Reynir flautar þetta af. Fjörugum leik lokið. Það var jafnræði með liðunum fyrstu 50 mínúturnar en frábær seinni hálfleikur skilaði Frömurum verðskulduðum sigri.

Viðtöl og skýrsla væntanleg

Taylor sloppin í gegn en er dæmd brotleg við litla hrifningu heimamanna

Hildur fær aðhlynningu

Valur fær hornspyrnu

Katrín á frábært skot fyrir utan teig en yfir fer boltinn

Sara Svanhildur með frábært skot fyrir utan teig sem Vera ver vel

Fram fær hornspyrnu. Isabelle skallar boltann að marki en Valskonur bjarga á línu. Brookelynn á síðan fastan bolta aftur inn í teig en Taylor potar boltanum framhjá

Önnur skottilraun Söru Svanhildar fyrir utan teig á stuttum tíma. Fram uppsker hornspyrnu

Valur fær hornspyrnu

Lillý Rut sparkar seinni háfleik af stað. Neglir boltanum í innkast líkt og PSG

Fram leiðir í hálfleik. Það hefur verið jafnræði með liðunum og gestunum þykir það líklega ósanngjarnt að vera undir.
Tökum okkur smá pásu og óskum eftir fleiri mörkum í þeim síðari

Harpa ákveður að skjóta, skotið fer í þverslánna. Alls ekki galin tilraun

Glíma á milli Taylor og Málfríðar. Reynir dæmir á Taylor en Steinar Stephensen, aðstoðardómari, leiðréttir það. Aukaspyrna við vítateig og endalínu

Margrét Brynja keyrir upp völlinn og finnur Ragnheiði inn í teig Framara. Hún á fína fintu og svo skot sem fer rétt framhjá

Aukaspyrnan fer í vegginn og Valur fær horn. Gott svar hjá gestunum, Margrét Brynja komst í úrvalsfæri stuttu eftir að Fram komst yfir en varnarmaður komst í skot hennar

Alda með stórhættulega fyrirgjöf sem svífur yfir allan pakkann. Það vantaði bara einn haus á fjærstöngina þarna

Aufí togar Unu Rós niður, hún fær tiltal. Hefði líklega verið gult spjald í seinni hálfleik

Fín skottilraun hjá Kimberley Dóru, vann boltann og keyrði upp hægri vænginn

Góð byrjun hjá Margréti Brynju sem hefur haldið vel í boltann og náð að leysa pressu Framara nokkrum sinnum

Fín sókn hjá Val sem endar með skoti frá Ísabellu Söru

Taylor er tækluð niður í vítateig gestanna. Reynir hlýtur að meta það svo að Málfríður Anna hafi náð til boltans fyrst en þá skil ég ekki hvers vegna hornspyrna er ekki dæmd.

Jafnræði með liðunum til þess að byrja með, bæði lið að mæta grimm til leiks

Valur á fyrsta skot leiksins, fínn taktar hjá Margréti Brynju

Fram byrjar þetta

Anton Ingi Rúnarsson, þjálfari Fram, gerir eina breytingu frá tapinu gegn Grindavík/Njarðvík í undanúrslitum bikarsins um helgina. Kristín Magdalena Barboza kemur inn fyrir Katrínu Vilhjálmsdóttur.

Matthías Guðmundsson, þjálfari Vals, gerir þrjár breytingar frá 1-7 tapi gegn Breiðabliki í síðustu umferð. Vera Varis verður á milli stanganna í stað Tinnu Brár. Helga Rut og Emma Hawkins byrja í stað Sóleyjar Eddu og Kolbrár Unu.

Alma Mathiesen, leikmaður HK í Lengjudeild kvenna, var fengin til að spá fyrir um leikina í umferðinni.

Fram 1 - 0 Valur
Held að þetta verði lokaður leikur þar sem bæði lið leggja áherslu á að verja markið sitt. Fram skorar sigurmarkið í seinni hálfleik og tengir fjórða sigurinn í röð í deildinni.

Fram er í 7. sæti deildarinnar með 13 stig, þremur meira en Valskonur og tapi heimakonur í dag fer Valur upp fyrir þær. Fram fékk skell um helgina, tapaði 0-3 gegn Grindavík/Njarðvík í undanúrslitum Mjólkurbikarsins. Þar á undan hafði Fram unnið þrjá deildarleiki í röð og komið sér úr botnsætinu sem liðið hafði vermt allt tímabilið. Það er spurning hvort Fram haldi áfram á sömu braut í deildinni og nái að slíta sig örlítið frá Val.

Valskonur eru í 10. og síðasta sæti deildarinnar en það er í fyrsta skipti í sögu félagsins sem kvennaliðið er í fallsæti. Valur er sigurlaust í síðustu sex leikjum og skoraði einungis fjögur mörk í þeim leikjum. Varnarleikurinn hefur þó verið flottur í sumar ef við tökum síðasta leik út fyrir sviga. Þar tapaði liðið 1-7 gegn Breiðabliki á heimavelli.

Reynir Ingi Finnsson er á flautunni. Honum til aðstoðar eru Steinar Stephensen og Ingólfur Kristinn Magnússon. Fjórði dómari er Hallgrímur Viðar Arnarson.

Heil og sæl öll sömul og verið þið velkomin í textalýsingu frá Lambhagavellinum. Hér mun Fram taka á móti Val í lokaleik 13. umferðar í Bestu deild kvenna.