Grikki dæmir leik Víkings í Bosníu - „Hélt fundi fyrir allt og ekkert“

Það verður reyndur grískur dómari með flautuna þegar Víkingur heimsækir Borac til Bosníu á fimmtudaginn í síðari viðureign liðanna í umspili Sambandsdeildarinnar.

Víkingur er í brekku eftir 1-3 tap á heimavelli og þarf að sýna sínar bestu hliðar í seinni leiknum til að komast í deildarkeppni Sambandsdeildarinnar.

Anastasios Papapetrou dæmir leikinn en hann er 41 árs. Papapetrou dæmdi leik Breiðabliks og Zrinjski Mostar (1-2) á Kópavogsvelli í fyrra og var Haraldur Örn Haraldsson, fréttamaður Fótbolta.net, ekki sérstaklega hrifinn af hans frammistöðu, gaf honum 4 í einkunn.