Þróttur keyra fram í skyndisókn og Magnús Þórðarson er einn á móti markmanni sem kemur út og nær að loka á hann. Magnús fékk alltof mikinn tíma til að hugsa þarna.

Sveinn dómari flautar svo leikinn af strax í kjölfarið.

Afturelding vinnur horn sem Þróttur skallar burt.

Veit ekki hverju var bætt við en við erum að sigla inn í uppbótartíma.

Birkir Már með mikið pláss og reynir að koma boltanum fyrir markið en Þróttarar koma sér fyrir.

Afturelding að hóta marki en Þróttarar verjast því vel.

Bjartur Bjarmi með sendingu fyrir markið og Axel Óskar á skalla sem fer framhjá markinu.

Kári Kristjáns með skot rétt yfir markið.

Aroni Snæ dauðlangar í þrennuna og Þróttarar eru svolítið að leita af honum.

Aron Snær Ingason að hóta þrennunni en núna sér Arnar Daði við honum á nærstönginni.

Birkir Már reynir sendingu fyrir markið en Njörður kemur þessu aftur fyrir og Afturelding fær horn.

Axel Óskar með langt innkast inn á teig og gestirnir eiga skalla sem dettur ofan á þaknetið. Ekki mikil ógn í þessu.

Þróttarar skemmta sér í stúkunni og mega líka vel fagna þessari stöðu.

Alls ekki sú leikmynd sem maður bjóst við komandi inn í þennan leik.

Elmar Kári Cogic reynir að finna Joachim Holtan en hann nær ekki að taka með sér boltann.

Þróttur í hörku færi en Adam Árni líklega í rangstöðu þegar boltanum er laumað á hann í teignum og hann reynir ekki við hann.

Þróttur sparkar þessu af stað aftur.

Flautað til hálfleiks strax eftir miðju.

Afturelding byrjaði leikinn betur en svo hefur allt farið í skrúfuna hjá gestunum og Þróttur leikið á alls oddi.

Verður áhugaverður seinni hálfleikur.

Tryggvi Snær með skot á nærstöng sem Arnar Daði ver.

Elmar Kári Cogic tekur aukaspyrnuna og setur hana yfir markið.

Afturelding fær aukaspyrnu við vítateigslínuna. Slæm sending til baka og Elmar Kári Cogic kemst á milli og kemur boltanum á Bjart Bjarma sem er tekinn niður rétt við vítateigslínuna.

Hiti við varamannaskýli Þróttara og menn þyrpast að.

Afturelding brotlegir eftir hornspyrnu og Sveinn bendir á punktinn!

Þróttarar vinna boltann og keyra hratt upp. Örn Bragi lætur vaða fyrir utan teig gott skot sem Arnar Daði þarf að hafa sig allan við að slá framhjá stönginni.

Örn Bragi með tilraun úr þröngu færi beint á Arnar Daða í marki Aftureldingar.

Afturelding stýrt leiknum í byrjun en Þróttur verið hættulegir þegar þeir komast í skyndisókn.

Afturelding að leita leiða á bakvið vörn Þróttara sem verjast því vel.

Axel Óskar með langt innkast sem Bart Kooistra nær að koma sér fremst á inni í teig en snertingin ekki góð og Þórhallur Ísak í marki Þróttara ekki í neinum vandræðum að grípa inn í.

Hvorugt liðið er að gefa nein færi á sér og baráttan er mest megnis á miðjunni.

Aron Snær Ingason kemst á ferðina og reynir að finna Adam Árna í hlaupi en sendingin ekki góð. Adam Árni gerir þó vel og nær að vinna horn.

Arnar Daði slær boltann burt úr horninu.

Elmar Kári Cogic með flottan sprett upp hægri væng og inn á teig. Kemur með sendingu/skot sem fer rétt framhjá markinu en boltinn fór af Joachim Holtan.

Þetta er farið af stað!

Byrjunarliðin eru klár og má sjá hér til hliðar.

Bæði lið stilla upp sterkum liðum og allir fjórir fersku eru á sínum stað í byrjunarliðunum í kvöld.

Spámaður umferðarinnar í Lengjudeildinni er Jón Gísli Eyland, leikmaður ÍA. Um er að ræða 16. umferð en einn leikur er búinn í umferðinni (HK - ÍR 5-1).



Þróttur 3 - 2 Afturelding
Þróttara taka þetta í rosalegum leik í Laugardalnum, Moso strákar hátt uppi eftir síðasta leik en ná að klóra í bakkann í lokin og minka muninn en það dugar ekki til, fyrrum Tindastóls maðurinn Vilhjálmur Kaldal setur 1-2 í þessum leik.

Liðin mættust í 5. umferð í Mosfellsbæ, þann 22. maí. Vonandi verður sama fjör í komandi leik og var þá. Elmar Kári Enesson Cogic skoraði tvívegis í 4-3 sigri Aftureldingar. Óðinn Bjarkason skoraði sigurmarkið og Bart Kooistra skoraði einnig fyrir Mosfellinga. Sigurður Egill Lárusson skoraði tvö mörk fyrir Þróttara en hann er sem stendur á meiðslalistanum. Kári Kristjánsson skoraði hitt mark Þróttar.

Lestu nánar um leikinn

Sportbarinn Ölver í Glæsibæ verður með sérstaka upphitun fyrir leikinn og hefst hún klukkan 17:00. Drykkir á gleðistundarverði.



Örn Bragi Hinriksson - Þróttur R.
Sóknarmaður sem veldur miklum usla með hlaupum bæði með og án bolta. Óútreiknanlegur í kringum teig andstæðingana og með einstakt lag fyrir því að koma sér í færi og skora mörk. Vinnur auk þess vel fyrir liðið varnarleik bæði í pressu og með hlaupum til baka. - Er kominn með sex deildarmörk á tímabilinu.



Óðinn Bjarkason - Afturelding
Ákveðinn X-faktor leikmaður sem getur alltaf 'poppað upp' og skilar mörkum og stoðsendingum í hverjum einasta leik þó hann sé ekki alltaf mest áberandi í spilinu. Áhættusækinn, með góðan hægri fót, fljótur og teknískur kantmaður sem getur gert gæfumun í leikjum.

Óðinn hefur skorað ellefu mörk í Lengjudeildinni á tímabilinu en aðeins Dominik Radic (tólf) í HK hefur skorað fleiri.



Brynjar Gautur Harðarson - Þróttur R.
Spennandi miðjumaður sem er lykilmaður í sóknarleik Þróttar þegar kemur að því halda í boltann og dreifa spili með stuttum sendingum. Fáir leikmenn ef einhver í deildinni sem missa boltann sjaldnar undir pressu. Einstaklega klókur í staðsetningum varnarlega og frábær í návígjum varnarlega, ver vörn Þróttara frábærlega.

Brynjar Gautur var valinn í úrvalslið umferð 1-11 í deildinni.



Bjartur Bjarmi Barkarson - Afturelding
Annar sem var líka í liði 1-11. Magnaður miðjumaður og í raun furðulegt að hann hafi ekki verið orðaður meira við lið í Bestu deildinni. Mikill íþróttamaður með lágan jafnvægispunkt, sterkur, kraftmikill og með öfluga hlaupagetu. Frábær að vinna milli línanna. Á oft lykilsendingar en getur bætt við sig mörkum og stoðsendingum til að taka næstu skref.

Bjartur Bjarmi er frá Ólafsvík og hefur leikið með Aftureldingu síðan tímabilið 2023.

Liðin sitja í 1. og 2. sæti deildarinnar og má því búast við hörku leik hér á Avis vellinum í kvöld þar sem ekkert verður gefið eftir.



Afturelding sitja í fyrsta sæti deildarinnar og hafa verið á eldi! Þeir hafa unnið síðustu fimm leiki í röð í deild og hafa á tíðum virkað hálf ósigrandi. Ásamt því að vera búnir að vinna síðustu fimm í röð tryggðu þeir sig í bikarúrslit í síðustu viku þegar þeir lögðu Fylki eftr vítaspyrnukeppni.
Það má segja að það sé líklega helvíti gaman að vera stuðningsmaður Aftureldingar þessa daga.



Þróttarar hafa sýnt í sumar að þeir eru hörku lið líka. Þeir sitja í 2. sæti deildarinnar og eru einu stigi á eftir Aftureldingu í fyrsta sætinu. Þróttur hafa sótt 8 stig af síðustu 15 mögulegum og unnið síðustu tvo leiki sína. Þrátt fyrir smá hikst á tímabilinu býr hellingur í þessu liði sem getur veitt hvaða liði sem er góða keppni.

Sveinn Arnarsson fær það verðuga verkefni að dæma þennan toppslag í kvöld og honum til aðstoðar verða Óliver Thanh Tung Vú og Tryggvi Elías Hermannsson.
Gylfi Þór Orrason er þá eftirlitsmaður KSÍ.

Verið hjartanlega velkomin í þessa þráðbeinu textalýsingu frá leik Þróttar og Aftureldingar sem fram fer á Avis vellinum í Laugardal í kvöld.