Snæbjört Pálsdóttir @fotboltinet

- Meðalaldur 22 ár

- Meðalaldur 20 ár

Hvað réði úrslitum? Ég er bara hreinlega enn að ná mér eftir þennan leik! En gæðin, krafturinn og trúin hjá þessu FH liði er á einhverju öðru plani þessa daganna! 20 mörk í 3 síðustu leikjum og annað 7-3 sigur á heimavelli í röð! Stjarnan átti bara engin svör við sóknarleik FH í dag og það réði úrslitum. Bestu leikmenn 1. Hafrún Birna Helgadóttir Það er fáránlega erfitt að velja besta mann leiksins í dag svo margar sem gera tilkall! Hafrún fær samt þennan titil í dag hún var ógeðslega góð bara hvar sem var á vellinum! Setti mark og var stöðugt ógnandi. Það sem hún hefur vaxið í sumar! 2. Ída Marín Hermannsdóttir Er bara frábær leikmaður og þvílíkur svindlkall í þessari deild! Setti tvö fyrstu mörkin og kom FH liðinu í góða stöðu. Það þarf svo sem ekkert að eyða fleiri orðum um hversu mögnuð hún er! Við vitum það öll, aðrar sem gera tilkall sem bestar í kvöld eru að öðrum ólöstuðum Andrea Rán, Ingibjörg og Hrönn sem átti frábæra innkomu í seinni hálfleik. Atvikið Ég set þetta á fimmta mark FH á 72. mínútu. Stjarnan var nýbúin að minnka muninn í 4-2 með marki Murielle Tiernan og í smá stund kviknaði von um að leikurinn gæti orðið spennandi. Þá gekk Hrönn Haraldsdóttir á lagið eftir samskiptaleysi í vörn Stjörnunnar, klobbaði Skibu og kom FH í 5-2.

Hvað þýða úrslitin? Úrslitin þýða það bara að FH er ennþá á toppnum nú með 29 stig eða 2 stiga forskot á Breiðablik í 2. sætinu. Stjarnan hins vegar er enn í 3. sætinu með 21 stig en markatalan hins vegar hríðféll eftir leikinn. Vondur dagur Vondur dagur hjá Stjörnunni bara í heild, þær höfðu fyrir leikinn fengið fæst mörk á sig en voru opnaðar aftur og aftur í Kaplakrika. Það er aldrei gott að fá 7 mörk í pönnuna í einum leik! Dómarinn - 7 Man ekki eftir neinu vafaatriði hjá dómaratríóinu í þessum leik. Var ekkert að stoppa leikinn að óþörfu og það er það sem við viljum!

- Meðalaldur 24 ár

- Meðalaldur 19 ár