SKÝRSLAN: Dauðafæri á afreki sem var talið óhugsandi fyrir tímabilið
Hvað réði úrslitum?
Keflvíkingar eru bara búnir að kynnast því í sumar hvernig á að vinna fótboltaleiki, þeir eru með meira sjálfstraust. Í dag var það ekki fallegt, heilt yfir var ÍBV betra liðið en Keflvíkingar gerðu mjög vel að skora eina mark leiksins og halda út.
Bestu leikmenn
1. Stefan Ljubicic (Keflavík)
Skoraði sigurmarkið sem sem skildi liðin að. Búinn að vera frábær í sumar fyrir liðið sitt.
2. Ásgeir Orri Magnússon (Keflavík)
Var öruggur í sínum aðgerðum, hélt hreinu og bjargaði frábærlega undir lokin.
Atvikið
Sigurmarkið sem Stefan Ljubicic skorar. Hörkuskalli eftir flotta fyrirgjöf frá Eiði Orra Ragnarssyni. Alvöru framherjamark.
Hvað þýða úrslitin?
Keflvíkingar eru í dauðafæri á að komast í topp sex þegar deildinni verður skipt. Það er eitthvað sem talið óhugsandi fyrir tímabilið þar sem flestir voru með Keflavík í neðsta sæti í sínum spám fyrir tímabilið. Frábært tímabil hjá Keflvíkingum og þeir mega vera mjög stoltir. ÍBV, hins vegar, hefur ekki unnið í síðustu sjö leikjum og mega þakka fyrir það að bæði Akureyrarliðin eru arfaslök um þessar mundir.
Vondur dagur
Omar Sowe sást ekki í fremstu víglínu hjá ÍBV í þessum leik, þeir náðu ekki að finna hann á lykilaugnablikum. Hann þarf að stíga upp núna þegar mikilvægustu leikirnir á tímabilinu eru framundan.
Dómarinn - 8
Sveinn var að dæma sinn fyrsta leik í Bestu deildinni og komst vel frá því. Ekki hár erfiðleikastuðull en samt sem áður vel gert.