Mjög verðskulduð þrjú stig sem verða eftir í Fossvoginum. Víkingar betra liðið langstærsta part leiksins þrátt fyrir að Valur hafi fengið stöður. Viðtöl og skýrsla koma inn í kvöld.

Þrjár mínútur í uppbót.

Fínasti bolti á fjær þar sem Daði Berg á skalla í varnarmann og aftur fyrir.

Jakob Franz með skot beint á Aron Snæ sem ætti að vera æfingabolti en á einhvern ótrúlegan hátt tekst honum að gera stórhættu úr því, missir hann og Valsarar fá horn. Stálheppinn Aron.

Stígur á fleygiferð upp vinstri kantinn og nær að koma boltanum fyrir markið en hann rúllar í gegnum allan pakkann án þess að nokkur nái til hans.

Langt innkast inn á teig Víkinga sem Valsarar ná að flikka lengra áður en Víkingar skalla frá.

Lúkas Logi hleður í hörkuskot en það stoppar á Gunnari Vatnhamar.

Hrannar Snær er við það að sleppa í gegn, nær að pota boltanum fram hjá Herði Inga sem tekur hann svo niður en ÞÞÞ ætlar ekkert mikið að nota flautuna í dag virðist vera.

Valdimar kominn á ferðina og nálgast teiginn, tekur skrýtna ákvörðun um að finna Hrannar, sendingin aðeins fyrir aftan hann og sóknin rennur út í sandinn.

Emil Nönnu fær boltann eftir hornspyrnuna en skotið hans er yfir markið.

Jónatan Ingi kominn á ferðina, skilur Svein Gísla eftir, en Gunnar Vatnhamar gerir frábærlega og stígur upp á móti Jónatan á hárréttum tíma og Valsarar fá horn.

Stígur Diljan átti fyrirgjöf rétt fyrir skiptinguna sem var of há fyrir Hrannar Snæ og fór aftur fyrir.

Valsarar eru að undirbúa skiptingu en þeir verða að bíða aðeins með hana þar sem Hólmar fékk ahlynningu og þeir verða þvi að vera einum færri í mínútu.

Hólmar Örn er sestur og þarf aðhlynningu. Virðist vera búinn í dag.

Viktor Örlygur fær boltann fyrir markið frá Helga. Hann er aleinn en Frederik gerir mjög vel, er fljótur út úr markinu og étur Viktor.

Gylfi Sigurðsson með frábæra sendingu, hárfín í gegn um línurnar inn á teiginn þar sem Gunnar Vatnhamar er og nær fínni snertingu en nær svo ekki almennilegu skoti.

Hrannar Snær fær líklega besta færi leiksins þegar boltinn kemur fyrir markið frá vinstri en á einhvern ótrúlegan hátt fer boltinn á milli lappanna á honum og rúllar í gegnum allan teiginn. Óskiljanlegt hvernig þetta er ekki mark.

Stígur Diljan í algjöru dauðafæri inn á markteignum en hann setur boltann yfir.

Valsarar í stórsókn og Víkingar henda sér fyrir allt áður en að Sveinn Gísli nær að hreinsa í Jónatan og út af.

Dagur Orri Garðarsson í dauðafæri en en Aron Snær gerir vel í markinu og ver frá honum.

Hornspyrnan kemur inn á markteiginn þar sem, jú, Sveinn Gísli er, tekur boltann á lofti og setur hann í slána. Ljónheppnir Valsarar að vera ekki 2-0 undir

Stígur Diljan í dauðafæri en Jakob Franz gerir vel og nær tæklingunni og kemur boltanum í horn.

Boltinn kemur inn á teiginn og enn og aftur er það Sveinn Gísli sem nær skallanum en boltinn í varnarmann og aftur fyrir hinum megin.

Tryggvi Hrafn á skot en Víkingar eru fljótir til baka og henda sér fyrir það.

Heimamenn byrja seinni hálfleikinn og Gylfi Sigurðsson setur hann í gang.

Hafliði Breiðfjörð er að sjálfsögðu mættur í Víkina, vopnaður myndavélinni, og tók þessar myndir í fyrri hálfleiknum.

Aftur endar hornið á enninu á Sveini Gísla en skallinn hans aftur fram hjá markinu. Þá flautar ÞÞÞ til hálfleiks í nokkuð fjörugum leik þrátt fyrir að það sé markalaust í hamingjunni. Víkingar verið ofan á stærstan part leiksins og hafa skapað fleiri færi en Valsarar hafa þó fengið stöður líka.

Stígur Diljan á skot á markið sem Frederik ver aftur fyrir.

Lúkas Logi finnur Tryggva Hrafn í góðri stöðu á vinstri kantinum, Tryggvi er kominn fram fyrir Karl Friðleif en ákveður að hægja á sér og á svo afleita sendingu inn fyrir vörn Víkings. Mjög illa farið með góða stöðu.

Valur fá aukaspyrnu sem er tekin inn á teiginn en þeir ná ekki að skapa neina stórhættu og Víkingar koma boltanum frá að lokum.

Gylfi tekur hornið, út sving bolti inn á teiginn og finnur Svein Gísla sem er aleinn en hittir ekki markið.

Valdimar í fínni stöðu og nær góðu skoti á markið en Frederik eins og köttur í markinu, eldsnöggur niður, og ver í horn.

Stígur með góðan bolta fyrir markið en það var eins og liðsfélagar hans væru ekki að gera ráð fyrir fyrirgjöfinni og boltinn fer í gegnum allan pakkann.

Hrannar Snær með frábæra takta inn á teig Valsara áður en hann kemur með þéttingsfastan bolta fyrir markið en þar er enginn samherji hans. Þarna þurfti bara eina tá á boltann.

Gylfi skrúfar boltann á fjær þar sem Hólmar Örn skallar frá. Sveinn Gísli fær boltann og reynir aðra fyrirfjöf sem Vals menn skalla frá sömuleiðis, beint fyrir lappirnar á Gylfa sem nær ekki að koma boltanum nægilega vel fyrir sig og kemur ekki skotinu á markið.

Brotið á Valdimar nokkrum metrum fyrir utan d-bogann og Víkingar fá aukapsyrnu á fínum stað.

Valsarar í fínni sókn þar sem að Lúkas Logi og Shkelzen Veseli ná skoti en í bæði skiptin komast Víkingar fyrir skotin.

Tryggvi Hrafn tekur aukaspyrnu utan af velli inn á teig Víkinga þar sem að Aron Snær rís hæst, missis af boltanum en Hólmar Örn fer aðeins inn í hliðina á honum og dæmdur brotlegur.
Aron liggur aðeins eftir en stendur fljótlega upp.

Víkingar í kjörstöðu til að sækja hratt eftir hornið en Stígur Diljan ákveður að hægja á og gefur boltann til baka.

Tryggvi Hrafn tekur spyrnuna en hún er löng og Karl Friðleifur skallar frá.

Hálf klaufalegur varnarleikur Víkinga verður til þess að Valsarar fá horn.
Valdimar trítlar aftur inn á völlinn eftir eina mínútu utan hans.

Gylfi finnur Hrannar Snæ í litlu svæði, Hrannar tekur eitt skref inn í völlinn og lætur vaða en skotið í varnarmann. Boltinn heldur áfram að fara á milli manna eins og í kúluspili en Víkingar ná ekki almennilegu skoti á markið og á endanum nær Schram til boltans. Valdimar liggur eftir og þarf aðhlynningu.

Helgi endurtekur sama hornið í þriðja sinn en Valsarar skalla frá.

Valsarar í nauðvörn þessa stundina og naumlega koma í veg fyrir mark og Víkingar fá annað horn.

Helgi tekur spyrnuna stutt á Gylfa sem lætur vaða á markið en skotið hans í varnarmann.
Dagur Orri fær boltann og kemst á ferðina en boltinn vefst fyrir honum og Víkingar vinna af honum boltann.

Enn og aftur er Stígur tekinn niður og Víkingar fá aukaspyrnu á fínum stað.

Víkingar ofan á þessa stundina og sækja linnulaust.

Góð skyndisókn hjá Víkingum, Hrannar Snær að komast á ferðina en Lúkas Logi á frábæra tæklingu. Aftur ná Víkingar boltanum og Valdimar fer á markið en aftur ná Valsarar góðri tæklingu og koma boltanum í horn.

Aftur tekur Helgi spyrnuna á svipaðan stað og áðan en boltinn endar á því að fara aftur fyrir hinum megin.

Víkingar halda sókninni áfram og Sveinn Gísli á fyrirgjöf á Nico sem reynir að koma boltanum á markið úr erfiðri stöðu en nær því ekki og Schram hirðir hann á endanum.

Helgi Guðjóns tekur spyrnuna sem er löng, og Valsarar skalla boltann frá á fjærstönginni.

Víktor Örlygur finnur Karl Friðleif úti hægra megin, hann reynir fyrirgjöf en hún fer í varnarmann og aftur fyrir.

Kristófer fer í mjög tæpa tækklingu á Stíg Diljan en ÞÞÞ sér ekkert að því og lætur leikinn halda áfram. Víkingar ekki parsáttir með þessa ákvörðun.

Gylfi með skemmtilega sendingu yfir varnarlínu Vals þar sem Karl Friðleifur lúrir en hann nær ekki stjórn á boltanum. Líklegt að flaggið hefði farið á loft ef eitthvað hefði orðið úr þessu.

Valdimar keyrir upp miðjan völlin og lætur vaða þegar hann er rétt fyrir utan teiginn en skotið er beint í varnarmann.

Gylfi með hárfína sendingu í gegn um línurnar og finnur Stíg sem reynir að koma boltanum fyrir markið en Valsmenn skalla frá.

Aron Snær
Karl Friðleifur - Vatnhamar - Sveinn Gísli - Helgi
Viktor - Gylfi
Valdimar
Hrannar - Nico - Stígur

Schram
Jakob Franz - Nakkim - Hólmar - Hörður Ingi
Shkelzen - Kristófer - Lúkas Logi
Jónatan - Dagur Orri - Tryggvi Hrafn

Valsarar fá aukaspyrnu inn á vallarhelmingi Víkings og turnarnir trítla inn á teiginn.
Tryggvi Hrafn tekur spyrnuna en Gunnar Vatnhamar er fyrstur á boltann og skallar frá.

Lúkas Logi sparkar þessu í gang fyrir Val

Valur yfir 1 mark er 1,72 á Epic og finnst mér það glæpsamlega gott veðmál með Víkinga þreytta í miðri evróputörn með engan Ekroth. Yfir 1,5 er 2.61. Sæll

— Kristalkúlan (@kristalkulan) August 23, 2026

Sölvi Geir Ottesen gerir þrjár breytingar á sínu liði frá svekkjandi tapi gegn Borac Banja Luka í vikunni. Aron Elís Þrándarson, Ármann Ingi Finnbogason og Oliver Ekroth koma allir út úr liðinu og sá síðastnefndi er ekki í leikmannahóp Víkings í dag.

Inn fyrir þá koma Sveinn Gísli Þorkelsson, Valdimar Þór Ingimundarson og Hrannar Snær Magnússon, en þetta er fyrsti byrjunarliðsleikur Hrannars fyrir Víking eftir að hann var fenginn til félagsins fyrr í þessum mánuði.

Chris Brazell gerir fjórar breytingar á sínu liði frá 4-4 jafntefli gegn KA í síðustu umferð en út koma þeir Samúel Kári Friðjónsson, Patrick Pedersen, Birkir Heimisson og Myles Veldman. Sá síðastnefndi er ekki í hóp.

Inn koma þá þeir Hörður Ingi Gunnarsson, Kristófer Dagur Arnarsson, Jakob Franz Pálsson og Shkelzen Veseli.

Þessi lið mættust á Hlíðarenda 31. maí í leik sem Víkingar unnu 1-5. Helgi Guðjónsson og Karl Friðleifur Gunnarsson skoruðu mark hvor og Óskar Borgþórsson setti þrjú. Tryggvi Freyr Haraldsson skoraði eina mark Vals.

Spámaður umferðarinnar er Gummi Tyrfings, leikmaður Fylkis og spáir hann þægilegum heimasigri:

Víkingur R. 3 - 1 Valur
Þægilegt fyrir Víking. Hrannar Snær kemur í liðið og stimplar sig inn með tveimur mörkum. Robert Orri kemur einnig inn og skorar úr langskoti, sláin inn. Valur mun síðan skora þegar Ekroth er að dúlla sér með boltann, rennur á rassinn og Tryggvi Hrafn sleppur einn í gegn og skorar með fallegri chippu.

Dómari leiksins í dag er Þórður Þorsteinsson Þórðarson og honum til aðstoðar eru Ragnar Þór Bender og Guðmundur Ingi Bjarnason á sitthvorri línunni. Fjórði dómari er Arnar Ingi Ingvarsson.

Valsarar koma inn í þennan leik á vondu skriði en liðið hefur aðeins unnið einn leik eftir að Brazell tók við sem aðalþjálfari liðsins. Þeir eru með þrjú töp, einn sigur og eitt jafntefli í síðustu fimm leikjum en síðasti leikur var jafntefli gegn KA í ótrúlegum leik sem endaði 4-4.

Víkingarnir hafa auðvitað verið í ströngu prógrammi síðustu vikur og hafa þeir aðeins hikstað í deildinni á meðan en hafa þó haldið í toppsætið í gegnum það. Í síðustu fimm leikjum eru þeir með eitt tap, tvö jafntefli og tvo sigra. Þeir heimsóttu FH-inga í síðustu umferð og unnu nokkuð öruggan 4-2 sigur.

Verið hjartanlega velkomin í þessa þráðbeinu textalýsingu frá leik Víkings og Vals í Bestu deild karla. Leikurinn fer fram í Víkinni og flautað er til leiks klukkan 19:15.