+5

Eftir lofandi byrjun á leiknum hrynja Víkingar úr leik í seinni hálfleiknum. Svekkjandi að hafa ekki náð að gera meira í þessum leik.

+1
Sveinn Aron dæmdur brotlegur í hornspyrnu hjá Víkingum. Sennilega rétt.

20 - 11 Víkingum í vil í brotum í þessum leik. Víkingar verið grófari að marki Grikkjans.

Víkingar aðeins að færa sig ofar en eru þó ekki að ná að ógna að neinu viti.

Gylfi Þór með skot sem fer af varnarmanni og í horn.

Það er fátt sem bendir til annars en að heimamenn sigli þessu heim en það má alltaf vonast eftir kraftaverkum.

Ótrúlegri hlutir hafa gerst.

Grikkinn geðugi á flautunni er mikill spjallari og nýtir öll tækifæri til að taka smá stöðufundi.

Ármann Ingi átti flottan sprett framhjá Sebastian Herera og vann horn.

Verkefnið er ekki ómögulegt þó það sé orðið mun erfiðara.

Víkingar verða að skora og það helst sem strax til að eiga von.

Víkingar að reyna koma boltanum inn í teig Borac en þeir verjast vel.

Þreföld skipting hjá Víkingum. Vonandi að þetta gefi þeim þann kraft sem þeir þurfa.

Gylfi Þór með aukaspyrnu fyrir markið sem Jurkas slær frá marki en Víkingar ná ekki frákastinu.

Heimamenn byrjað seinni hálfleikinn mun betur. Víkingar verða að finna kraftinn sem þeir höfðu í fyrri aftur.

Gylfi Þór dæmdur brotlegur rétt fyrir utan teig og Borac fær aukaspyrnu á hættulegum stað.

Gylfi ekki parsáttur með að vera dæmdur brotlegur þarna.

Gylfi Þór tekur spyrnuna en lyftir boltanum of hátt og hann fer vel yfir.

Gylfi Þór Sigurðsson og Helgi Guðjónsson standa yfir boltanum eftir að Víkingar fengu aukaspyrnuna þar sem brotið var á Hrannari Snær.

Víkingar í nauðvörn fyrstu mínúturnar í seinni.

Okkar menn verða að standa þetta af sér.

Kraftur í heimamönnum út úr hálfleiknum.

Luka Juricic með tilraun rétt framjá markinu!

Amer Hiros á skot sem fer að Gunnari Vatnhamar og Aron Snær á frábæra vörslu!
Luka Juricic setur boltann svo yfir af stuttu færi!

Mátti ekki miklu muna þarna!

Borac sparkar þessu af stað aftur.

Að mínu mati verið betri í leiknum og full ástæða til þess að vera bjartsýnir fyrir seinni hálfleiknum.

Tökum okkur stutta pásu og snúm svo aftur í seinni.

Fyrirgjöf ætluð Stíg Diljan en hann er dæmdur brotlegur.

Heimamenn ekkert að flýta sér enda vinnur tíminn með þeim.

Leikar aðeins að jafnast hérna eftir yfirburði Víkinga í upphafi leiks.

Valdimar Þór með skemmtilegt brot. Grípur um fæturna á leikmanni Borac eftir að hafa misst hann frá sér.

Borac aðeins að minna á sig en vörn Víkinga heldur.

Hættuleg staða sem heimamenn voru að koma sér í en Stefan Savic skóflar boltanum yfir eftir sendingu frá Amer Hiros.

Hrannar Snær með góða fyrirgjöf fyrir markið sem Aron Elís nær að koma fæti í og hann fer í þverslána og niður en því miður ná Borac að koma þessu frá.

Heimamenn að halda vel í boltann þessa stundina þó án þess að vera skapa sér neinar stöður.

Gylfi Þór Sigurðsson næstum með vintage Gylfa mark fyrir utan teig en nær ekki að snúa hann á markið!

Þetta hefði verið svaðalegt mark.

Stígur með frábæra sendingu fyrir markið en Valdimar nær ekki að stýra boltanum í átt að marki.

Víkingar eru miklu betri hérna í upphafi!

Stefan Savic með skot sem Aron Snær ver og virðist halda í leik en Grikkinn gefur merki um horn. Fær svo eitthvað í eyrað og Víkingar fá markspyrnuna.

Borac hættulegir þegar þeir fá tækifæri á breikinu. Virðist vera uppleggið að leyfa Víkingum að koma framar og vera tilbúnir að sækja svo hratt í bakið á þeim.

Viktor Örlygur með skot sem fer af varnarmanni og framhjá.

Víkinga fá sína aðra hornspyrnu.

Helgi Guðjóns nær ekki að lyfta boltanum yfir fyrsta mann úr horninu en Grikkinn dæmir Víkinga brotlega inn í teig svo það kemur ekki að sök.

Víkingar að fá sína fyrstu hornspyrnu. Boltinn skýst af leikmanni Borac og aftur fyrir.

Heimamenn fá fyrsta horn leiksins.

Karl Friðleifur með góða tæklingu.

Víkingar eru mjög grimmir hérna á upphafsmínútum.

Verðum að láta þetta telja.

Stígur Diljan í kjörstöðu en hittir boltann illa og hann fer í innkast.

Fyrirgjöf fyrir markið sem Aron Elís hælar áfram en vantaði Víking þarna og lítil hætta.

KOMA SVO!

Víkingar taka hringinn og fara yfir síðustu atriðin fyrir leik.

KOMA SVO VÍKINGAR!!

Það er heitt í Bosníu þegar Víkingar fara í úrslitaleik um sæti í Sambandsdeildinni.

Það er stutt í leik!

Sölvi Geir Ottesen, þjálfari Víkings, gerir tvær breytingar á sínu liði frá fyrri leiknum. Þeir Valdimar Þór Ingimundarson og Hrannar Snær Magnússon koma inn í liðið og þeir Nikolaj Hansen og Ármann Ingi Finnbogason taka sér sæti á bekknum. Daníel Hafsteinsson er að snúa til baka eftir meiðsli og er til taks á bekknum.

Leikurinn er fyrsti byrjunarliðsleikur Hrannars í Evrópukeppni. Gunnar Vatnhamar spilar sinn síðasta leik fyrir Víking í kvöld en hann er á leið til Vejle í Danmörku.

Takist Víkingi ekki að vinna upp tveggja marka forystu meistaranna frá Bosníu og Hersegóvínu mun þátttöku Íslandsmeistaranna í Evrópu ljúka í kvöld.

Á Epicbet er stuðullinn á því að Víkingur vinni upp tveggja marka forskot og komi sér áfram 10,4. Samanborið er stuðullinn á því að Borac fari áfram 1,05. Það eru því taldar minna en 10% líkur á því að Víkingur nái að snúa einvíginu sér í vil.

Visir fjallar um að Víkingur myndi að lágmarki tryggja sér rúmar 447 milljónir íslenskra króna með því að komast áfram.

Samkvæmt opinberu skjali UEFA mun hvert lið, af þeim 36 sem tryggja sér sæti í deildarkeppni Sambandsdeildar Evrópu, fá í sinn hlut í kringum 3.1 milljón evra.



Með því að tryggja sér sæti í deildarkeppninni koma síðan frekari möguleikar á því að vinna sér inn meiri pening í gegnum góðan árangur.

„Við erum vissulega í erfiðri stöðu en það er samt mikil trú í okkar liði. Það var auðvitað ekki gott að tapa með tveimur mörkum í fyrri leiknum en þannig er staðan og við trúum því að við getum snúið henni við," sagði Sölvi Geir Ottesen, þjálfari Víkings, á fréttamannafundi á Gradski-leikvangium í Banja Luka í gær.

Við hittum á Sölva Geir Ottesen þjálfara Víkings eftir góða MD-1 æfingu hér í Banja Luka ?????? pic.twitter.com/Wvjw0uhKhm

— Víkingur Fótbolti (@vikingurfc) August 26, 2026

Nikolaj Hansen er sprækur og spenntur fyrir leiknum á morgun. Hann ætlar að fagna með okkur í leikslok. Það er amk planið! ?????????????? pic.twitter.com/5bn1K5KhsM

— Víkingur Fótbolti (@vikingurfc) August 26, 2026

„Við erum vissulega í erfiðri stöðu en það er samt mikil trú í okkar liði. Það var auðvitað ekki gott að tapa með tveimur mörkum í fyrri leiknum en þannig er staðan og við trúum því að við getum snúið henni við," sagði Sölvi Geir Ottesen, þjálfari Víkings, á fréttamannafundi á Gradski-leikvangium í Banja Luka.



„Hvað varðar aðstæður þá erum við vanir svona aðstæðum núna. Við höfum spilað tvisvar í Ungverjalandi við álíka aðstæður. Það verður heitt og spilað á náttúrulegu grasi, við munum ekki nota það sem afsökun ef við náum ekki okkar besta fram á morgun[í dag]."

Dómarateymið í kvöld kemur frá Grikklandi og er eftirfarandi:

Referee: Anastásios Papapétrou GRE
Assistant Referee 1: Trýfon Petrópoulos GRE
Assistant Referee 2: Andréas Fotópoulos GRE
Fourth Official: Fótios Polychrónis GRE
Video Assistant Referee: Ioánnis Papadópoulos GRE
Assistant Video Assistant Referee: Stéfanos Koumbarákis GRE
UEFA Referee Observer: Helmut Fleischer GER
UEFA Delegate: Tarik Shamel ENG

Anastasios Papapetrou hefur áður dæmt hjá Íslensku liði í Evrópu en hann dæmdi leik Breiðabliks og Zrinjski Mostar á Kópavogsvelli í fyrra.

Verið hjartanlega velkomin til Bosníu þar sem Víkingar eru mættir með bakið upp við vegg gegn FK Borac í seinni leik liðana í umspilinu um sæti í deildarkeppni Sambandsdeildarinnar.

Víkingar eru 3-1 undir og þurfa að kafa eftir öllu sem þeir eiga til þess að snúa þessu einvígi við.