Haraldur Örn Haraldsson @haraldur_orn

- Meðalaldur 23 ár

- Meðalaldur 24 ár

Hvað réði úrslitum? ÍR-ingar fengu víti snemma leiks og eftir það var bara eitt lið á vellinum í fyrri hálfleik. Heimamenn bættu þá við tveim og hefðu í raun getað skorað fleiri. Leiknismenn gerðu svo fjórfalda skiptingu í seinni sem breytti leiknum alveg. Þá voru það Leiknismenn sem áttu leikinn eftir það en þeir náðu bara að koma tveimur mörkum inn og þar við sat. Bestu leikmenn 1. Emil Nói Sigurhjartarson (ÍR) Mark, vissulega úr víti en hann kláraði það vel. Svo á hann stoðsendingu þar sem hann teiknaði boltann á pönnuna á Guðjón Mána úr horni. Öflugur leikur hjá Emil í dag 2. Bergvin Fannar Helgason (ÍR) Bergvin var sífellt að hlaupa inn fyrir vörn Leiknis í fyrri hálfleik en oft var það bara sendingin á hann sem reyndist ekki alveg nógu góð. Það heppnaðist í eitt skiptið og þá gerði hann sitt og kláraði. Atvikið Leiknismenn fá víti á 85. mínútu og Birnir Breki skorar úr því. Þá varð heldur betur komið stress í heimamenn sem voru hræddir um að kasta þessu frá sér, en þeir náðu að sigla þessu heim á endanum.

Hvað þýða úrslitin? ÍR-ingar sem voru í fallhættu fyrir leikinn bjarga sér frá því og enda tímabilið í 7. sæti deildarinnar. Leikurinn þýddi ekkert upp á stöðuna að gera fyrir Leikni, þar sem þeir sitja ennþá bara í 6. sæti og enda þar. Vondur dagur Arnór Valur Ágústsson gerir hrikaleg mistök snemma leiks þar sem hann hittir ekki boltann þegar hann er að reyna að hreinsa hann burt. Þá kemst ÍR-ingur í hann og framhjá honum og Arnór rífur hann niður þannig að ÍR fær víti. Þetta virtist ekki gera mikið fyrir sjálfstraustið hans þar sem hann átti alls ekki góðan leik eftir þetta heldur. Einnig þá kemst Jóhann Kanfory Tjörvason í eitt mesta dauðafæri sem sést hefur í fyrri hálfleik þegar staðan er 3-0. Honum tekst að klúðra því með því að taka allt of langan tíma í þetta og taka tvær algjörlega ónauðsynlegar gabbhreyfingar. Með marki þarna, hefði verið miklu meiri tími fyrir Leikni að komast að alvöru inn í leikinn. Dómarinn - 5 Erfitt að segja með dómarann í dag. Þetta var erfður leikur eins og grannaslagir eru oft, og ég held að bæði vítin sem hann dæmir eru rétt. Hins vegar voru nokkur atvik þar sem hann dæmir bara einfaldlega rangan dóm. Það dregur hann því töluvert niður.

- Meðalaldur 23 ár

- Meðalaldur 24 ár