Afskaplega öruggur og þægilegur sigur Njarðvíkinga er niðurstaðan í dag. Skýrslan kemur inn á vefin innan skamms.

Viktor Nói líkast til að reyna fyrirgjöfina en vindurinn er svo mikill hérna að boltinn sogast í átt að markinu og Victor þarf bara að hafa sig allan við til að verja þennan bolta.

Andri Bergmann reynir skotið fyrir utan teig en skotið langt framhjá.

En rangstaða. Leandro með þrumuskot fyrir utan teig sem Victor ver en beint á Hrafn sem klárar í opið markið, en hann var rangur.

Leandro með skotið af löngu færi en beint á Victor.

Njarðvíkingar vinna boltann ofarlega og koma honum út til vinstri á Leandro Fernandes. Hann er kominn í algjört dauðafæri en dúndrar boltanum í hliðarnetið.

Þetta hefur verið rosalega erfitt fyrir gestina. Virkar eins og það er bara meiri líkur á því að Njarðvík bætir við frekar en öfugt.

Völsungur kemst upp hægri kantinn og þeir koma boltanum inn í teig á Elmar. Hann tekur skotið en í varnarmann og aftur fyrir.

Njarðvíkingar vinna boltann ofarlega á vellinum og Oumar kemur sér í gott færi. Færir boltann til hliðar til að búa til meira pláss og tekur skotið en þessi fer langt framhjá.

Leandro Fernandes með skotið fyrir utan teig en völlurinn er alveg rennandi blautur og hann rennur í skotinu á rassinn og skotið því hátt upp í loft og Victor grípur boltann.

Leandro Fernandes með skotið fyrir utan teig rétt yfir. Hann kom víst inn á í hálfleik, er að finna út úr því fyrir hvern.

Njarðvík með örugga forystu í hálfleik. Gestirnir lengi vel ekki verið nálægt því að gera eitthvað en hér rétt fyrir hálfleiksflautið fengu þeir dauðafæri.

Rokið búið að hafa mikil áhrif á leikinn, og í seinni hálfleik verða gestirnir með vindinn með sér. Spurning hvort þeir geta þá komið til baka.

Fyrsta skot Völsunga og það er algjört dauðafæri. Elfar Árni með skotið inn í teig og það er á leiðinni inn, en varnarmaður Njarðvíkur er búinn að koma sér niður á línu og skallar þetta frá!

Arnar er staðinn á lappir og virðist ætla að halda áfram leik.

Arnar Pálmi sestur í grasið og þarf aðhlynningu. Gat ekki séð að þetta hafi verið eftir einhverja tæklingu eða eitthvað slíkt.

Fyrigjöfin frá hægri inn í teig gestanna og Valdimar nær skallanum en hann er laus og beint á Victor.

Heimamenn með boltann úti hægra megin og þeir koma með háan bolta inn í teig. Vindurinn grípur boltann og platar Victor markmann Völsungs svakalega. Mér sýnist boltinn enda síðan inni, en línuvörðurinn dæmir þá rangstöðu.

Njarðvík heldur góðum tökum á þessum leik og Völsungur kemst eiginlega bara ekki nálægt marki. Mjög vel stýrður leikur hjá heimamönnum hingað til.

Narðvíkingar vinna boltann og sækja svo hratt. Oumar Diouck leggur boltann á Valdimar sem er í fullt af plássi. Hann tekur svo skotið en það er mjög slak og fer vel framhjá markinu.

Njarðvíkingar með öll tök á leiknum. Arnar Helgi með skot fyrir utan teig beint á Victor í markinu.

Gestirnir ekki enn náð að hleypa af skoti.

Flott spil hjá Njarðvík og Alexander fer í hlaupið inn í teiginn að elta boltann. Inigo Albizuri virðist fara utan í hann og hann fellur við en ekkert dæmt!

Oumar Diouck kemst inn í sendingu milli varnarmanna Völsungs og er þá bara strax kominn í dauðafæri. Mbye sýnist mér vera sá sem fer alveg ágætlega hressilega aftan í Diouck en Arnar dómari segir honum bara að standa upp.

Fimm mínútum síðar og það er ennþá ekkert að frétta. Rokið er gjörsamlega að skemma gæðin í leiknum.

Það er kvasst í Njarðvík og rignir eitthvað. Liðin virðast ekkert voða hrifin af veðrinu, því leikurinn er voða rólegur hér fyrstu mínúturnar.

Arnar flautar og við erum farin af stað!

Því miður er enginn starfsmaður á vellinum í dag, og því er leiknum lýst úr sjónvarpi. Það verða því engin viðtöl eftir leik, en það má búast við skýrslunni mjög fljótlega eftir leikslok.

Róbert Hauksson, sóknarmaður Fram, tók að sér það verkefni að spá í leikina sem eru framundan.

Njarðvík 2 - 2 Völsungur
Bæði lið verið á góðu skriði undanfarið og Völsungur komið skemmtilega á óvart í sumar eftir brotthvarf ævintýramannsins De Wilde. Fjöldinn allur af KA-mönnum verða skráðir á leikskýrslu hjá Völsungi en það nægir ekki til að skila stigunum þremur. Aron Einarsson skorar eitt og leggur up annað en lætur svo reka sig af velli þegar hann er of lengi að fara út af og fær verðskuldað sitt seinna gula spjald.

Arnar Ingi Ingvarsson verður með flautuna í kvöld en honum til aðstoðar verða Ronnarong Wongmahadthai og Rögnvaldur Þ Höskuldsson. Dómaraeftirlitsmaður verður Jóhann Gunnarsson.

Húsvíkingarnir eru í 11. sæti deildarinnar og því á leið niður í 2. deild að öllu óbreyttu. Þeir hafa hins vegar verið á svakalegu skriði undanfarið, en þeir hafa unnið fjóra af síðustu fimm leikjum. Þeir eru þá bara einu stigi á eftir Grindavík í 10. sæti, þannig að ef þeir halda þessu áfram þá hljóta þeir að halda sér uppi.

Njarðvíkingar sitja í 5. sæti deildarinnar þegar aðeins þrír leikir eru eftir af deildinni. Það eru fimm stig niður í 6. sætið sem er Grótta og því ólíklegt að þeir nái þeim. Þá er sjö stig upp í efsta sætið og því enn minni líkur að Njarðvíkingar geti unnið deildina. Umspilið er því mjög líklegt fyrir þá, eftir þessa næstu þrjá leiki.

Komið þið sæl og verið velkomin í beina textalýsingu frá leik Njarðvík gegn Völsungi í 20. umferð Lengjudeildar karla.

Leikurinn hefst klukkan 16:00 og verður spilaður á JBÓ vellinum í Njarðvík.