Þetta er búið, Haukar eru komnir upp í Lengjudeildina, staðfest. Takk fyrir að fylgjast með!

Viktor Daði með fast skot rétt framhjá marki Hauka. Menn eru sofandi.

Rúnar með sendingu inn í teig en Einar Karl stoppar sendinguna og kemur boltanum burt.

Ævar Segatta með neglu beint í rassinn hans Jón Arnar.

Ævar Segatta fær boltann langt fyrir utan teig, lætur vaða en skotið er yfir markið.

Þetta voru ótrúlegar 3 mínútur, 3 mörk á 3 mín. Ég var í erfiðleikum og ég afsaka það.

Atli Þór með sendingu inn í teig og Hektor nær ekki að skalla í boltann.

Pablo á hægri kantinum skýtur beint á Auðunn.

Daði með flotta sendingu inn í teig á Sigurð Hrannar sem rennur og rétt nær að pota í boltann og setur hann í stöngina. Haukar eru hársbreidd frá því að skora.

Daði með sendingu inn í teig en varnarmenn gestana ná að koma boltanum burt.

Pablo vippar á Jón en Auðunn er fljótur út úr markinu og skallar boltann burt.

Pablo setur Sigurð Hrannar í gegn og hann er tekin niður í boxinu sem truflar hann og skotið fer framhjá markinu. Þetta er víti allan daginn, veit ekki hvað dómarinn er að pæla þarna. Varnarmaðurinn fer ekki í boltann bara manninn.

Viktor Smári með háa sendingu inn í teig sem Sveinn Óli grípur.

Jón Arnar sendur á Pablo inn í teig, þröngt færi en skotið hans Pablo er blokkað af varnarmanni.

Jón Arnar lætur vaða fyrir utan teiginn, Auðunn ver en hann missir boltann frá sér en hann nær boltanum aftur. Gaui Lýðs vill meina að Gunnlaugur senti á Auðunn og Auðunn tekur upp boltann, veit ekki með það.

Jón Arnar fellur niður í teignum, ekki víti að mínu mati.

Gunnlaugur með lélega sendingu til baka á Frey sem missir boltann frá sér en Auðunn nær í boltann á undan Arnari Núma.

Jón Arnar á vinstri kantinum keyrir inn í teig og sendir fram fyrir markið en varnarmenn gestana ná að koma fyrir sendinguna.

Selfyssingar unnu 3-1 gegn Þrótti Vogum þannig að Haukar geta ekki unnið deildina ef þeir vinna en þeir tryggja sér sæti upp um deild með sigri í dag.

Heimamenn byrja vel, Arnar númi sendir Jón Arnar í gegn en hann missir boltann frá sér.

Gestirnir byrja.

45 mín búnar og Haukar eru á leiðinni í Lengjudeildina, nema ef Dalvík/Reynir getur gert eitthvað í seinni og eyðilagt partýið. Sjáum til eftir korter.

Einar Karl með hættulega aukaspyrnu á Punyed sem skallar framhjá, Punyed fær í bakið eftir þetta.

Gestirnir með hræiðlega sendingu til baka, Auðunn er langt út úr markinu, Arnar Númi fær boltann og skýtur lágt en Auðunn ver með fótunum og boltinn fer í stöngina. Haukar geta verið tvö eða þrjú núll yfir í þessum fyrri.

Auðunn með flotta vörslu á nær stönginni.

Arnar Númi reynir að senda Jón Arnar í gegn en sendingin aðeins of föst.

Haukar fá enn eitt annað hornið. Hornið fer nú ekki neitt.

Haukar eru miklu meira með boltann en strákarnir af norðan eru mættir með rútuna sem er pörkuð fyrir framan mark gestana. Hörður Snævar Mourinho, eins og hann er kallaður.

Einar Karl tekur horn, boltinn skoppar og inn í teignum og mikill darraðadans, Arnar Númi reynir skot sem fer framhjá markinu.

Sending í gegnum vörn gestana á Arnar Núma sem fer framhjá markmanninum, færið er þröngt en hann lætur vaða og það er varið af línu.

Hallur með góða fyrirgjöf á Daða Snæ sem skallar framhjá markinu.

Einar Karl tekur stutt horn, sending beint inn í teiginn. Daði Snær er straujaður inn í teig, heimamenn eru brjálaðir og vilja víti.

Óliver fær boltann fyrir utan teiginn, lætur vaða en skotið fer í varnarmann og í horn.

Jón Arnar dettur inn í teignum, heimamenn vilja víti en fá ekki. Mér sýndist þetta vera víti en kannski hef ég rangt fyrir mér, þetta var tæpt.

Einar Karl lætur vaða langt frá, Auðunn var ekki í vandræðum með þetta skot sem fór framhjá.

Gaui Lýðs, þjálfari Hauka er ánægður með spilamennsku síns liðs í dag.

Hár bolti inn í teig gestana á Sigurð sem hælar boltann til Daða sem tekur skotið en það er blokkað.

Arnar Númi fær boltann á kantinum, cuttar inn en varnarmenn Dalvíkur/Reynis blokka skotið.

Stuðningsmenn Hauka mættir með gjallarhornið, stemming í stúkunni.

Daði Snær fær boltann á kantinum og ætlar að koma sér inn í teiginn en hann rennur og gestirnir fá markspyrnu.

Sveinn Óli með sendingu beint á Sindra Sig, sem keyrir inn í teiginn og skýtur framhjá markinu.

Sigurður Hrannar fær boltann inn í teignum, nær að snúa sér og lætur vaða. Auðunn Ingi með svaka vörslu.

Hjörtur Freyr rennir boltanum inn í teiginn, Hektor fær boltann og nær að snúa sér en skotið er framhjá markinu.

Jón Arnar á hægri kantinum með háa sendingu inn í teig, beint á Daða Snær sem skallar fast en Auðunn Ingi ver.

Sigurður Hrannar fær boltann inn í teignum en hann missir hann frá sér og gestirnir fá markspyrnu.

Heimamenn byrja.

Dalvík/Reynir situr í 8. sæti deildarinnar með 22 stig eftir 18 leiki. Liðið hefur unnið sex leiki, gert fjögur jafntefli og tapað átta, en sex af þeim átta töpum hafa komið á útivelli. Formið hefur verið slakt að undanförnu og Dalvík/Reynir hefur nú leikið átta deildarleiki í röð án sigurs. Síðasti sigur liðsins kom gegn KFA þann 27. júní.

Dalvík/Reynir unnu fyrri leik liðanna 3-0. Sousa og Sindri Sigurðarson skoruðu fyrir Dalvík/Reyni, en Einar Karl skoraði einnig sjálfsmark.

Það er staðfest að Einar Karl Ingvarsson, miðjumaður Hauka ætlar að spila fyrir Hauka næsta sumar. Einar Karl skrifaði undir framlengingu á samningnum sínum út næsta tímabil.

Það er stór dagur fram undan hjá Haukum. Með sigri eða jafntefli í dag tryggja Haukar sér sæti í Lengjudeildinni á næsta tímabili. Ef Selfoss tapar fyrir Þrótti Vogum í dag verða Haukar þar að auki krýndir deildarmeistarar.

Selfoss spilar á móti Þrótti Vogum kl 14:00. Selfoss situr í 2. sæti með 33 stig, á meðan Haukar tróna á toppnum með 41 stig. Selfyssingar verða að vinna ef þeir hafa drauma um að vinna deildina.

Eftir þennan leik eru 3 leikir eftir eða 9 stig í pottinum, ef allt fer á versta veg fyrir heimamenn þá getur 2. deildin orðið ansi spennandi.

Brynjar Þór Elvarsson er með flautuna í dag, Arnþór Helgi Gíslason og Óliver Thanh Tung Vú eru með flöggin.

Heil og sæl kæru lesendur og verið velkomin í þessa beinu textalýsingu frá leik Hauka og Dalvíkur/Reynis í 19. umferð 2. deild karla.