Fannar Heimisson hleður í skot sem fer í varnarmenn og í sömu andrá flautar Gunnar Oddur til leiksloka. Verðskuldaður KR sigur í dag, skýrsla og viðtöl væntanleg.

Þrjár mínútur í uppbót.

Rúnar Már tekur spyrnuna en Arnar stekkur út úr markinu og grípur boltann. Leggst svo niður með krampa og fær liðsfélaga sína til að teygja á sér.

KR fá horn og vilja meina að þeir hafi komið boltanum yfir marklínuna en Gunnar Oddur og teymið telja Árna Marinó hafa varið á línunni.

Aron Sig skýtur úr aukaspyrnunni en skotið beint á Árni Marinó sem kílir boltann frá.

Skagamenn svo nálægt því að ná að refsa KR fyrir það hvað Arnar er langt út úr markinu en hann er snöggur til baka og nær að tækla og bjargar á línu.

Jón Gísli finnur Gísla Laxdal inn á teignum sem fer í skot en það fer af varnarmanni.

Luke Rae kominn í færi en skotið hans er beint á Árna.

Aron Sig er með boltann inn á teignum og reynir skot en það er nokkuð laust og beint á Árna Marinó.

Rúnar Már tekur spyrnuna á fjær þar sem Viktor Jóns skallar boltann fyrir markið en boltinn var kominn út af og KR eiga markspyrnu.

Skagamenn fá aukaspyrnu á fínum stað.

Arnar Freyr liggur og þarf aðhlynningu. Hann stendur þó upp á endanum og ætlar að halda leik áfram.

Skagamenn komnir í færi en Arnar Freyr ver í horn. Þeir nýta svo ekki hornið.

Akoto og Viktor eigast við inn á teginum og Skagamenn vilja víti en ekkert dæmt.

Aron Sig kominn inn á teiginn og fer í skotið. Hefði líklega átt að finna einhvern samherja í teignum þarna en markametið kallar.

Sigurður Breki og Galdur spila vel á milli sín og Galdur er kominn í fína stöðu inn á teignum en á þunga snertingu og Árni Marinó grípur inn í .

Gísli Eyjólfs með lúmskt skot sem að Arnar Freyr þarf að hafa sig allan við að verja og Skagamenn fá horn. Jón Gísli tekur hornið stutt, fær hann á endnum aftur og ætlar þá að setja hann inní teiginn en boltinn fer hátt yfir markið.

Luke Rae sloppinn í gegn en flaggið á loft.

Viktor gerir vel í pressunni og endar á því að finna Gísla Laxdal. Hann gerir mjög vel og kemst fram hjá varnarmanni KR og er kominn í afbragðs færi en Arnar er snöggur út úr markinu og Gísli endar á því að setja skotið fram hjá.

Gísli Laxdal finnur Viktor Jóns inná teignum, hann nær skotinu en Arnar ver frá honum .

Gabríel Hrannar reynir fyrirgjöf sem er skölluð frá og VIktor Jóns skallar boltann svo aftur fyrir, KR eiga horn. Arnór Ingvi tekur spyrnuna inn á teiginn þar sem Skagamen eru í vandræðum að koma boltanum í burtu, KR ná á endanum skoti en það er laust og beint á Árna Marinó.

Markús Páll í færi inn á teignum en hittir boltann illa og skotið er fram hjá.

Galdur strax kominn í færi en skotið er beint á Árna Marinó

Allt óbreytt og heimamenn byrja með boltann.

KR-ingar leiða verðskuldað í hálfleik. Þeir hafa verið miklu betra liðið hér í dag þrátt fyrir að Skagamenn hafi aðeins tekið sig saman í andlitinu síðustu 15.

Arnór Ingvi setur boltann inn á miðjan teiginn en Skagamenn hreinsa.

KR fá hornspyrnu.

Aron Sig reynir skot en það er beint í varnarmann.

Ein mínúta í uppbót.

Jón Gísli reynir sendingu inn á teiginn en KR-ingar koma því frá.

Þriðja tilraun Skagamanna að skjóta af löngu færi. Nú er það Gísli Eyjólfs en hann setur boltann næstum því í hornfánann.

Jón Gísli í góðu færi og á skot sem fer af varnarmanni og aftur fyrir, aftur fá ÍA horn en nú fer spyrnan aftur fyrir hinum megin.

Gísli Laxdal kemur með boltann inn á teiginn þar sem Viktor tekur á móti honum en hann og Gísli Eyjólfs þvælast fyrir hvorum öðrum og KR fá markspyrnu.

Enn fá gestirnir horn og nú fer spyrnan yfir allan pakkann og í innkast hinum megin.

Luke Rae keyrir inn að markinu vinstra megin í teignum og lætur vaða. Árni Marinó slær boltann út í teiginn þar sem Sigurður Breki fær opin marktækifæri en skotið er yfir.

Aftur reyna Skagamenn skot lengst utan af velli í þeirri von um að setja hann yfir Arnar Frey en aftur hitta þeir ekki markið.

Markús Páll í dauðafæri inn á teignum, enginn í honum, en hann hittir ekki rammann. Hann hefur verið ólíkur sjálfum sér framan af þessum leik.

Gestirnir fá enn eitt hornið en sem fyrr verður engin hætta upp úr því .

Arnar Freyr er að spila sem einhverskonar hægri bakvörður í uppspili KR og er oft á tíðum kominn langt að miðjulínunni úti hægra megin. Jón Gísli ætlar að nýta sér þetta og reynir skot langt úti á velli þegar Arnar er að koma sér aftur í markið en skotið er langt frá því að hitta ramann.

Skagamenn ná að halda KR inn á teignum og halda sókninni áfram. Gísli Laxdal endar á því að fá færi en skotið hans er hátt yfir markið.

Skagamenn fá horn sem þeir ná ekki að skapa neina hættu úr.

Frábært spil KR-inga endar á því að Eiður Gauti virðist vera að sleppa einn í gegn en snertingin hans er þung og beint til Árna

Haukur Andri tekur aukaspyrnu hratt en Finnur Tómas les hann og kemst inn í sendinguna, finnur Aron Sig fyrir utan d-bogann. Hann leggur boltann fyrir sig og fer í skotið en það er fram hjá.

Skagamenn sækja hratt og Gísli Laxdal er kominn í fína stöðu, skýtur en skotið af varnarmanni og aftur fyrir. KR skalla hornið svo aftur fyrir hinum megin og gestirnir fá annað horn sem þeir ná ekki að nýta.

Galdur er kominn inn á teig KR og lætur bara vaða. Boltinn virðist fara af Böðvari og Árni Marinó þarf að hafa sig allan við til að blaka boltanum yfir markið. Þeir ná svo ekki að nýta hornið.

Mistök í uppspili KR og Skagamenn eru komnir í dauðafæri en Arnar Freyr gerir vel í makrinu og ver.

Gísli Eyjólfs nær frábærum snúning á milli tveggja á miðjunni og keyrir af stað áður en hann finnur Markús Pál. Fyrsta snertingin svíkur hann en hann nær þó að vinna horn. Þeir ná svo ekki að nýta hornið.

Gestirnir fá fyrsta horn leiksins. Jón Gísli tekur hornið en sendingin er ekki góð. Markús Páll nær þó til hans og þeir halda sókninni áfram, koma boltanum fyrir en KR skalla frá.

Aftur fær Sigurður Breki færi eftir sendingu frá Luke Rae en skotið er yfir í þetta skiptið.

Sigurður Breki svo nálægt því að koma heimamönnum yfir. Luke Rea finnur hann úti í teignum, Sigurður Breki tekur vel á móti honum og nær góðu skoti en Árni Marinó vandanum vaxinn í markinu og ver.

Gísli Eyjólfs á upphafsspyrnuna.

Ég á erfitt með að kaupa það að KR tapi 2x i röð fyrir ÍA og þetta skipti á heimavelli. KR -1 er 1.8 á Epic. Yfir 5 mörk er einnig fínt veðmál á 2.02

— Kristalkúlan (@kristalkulan) September 13, 2026

Helstu fréttirnar eru þær að Arnar Freyr Ólafsson kemur inn í markið hjá KR en hann hefur verið að glíma við meiðsli í allt sumar eftir að hafa farið meiddur út af eftir tíu mínútur í fyrsta leik. Hann kom inn á í hálfleik í síðasta leik og kemur inn í byrjunarliðið í dag fyrir Halldór Snæ Georgsson sem fær sér sæti á bekknum.

Óskar gerir tvær aðrar breytingar en inn í liðið koma þeir Luke Rae og Sigurður Breki Kárason. Úr liðinu koma þeir Ástbjörn Þórðarson, sem fær sér einnig sæti á bekknum, og Hrafn Tómasson sem tekur út leikbann eftir að hafa fengið sitt fjórða gula spjald í síðasta leik.

Lárus Orri breytir ekki sigurliði og mætir til leiks með óbreytt byrjunarlið frá heimaleiknum gegn KR.

Gunnar Oddur Hafliðason er maðurinn á flautunni í dag og með honum eru þeir Kristján Már Ólafs og Ronnarong Wongmahadthai á sitthvorri línunni. Aðalbjörn Heiðar Þorsteinsson er fjórði dómari.

Skagamenn, eins og hefur komið fram, unnu sinn lokaleik fyrir tvískiptingu gegn KR á ELKEM vellinum á Akranesi. Þeir hafa verið að rétta úr kútnum í eftir vonda byrjun á mótinu og uppskáru þar af leiðandi sæti í efri hlutanum. Þeir eru ekki með neinn rauðan punkt í síðustu fimm en þeir gerðu tvö jafntefli og unnu tvo leiki á lokasprettinum.

KR-ingar enduðu mótið fyrir tvískiptingu í þriðja sæti eftir að hafa tapað, einmitt fyrir ÍA, í lokaleik sínum. Í síðustu fimm leikjum hafa þeir safnað átta stigum, eitt tap, tvö jafntefli og tvö töp og náðu ekki að saxa á forystu Víkinga þegar tækifæri gafst. Það verður áhugavert að sjá þennan leik en KR hafa spilað illa á grasi í sumar og var engin undantekning á því þegar þeir mættu ÍA á Skaganum í síðasta leik, allar líkur á að við sjáum allt aðra sviðsmynd á teppinu í Vesturbænum.

Verið velkomin, kæru lesendur, í þessa beinu textalýsingu frá leik KR og ÍA í Bestu deild karla. Leikurinn er liður í fyrstu umferð eftir tvískiptingu en flautað er til leiks klukkan 14 á Meistaravöllum.