SKÝRSLAN: Þróttarar komnir í úrslitaleikinn
Hvað réði úrslitum?
Þróttarar byrjuðu leikinn af miklum krafti og Njarðvíkingar áttu fá svör við því. Þróttur skapaði mikið af færum og sigurinn verðskuldaður. Njarðvíkingar áttu góðan kafla undir lok leiksins en það dugði ekki til.
Bestu leikmenn
1. Þórhallur Ísak Guðmundsson
Þórhallur var magnaður í dag. Öryggið uppmálað í öllum sínum aðgerðum og varði nokkrum sinnum meistaralega.
2. Aron Snær Ingason
Sá hefur verið funheitur undanfarið og hann var frábær í dag. Aron skapaði mikinn usla allan leikinn og átti stórkostlega sendingu í gegn á Örn Braga sem fiskaði vítaspyrnuna.
Atvikið
Þetta annað mark sem Sigurður Egill skoraði. Frábær vítaspyrna sem gerði út um leikinn og einvígið.
Hvað þýða úrslitin?
Úrslitin þýða að Þróttarar eru komnir í úrslitaleikinn á Laugardalsvelli en tímabil Njarðvíkur er lokið.
Vondur dagur
Oumar Diouck sást mjög lítið í þessum leik og klúðraði dauðafæri sem er alls ekki líkt leikmanni eins og honum.
Dómarinn - 7
Vel dæmdur leikur hjá Elíasi. Kannski aðeins of spjaldaglaður á lokamínútunum þegar það fór að sjóða upp úr en annars flottur í dag.