Arngrímur Alex Ísberg Birgisson @fotboltinet

- Meðalaldur 22 ár

- Meðalaldur 19 ár

Hvað réði úrslitum? Þetta var sanngjarnt. Bæði lið byrjuðu leikinn af miklum krafti en urðu þreyttari eftir því sem leið á leikinn. FH var meira þreytt en Valur og þær nýttu sér það. Eftir að FH skoraði seinna mark sitt róaðist leikurinn. Það komu nokkur góð færi hér og þar, en það gerðist lítið þar til Lillý Rut skoraði á 93. mínútu. Bestu leikmenn 1. Ingibjörg Magnúsdóttir (FH) Hún var mjög góð á vinstri kantinum og átti frábæra stoðsendingu í fyrra marki FH. Fyrir utan stoðsendinguna var hún mjög öflug í leiknum og bakvörður Vals átti erfitt með hana. 2. Helena Maree Errington (FH) Mark og stoðsending, svo kom eitt flott sláarskot í seinni hálfleik úr aukaspyrnu. Hún átti mjög góðan fyrri hálfleik og gerði vel í markinu sem hún skoraði. Ég vil líka gefa Tinnu í marki Vals smá hrós, en hún átti nokkrar svakalegar vörslur í leiknum. Atvikið Þessi þriggja mínútna kafli var aðalatriði leiksins. Þar komu þrjú mörk og eitt dauðafæri. Ég átti erfitt með að fylgjast með þessu öllu saman, en það hafðist. Eftir þennan kafla róaðist leikurinn töluvert.

Hvað þýða úrslitin? FH er áfram í 2. sæti með 34 stig og mætir Apollon Limassol á miðvikudaginn. Valur er í 10. sæti með 17 stig. Aðeins tveimur stigum munar á fallsætunum og 8. sæti, þannig að mikil spenna er fram undan þegar líður að lokum mótsins. Vondur dagur Vörn FH var í veseni í dag og átti nokkrar of slakar sendingar til baka. Fyrra mark Vals leit ekki vel út frá sjónarhóli FH og Sigurborg á að gera betur þar. Hawkins hjá Val fékk nokkur dauðafæri en náði ekki að gera sér mat úr þeim. Svo er eitt stórt spurningarmerki við miðverði Vals í fyrsta marki FH. Þær voru steinsofandi og það tók þær nokkrar sekúndur að vakna, sem var þá allt of seint. Dómarinn - 7 Svo sem lítið að kvarta yfir, einn, tveir dómur sem mér fannst vera skrýtnir.

- Meðalaldur 21 ár

- Meðalaldur 19 ár