Elías Ingi flautar þennan magnaða leik hér af eftir að hafa bætt við mínútu og það er allt að sjóða upp úr hérna og það fara rauð spjöld á loft hérna.

Ég verða að skoða þetta og þakka fyrir mig!

Leandro sendir Valdimar einan í gegn, þá meina ég einan!

Hann og Oumar Diuock eru komnir aleinir gegn Óla í markinu en Valdimar tekur skotið í stöngina og útaf.

Hann hefði getað klárað þetta fyrir þá grænu þarna en í staðinn geta HKöingar jafnað!

Sé ekki hver það er en einn varnarmaður HK fær boltann í löppina eða setur löppina rétt svo í boltann eftir að Óli missir hann niður og áður en hann tekur hann svo aftur upp inni í markteig HK.

Þetta var ansi áhugavert!!!

Jóhann keyrir upp í skyndisókn, 2 á þrjá. Hann keyrir inn á teig og kemur með boltann á fjær á Jóhann sem er aleinn á auðum sjó og með allt markið fyrir framan sig. Það leit allt út fyrir að hann fengi boltann þegar seinasti varnarmaðurinn, Arnar Helgi, nær að setja stóru (eða litlu) tána í boltann og aftur fyrir. Þarna kemur hann bara í veg fyrir mark hjá HK.

Guy Smit gerir vel í að handsama boltann í hornspyrnunni.

Nú keyrir Leandro Fernandes inn á teiginn og kemur með bolta fyrir sem Ólafur er nærri búinn að missa út í teiginn en nær að bjarga sér fyrir horn.

Það er stutt í sigurmark Njarðvíkinga finnst mér.

Arnleifur kemur með frábæran bolta á fjærsvæðið þar sem Eiður Aron skallar hann inn í mixið en það er ennþá barátta í gestunum sem hreinsa þetta frá með herkjum.

Það eru rosalegar lokamínútur hérna framundan.

Davíð Smári stendur, eins og ég sagði hér áðan, fyrir aftan markið sem HK er að sækja að (nær bílastæðinu) og er að láta í sér heyra). Elli stoppar leikinn og biður hann um að fara þaðan sem hann gerir eftir gott spjall við Elías.

Alexander Helgi með hornspyrnu sem Eiður Aron nær til og tekur skotið rétt framhjá

Leikmenn eru farnir að kasta sér niður með látum í hvert sinn sem þeir fá tækifæri til og kvarta og kveina af fullum hálsi ásamt bekkjum og stuðningsfólki. Elli er að missa tökin á þessu finnst mér eftir þetta atvik sem gerist með rauða spjald Davíðs Smára.

Alexander Helgi tekur spyrnuna inn á teiginn sem Þorsteinn Aron skallar frá áður en Njarðvíkingar halda sóknarpressunni áfram en HK-ingar ná að lokum að bægja hættunni frá.

Elli bíður bara og bíður eftir að Davíð kemur sér frá vellinum sem hann tekur sér sinn tíma í. Þetta voru afar áhugaverðar mínútur. Allir að fylgjast með Davíð fara fyrir aftan grindverkið sem hann gerir.

Nú er hann ásamt hópi manna fyrir aftan mark HK (nær bílastæðinu) að garga inn á völlinn en Njarðvíkingar eru einmitt að sækja á það mark og þar stendur Davíð Smári að garga sína menn áfram.

Valdimar er að komast einn í gegn þegar varnarmaðurinn hann fellur í baráttunni við varnarmenn HK og fær ekkert. Það verður allt vitlaust hjá Njarðvíkingum!

Arnleifur tekur spyrnuna inn á teiginn sem fer í pakkann á markteignum en Óli gerir vel og handsamar boltann.

Alexander Helgi tekur spyrnuna inn á teiginn sem Eiður Aron skallar framhjá og þá flautar Elías Ingi þennan fyrri hálfleik af sem hefur verið fínasta skemmtun.

Tökum okkur korter.

Síðasta spyrna fyrri hálfleiksins

Alexander Helgi gerir frábærlega inni í D-boganum og tekur skotið á markið sem Ólafur gerir sömuleiðis vel í að verja.

Tumi með frábæra fyrirgjöf inn á teiginn á Atla Hrafn sem var aleinn á auðum sjó en skallinn var auðveldur viðureignar fyrir Guy Smit. En hann var ekkert eðlilega einn þarna.

Mér finnst þetta ekki hendi en Dominik Radic hreinsar hornspyrnu Njarðvíkinga í liðsfélaga og heimamenn vilja meina að hann hafi farið í höndina á honum. Þetta hefði verið ódýrt ef Elli hefði bent á punktinn þarna.

Oumar Diouck vinnur boltann og tekur of þunga snertingu sem fer inn fyrir á Valdimar sem er langt fyrir innan og AD flaggar. Þar að leiðandi hægri aftasti varnarmaður HK á sér og Valdimar en ekki Oumar sem keyrir áfram og nær skotinu sem Ólafur ver vel aftur fyrir.

Löng sókn í kjölfar hornspyrnunnar. Fyrst tekur Viktor stórgott skot af löngu færi á Ólaf sem ver það. Þeir halda síðan áfram að láta vaða. Þar að meðal skot frá Braga af stuttu færi sem fer beint á Ólaf.

Það er mikil barátta á miðjunni í gangi þessar mínútur. Leikurinn er aðeins að róast núna.

Aron Einarsson fær boltann í teignum og reynir skot á markið sem fer rétt framhjá. Njarðvíkingar virðast vera að vakna til lífsins hérna eftir ekki góða byrjun.

Mörk breyta leikjum!

Spyrnan er tekin stutt og svo inn í á Þorstein Aron sem reynir skot í fyrst en það fer í varnarmann og Njarðvíkingar hreinsa að lokum frá.

Frábær sókn hjá Njarðvíkingum. Viktor Nói fær boltann inni á teig HK eftir flott spil og rúllar honum til hliðar á Braga sem er einn gegn Ólafi í marki HK. Það var enginn í honum en það er eins og einhver þúfa þarna á fjærsvæðinu hafi fellt hann og þar að leiðandi kikksar hann boltann langt framhjá og yfir.

Bragi Karl keyrir upp hægri vænginn og kemur með boltann fyrir á Valdimar en Ólafur Örn í markinu gerir vel og nær að koma sér fyrir sendinguna.

Það er fyrirliðinn Ívar Örn sem tekur spyrnuna. Veggurinn gerir vel og skallar boltann aftur fyrir í hornspyrnu.

HK að fá aukaspyrnu á stórhættulegum stað eftir flotta sókn, sjáum hvað gerist hér.

Oumar Diouck á upphafsspark þessa leiks.

Sólin er mætt og það eru toppaðstæður hér í Njarðvík fyrir knattspyrnuiðkunar.

Áfram fótbolti

HK tók Njarðvík í Kórnum, 2-0, fyrr á tímabilinu í fyrri leik liðanna. Helstu atvik þessa leiks má finna hér að neðan.

Það eru fjórir leikir framundan í Lengjudeildinni á næstu dögum, í 15. umferð deildarinnar. Það er nú þegar einn leikur búinn í umferðinni en Vestri og Ægir mættust fyrir rúmum mánuði síðan þar sem Vestri leikur í Evrópukeppni.

Afturelding og Grótta mætast eftir mánuð en sá leikur er líklega hluti af þessari umferð.

Við fengum Eið Orra Ragnarsson, leikmann Keflavíkur, til að spá í leikina sem eru framundan og hann fékk líka að velja einn leik úr 2. deild til að spá í. Hér að neðan má sjá hvernig hann spáir leik kvöldsins í Njarðvíkinni.


Njarðvík 2 - 2 HK (19:15 í kvöld)
Þetta verður skemmtilegur leikur sem endar með 2-2 jafntefli þar sem Svavar Örn setur eitt á móti sínu uppeldisfélagi en fagnar ekki.

Liðið sem ég held með í kvöld, þriðja liðið, er þannig skipað að aðaldómari leiksins er gæðablóðið Elías Ingi Árnason, honum til aðstoðar verða þeir Kári Mímisson og Óliver Thanh Tung Vú. Eftirlitsmaður KSÍ er hann Ingvar Örn Gíslason.

Gunnar Heiðar Þorvaldsson, þjálfari HK, mætir í kvöld sínum gömlu félögum í Njarðvík en hann tók við Njarðvík í lok tímabils 2023 og náði að halda liðinu uppi með einu marki í lokaumferðinni áður en hann tók liðið í toppbaráttu næstu tvö tímabil. Gunnar lagði frábæran grunn til framtíðar fyrir Njarðvíkinga sem hafa verið að styrktu sig hressilega í vetur fyrir átökin í sumar og fengu Davíð Smára til að taka við liðinu.


Gengi Njarðvíkinga hefur ekki verið eins og þeir hefðu viljað hafa það í sumar. En þeir hafa verið að stíga upp í seinustu leikjum og stigasöfnunin skánað. Leikurinn í kvöld er hins vegar gífurlega mikilvægur fyrir heimamenn upp á það að gera að ná að minnka bilið í HK úr 8 stigum í 5 stig með sigri en þeir missa þá 11 stigum frá sér með tapi.


HK er í 4. sæti deildarinnar, þremur stigum á eftir toppliði Aftureldingar sem á þó leik til góða á HK og önnur lið í toppbaráttunni, þeir leiki verða svo tveir eftir leik kvöldsins. Lærisveinar Gunnars Heiðars hafa unnið 4 af seinustu 5 leikjum og skorað helling af mörkum.

Heilir og sælir ágætu lesendur. Það verður gönnað brautina í kvöld fyrir stórleik helgarinnar í Njarðvík þegar HK kemur í heimsókn. Sölvi heiti ég og fæ þann heiður að fylgja ykkur í gegnum þennan leik.

Það er vonandi að við fáum einhvern veisluleik hérna.