stjörnukonur hafa verið á mikilli siglingu og sitja í 3. sætinu með 21 stig, 3 stigum á eftir Breiðablik í 2. sætinu og 1 stigi á undan ÍBV í 4. sætinu.

Stjarnan hefur ekki tapað leik í deildinni síðan 10. maí þegar þær mættu einmitt FH í fyrri umferðinni. Þær hafa þó gert 2 jafntefli þar sem þær hafa misst stig.

Stjarnan er það lið í deildinni sem hefur fengið lang fæst mörk á sig en þær hafa einungis fengið á sig 11 mörk! eða 5 mörkum færri en FH og 4 mörkum færri en Breiðablik.

Stjarnan mun því eflaust treysta á solid varnarleik í kvöld gegn sóknarliði FH og reyna svo að breika á þær þegar færi gefst.

FH konur sitja á toppnum fyrir þennan leik, með 26 stig eða 2 stigum á undan Breiðablik í 2. sætinu og 5 stigum fyrir ofan Stjörnuna í 3. sætinu.

FH hafa komið af miklum krafti eftir hléið og markatalan úr síðustu tveimur leikjum er 13-4! en þær unnu Grindavík/Njarðvík 1-6 í síðustu umferð og Þrótt 7-3 þar á undan!

Þær hafa litið fáránlega vel út og bara hætta ekki að skora! Á góðum degi veit ég hreinlega ekki hvaða lið ætlar að stoppa þessa ferð á FH

Það eitt sem víst er að það ætti að vera nóg stuð í kvöld!

Umferðin hófst á sunnudaginn með tveimur leikjum, einn leikur var á dagskrá í gær en umferðin klárast svo í dag með tveimur leikjum.

13. umferðin lítur þá svona út:

Á sunnudaginn:
14:00 Víkingur R. - Fram 1-2
16:00 Þór/KA - ÍBV 2-1

Í gær:
19:15 Grindavík/Njarðvík - Þróttur 4-2

Í dag:
19:15 FH - Stjarnan
19:15 Valur - Breiðablik

Á flautunni í kvöld verður Stefán Ragnar Guðlaugsson og honum til halds og trausts verða Jovan Subic og Mikael Ívan AxelssonErlendsson aðstoðardómarar.

Fjórði dómari er Ágúst Hjalti Tómasson og eftirlitsmaður í kvöld er Gunnar Helgason.

Verið hjartanlega velkomin í þessa textalýsingu þráðbeint frá Kaplakrikavellinum þar sem FH tekur á móti Stjörnunni í 13. umferð Bestu deildarinnar.

Leikurinn hefst á slaginu 19:15!