Váááá, þetta er leikur tíambilsins. ég veit ekki hvað ég á að segja.

Atli tekur aukaspyrnuna, HK nær skallanum og Ólafur ver.

2+ í uppbótar, spennan maður....

Kári fær boltann og setur á fjær á Wöhler sem skýtur á markið og Ólafur ver skotið, vá maður.

Benedikt Daríus fær boltann fyrir utan teigin go skýtur í fjær, Ólafur í markinu ver framhjá.

11 gul spjöld hingað til...

Aron Kristófer með horn, Ólafur sparkar boltanum burt. HKingar eru að reyna.

Hár bolti inn í teig Fylkis og Aron sparkar boltanum burt, Breki Hólm heldur um hausinn, alls ekki víti.

Fylkismenn eru alveg kærulausir og eru að gefa HKingum færi á silfurfati.

Hár bolti frá HK og Jóhann er tekinn niður í teignum með peysutog, þetta er víti dómari sorry með mig.

Aron brýtur af sér og það sýður upp, menn byrjaðir að rífast og Þorsteinn og Aron fá gult.

Hár bolti fram á Arnþór sem skýtur framhjá markinu, Ólafur hleypur út úr markinu alveg glórulaust.

Hvað er að gerast hérna, það er svo mikið að gerast.

Arnór kemur með sendingu fram fyrir markið, Máni rennur og reynir að ná í boltann en nær honum ekki.

Benedikt kemst í skyndisókn og sendir Gumma í gegn en skotið er í hliðarnetið. HKingar fljótir til baka og ná að setja pressu á Fylkismenn.

Benedikt á vinstri kantinum, kemst framhjá Þorsteini en missir svo boltann frá sér í markspyrnu. Þarna var góður séns.

Karl Ágúst með skot yfir markið fyrir utan teiginn.

Máni með skalla rétt framhjá fjærstönginni, Benedikt Daríus með fyrirgjöfina, úffff allt að gerast.

Máni tekur aukaspyrnuna og beint í vegginn.

Arno snær tekinn niður af Ívari sem er á gulu spjaldi. Hættuleg aukaspyrna fyrir Fylki. Þetta er annað gult segi ég.

Bendikt á vinstri kantinum, sendir inn í teig en varnarmaður kemst í sendinguna.

Fylkir fær horn sem er skallað burt í annað horn. Horn nr 2 fer ekki neitt.

HKingar byrja.

Svaka leikur. Það er komið að framlengingu, spennnan maður, ótrúlegt.

Gummi með fallega sendingu í gegn á Mána sem er kominn í gegn, 1v1 á móti markmanni og skotið er framhjá. Váááá, dauða til þess að klára þetta.

Karl og Hlynur eru að ýta hvor öðrum, það er kominn hiti í menn. Dómarinn gerir ekki neitt í þessu, sem er gott.

Kári með mjög háa sendingu fram sem er ekki að fara neitt. Benedikt reynir að ná boltanum en nær ekki.

Ívar með hættulega aukaspyrnu, sendingin er fram fyrir markið .Birgir Steinn tekin niður í boxinu og vill víti en fær ekki.

HKingar með engar skiptingar, ótrúlegt.

+6 í uppbótar, gat alveg verið meira.

Var að fá það staðfest að þriðji línuvörðurinn er að dæma í leiknum, aðstoðar og fjórði eru báðir meiddir, ótrúlegt.

Ég er í erfiðleikum með að lýsa þessu öllu, afsakið. Það er svo mikið að gerast.

Tumi með sendingu á Gumma sem lætur hann fara og Nikulás er alveg einn en hann reynir ða koma framhjá varnarmanni.

Hár bolti fram frá HK, Tumi sleppur í gegn en nafni hans Tumi hjá Fylki nær honum. Tumi snýr og skýtur í markmanninn.

Kári kemst svo í skyndisókn og kemur með fyrirgjöf sem á Nikulás, sem er í of þröngu færi og nær að snúa. Reynir að senda inn í teig en fær svo horn sem fer ekki neitt.

Svavar Örn keyrir upp teiginn og sendir inn í teiginn. Hættulegt en Fylkismenn ná að koma boltanum burt.

Kári með fyrirgjöf inn í teig en hún er skölluð burt.

Dómarinn er að fara að bæta við 10 mín á eftir, eftir þessi dómaraskipti áðan.

Aðstoðardómarinn meiddist áðan og varadómarinn fór tímabundið á línuna meðan aðstoðardómari var kallaður út.

Ein önnur dómaraskipti eða hvað? Kaotískt.

Peysutog á Gumma Tyrfings í sókn og Gunnar dæmir ekki neitt, sorry dómari...

Kári sendir Gumma í gegn en sendingin alltof föst.

Kári reynir að breika í skyndisókn en sendingin sem er yfir markið er alltof há og Óli sparkar burt.

Theodór er farinn út af, lang hættulegasti leikmaður Fylkismanna.

AD2 er farinn út af og meiddur, AD4 er kominn á hliðarlínuna.

Fylkismenn taka horn og HKingar skalla burt. HK er komið í skyndisókn og Bjarki Steinsen hleypur til baka og kemur með svaka tæklingu til þess að stoppa sóknina á gula spjaldinu, vel gert verð ég að segja.

Gummi með sendingu inn í teiginn, Óli markmaður þarf að slá sendingu yfir slána. Hættulegt ef menn passa sig ekki.

Theodór með háan bolta fram til Gumma en Birgir er á undan í boltann.

HKingar eru vaknaðir og herja á Fylkismenn.

Tumi sleppur í gegn en Theodór tekur sprettin til baka og nær að stöðva hann.

1.792 manns

Theodór fær boltann á hægri kantinum, keyrir í átt að teignum og lætur svo vaða fyrir utan teiginn. Skotið fer yfir slána.

Atli Hrafn tekur aukaspyrnuna en Birgir Steinn skallar framhjá markinu.

HKingar að fá aukaspyrnu rétt fyrir utan teiginn, Radic að fiska.

Birgir Steinn hjálpar gæslunni að koma confettiinu af vellinum.

HKingar með confetti þegar dómarinn flautar, beint á völlinn.

Heimamenn byrja.

Hvernig svara HKingar? Sjáum til.

Váááááááá.

Ekki skemmtilegasti leikurinn. Fylkismenn eru búnir að vera miklu miklu betri. Hkingar með eitt skot sem kom á 1. mínútu, ekkert eftir það. Fylkir með nokkur alvöru færi og gætu alveg verið 2-0 yfir. Gunnar þarf að koma með alvöru ræðu í hálfleik svo að HKingar geti snúið þessu við.

Arnór með fasta sendingu inn í teig, en skallinn hjá Hlyni er yfir markið.

Tumi með sendingu inn í teig en hún er beint á Ólaf Kristófer.

Theodór með sendingu inn í teig á Magnús Daða sem skýtur framhjá markinu. Svaka færiii, HKingar eru ekki vaknaðir.

Bjarki missir boltann til Tuma sem keyrir upp vinstri kantinn. Tumi sendir inn í teiginn og boltinn dettur á Karl Ágúst sem neglir boltanum yfir markið.

Kári og Theodór eru búnir að skipta um kant, Kári fær boltann á vinstri og kemur með hættulega fyrirgjöf sem er spörkuð burt.

Birgir Steinn er kominn aftur inn á völlinn, HKingar eru núna 11.

HKingar eru tíu á vellinum en Fylkismenn ná ekki að nýta sér það. Theodór keyrir inn í teiginn og tekur skærin en missir svo boltann frá sér.

Birgir Steinn er tognaður og þarf aðhlynningu á hliðarlínunni.

HKingar fá horn, þeir taka það stutt og Fylkismenn eru í algjöru veseni að koma boltanum burt. Boltinn dettur tvisvar á HK mann sem nær ekki skotinu. Á endanum koma Fylkismenn boltanum burt.

Ungir Fylkismenn syngja ,,dómarinn er fullur" eftir að þeir fengu ekki hendi, sem var ekki hendi.

Birgir Steinn keyrir upp völlinn og ætlar að senda Radic í gegn en sendingin var alltof föst.

Gummi Tyrfings er tekinn niður og stuðningsmenn Fylkis vilja spjald.

Kári með sendingu inn í teig, boltinn fer í varnarmann og Óli í markinu grípur boltann.

Há sending inn í teiginn, boltinn er skallaður burt en hann dettur á Gumma Tyrfings sem lætur vaða, en skotið er beint í varnarmann.

Fylkismenn baula á Svavar Örn, veit ekki alveg af hverju.

Aftur er það sending frá Guðfinn á Kára Sigfús á hægri kantinum, hann er alveg einn og langt í næsta varnarmann.

Kári sendir fram fyrir markið en varnarmenn HK ná að koma til baka og ná að verjast.

Hár bolti á Radic en Hlynur nær boltanum af honum.

Allar sóknir Fylkis hafa komið á kantinum, það er allt galopið á vinsti kantinum hjá HK.

Bjarki steinsen með háan bolta fram á Gumma Tyrfings sem er sloppin í gegn. Gummi er á kantinum og sendir inn í teiginn á Kára sem sendir fram fyrir markið en sendingin er stoppuð.

Atli Hrafn tekur aukspyrnu á hættulegum stað. Sending inn í boxið beint á Birgi sem skallar upp í loftið og Óli í marki Fylkis grípur boltann.

Teddi sendir fram fyrir markið en Þorsteinn skallar burt úr teignum.

Boltinn dettur á Arnór Breka sem fær aukaspyrnu á hættulegum stað.

Arnór kemur með sendingu inn í teig sem er svo skölluð burt.

Það eru enn raðir úti til þess að komast inn á völlinn, stemmingin er svakaleg!

HKingar byrja kickoffið strax og fljótt, sending áfram og upp á Radic sem fær boltann inn í teig og neglir beint á markið. Óli í markinu með svaka vörslu.

Gestirnir byrja þessa veislu.

Þróttur vann hinn leikinn 2-1. Baldur Hannes og Siggi lár með bæði mörkin fyrir Þrótt, Valdimar með sárabótamark fyrir Njarðvíkinga. Þá er það staðfest að sá sem vinnur þennan leik spilar á móti Þrótti á Laugardalsvelli.

Það er röð fyrir utan og margir mættir á völlinn. Þetta er að fara að stefna í ótrúlegan leik, leik helgarinnar. Hlakka til þess að vita hversu margir eru á vellinum seinna.

Heimir með engar breytingar en Gunnar með eina.

Klukkan 16:15 tekur Þróttur á móti Njarðvík á Pepsi vellinum í seinni leik liðanna í undanúrslitum umspils Lengjudeildarinnar. Þróttur vann fyrri leikinn 0–1 á heimavelli Njarðvíkur og hefur því nauma forystu fyrir leik dagsins.

Siggi Lár skoraði eina mark fyrri leiksins strax á 7. mínútu og tryggði Þrótti mikilvægan sigur.

Eitt umdeilt atvik átti sér stað snemma í leiknum þegar Oumar Diouck, leikmaður Njarðvíkur, slapp einn í gegn. Markvörður Þróttar hann Þórhallur braut á honum rétt fyrir utan vítateiginn, en dómarinn dæmdi ekkert. Dómarinn fékk mikla gagnrýni fyrir ákvörðun sína eftir leikinn en hann dæmir þennan leik í dag.

Liðið sem vinnur þennan leik hittir annaðhvort Fylki eða HK á Laugardalsvelli.

Fylkir vann fyrri leik liðanna í Kórnum, 2–3. HK komst yfir í uppbótartíma fyrri hálfleiks þegar Dominik Radic skoraði, en Fylkir svaraði með þremur mörkum í seinni hálfleik. Kári Sigfús og Theodór Ingi skoruðu fyrir Fylki og Gummi Tyrfings tryggði liðinu sigurinn þegar hann skoraði úr vítaspyrnu á 89. mínútu.

Gunnar Heiðar Þorvaldsson sagði eftir leikinn: Það hefur mikið verið talað um að við töpum ekki í Kórnum en við gerum það núna. Er þá ekki komið að því að vinna útileikinn í staðinn?".

Fyrir tapið hafði HK unnið tíu leiki í Kórnum og gert eitt jafntefli. HK hafði hins vegar aðeins unnið tvo útileiki, gert eitt jafntefli og tapað átta.

HK er því með besta heimavallarárangurinn í Lengjudeildinni og væri á toppi deildarinnar ef eingöngu væri horft á heimaleiki. Þegar kemur hins vegar að útileikjum væri HK í 10. sæti og ekki langt frá fallbaráttunni.

Gunnar Freyr Róbertsson verður með flautuna. Bryngeir Valdimarsson og Mikael Ívan Axelsson verða báðir með flöggin. Þorfinnur Gústaf Þorfinnsson heldur á skiltinu og passar upp á að bekkirnir tveir missa sig ekki.

Gunnar Freyr Róbertsson hefur verið umdeildur síðustu daga, en hann dæmdi umræddan leik í Njarðvík á miðvikudaginn og hlaut harða gagnrýni.

Heil og sæl kæru lesendur og verið velkomin í þráðbeina textalýsingu frá Tekk Vellinum. Það eru heimamenn Fylkir sem taka á móti HK frá Kópavoginum.