VÍKINGUR ER ÍSLANDSMEISTARI ÁRIÐ 2026.

Til hamingju Víkingar nær og fjær.

Ástbjörn brýtur af sér.

Arnar Freyr með skelfilega sendingu sem Valdimar kemst í. Hann nær snertingunni framhjá Arnari en Valdimar missir boltann aðeins of langt frá sér.

Sex mínútur í uppbót.

Hjalti rennur og Valdimar hirðir af honum boltann. Hann sker síðan boltann út á Viktor Örlyg en skotið hans fer framhjá. Þarna verður Viktor að klára leikinn.

Víkingar eru fjórir á þrjá. Boltinn endar hjá Hrannari sem reynir skot en það fer í varnarmann og Arnar Freyr handsamar boltann. Illa farið með góða stöðu.

Víkingar fá aukaspyrnu rétt fyrir utan teig. Sniðug spyrna, boltinn fer á Róbert Orra en skotið er laust.

Daníel Hafsteins fær boltann fyrir utan teig. Han reynir að stýra boltanum í fjærhornið en Arnar ver meistaralega.

Daníel sker boltann á Gylfa. Hann lætur vaða rétt fyrir utan teig en skotið fer rétt yfir fjærhornið.

Boltinn kemur inn á teiginn úr aukaspyrnunni en rangstaða dæmd.

KR-ingar eru fáir til baka eftir sókn. Hrannar Snær er með mikinn tíma og pláss. Hann keyrir inn á teiginn og reynir að plata Akoto en hann verst vel.

Daníel Hafsteins með laust skot sem Arnar Freyr handsamar.

Galdur æðir upp vinstri kantinn og Stígur nær ekki að stoppa hann. Hann sker síðan boltann út á Eið Gauta en fyrsta snertingin svíkur hann.

Akoto liggur eftir og fær aðhlynningu. Hann heldur leik áfram.

Hrannar Snær fær boltann úti hægra megin. Hann reynir að lyfta boltanum yfir Arnar Frey og boltinn smellur í sláni. KR-ingar bægja hættunni frá í kjölfarið.

KR-ingar í miklum vandræðum með að hreinsa frá eftir langt innkast. Boltinn dettur fyrir Gylfa en skot hans fer langt yfir markið.

Víkingar fá horn. Boltinn kemur inn á teiginn en það er skallað frá. Boltinn hrekkur síðan til Gylfa, hann nær föstu skoti en það fer beint á Arnar Frey í markinu.

KR spila frábærlega saman á miðjunni. Hjalti fær boltann og kemur honum á Luke Rae sem kemur með hættulega fyrirgjöf en enginn KR-ingur kemst í boltann.

Luke Rae vinnur boltann af Helga og kemur með fyrirgjöf sem er hreinsuð frá.

Galdur vinnur horn. Arnór Ingvi kemur með boltann inn á teiginn en það er skallað frá.

KR fá horn. Boltinn kemur inn á teiginn en Aron Elís skallar frá.

Arnór Ingvi með magnaða móttöku og flikkar boltanum yfir Helga. Arnór tekur síðan skotið sem fer í varnarmann og í horn. Ekkert verður úr horninu.

Aron Sig fær boltann við rétt fyrir framan miðju. Hann keyrir inn á teig Víkinga og er við það að hlaða í skot en Oliver Ekroth verst vel.

Gylfi sparkar þessu af stað.

Fjörugur fyrri hálfleikur að baki. Bæði lið hafa skapað fín færi og sanngjörn niðurstaða í hálfleik.

Ein mínúta í uppbót.

Daníel Hafsteins kemur með fyrirgjöf frá hægri. Boltinn ratar á Aron Elís en Gabríel Hrannar nær að trufla hann og Arnar grípur boltann.

Stígur kemst inn á völlinn og vinnur aukaspyrnu á fínum stað. Gylfi skýtur en boltinn fer framhjá markinu.

Akoto kemur með hræðilega sendingu inn á miðjuna og Daníel Hafsteins lætur vaða en Arnar er fljótur til baka og handsamar boltann.

Hjalti kemst upp að endamörkum og vinnur horn. Spyrnan er slök og Helgi hreinsar frá. Í kjölfarið tapar Luke Rae boltanum og Ármann Ingi tekur skotið en hittir boltann illa og Arnar Freyr nær að bruna aftur í markið.

Galdur fer á milli tveggja manna og fellur við. Sigurður Hjörtur dæmir dýfu á Galdur, hárréttur dómur að mínu mati.

Boltinn kemur í gegn á Karl Friðleif. Aron Snær rýkur út úr markinu en hann er of seinn og tekur Karl niður.

Hrafn finnur Orra Hrafn á miðjunni, fyrsta snertingin hans er úr efstu hillu. Hann keyrir síðan í átt að marki Víkinga og tekur skot sem Aron Snær ver nokkuð þægilega í markinu.

Luke Rae kemur með skemmtilega sendingu í gegn á Arnór Ingva en flaggið fer á loft.

Gabríel Hrannar fær boltann úti vinstra megin. Hann reynir að finna Luke Rae en Aron Snær er fyrri til og handsamar boltann.

KR fá horn. Boltinn kemur inn á teiginn en Helgi skallar frá.

Karl Friðleifur kemur með baneitraða fyrirgjöf frá hægri en Valdimar nær ekki nógu kraftmikilli snertingu á boltann og markspyrna niðurstaðan.

Orri Hrafn og Gabríel reyna þríhyrning en Oliver Ekroth nær að tækla boltann í horn. Þeir taka hana stutt og síðan kemur fyrirgjöf sem endar í hornspyrnu.

Stígur Diljan kemur með fyrirgjöf sem Arnar nær ekki að handsama í fyrstu tilraun en nær því að lokum.

Ármann Ingi skiptir boltanum yfir á Stíg Diljan en Hjalti stoppar hann og vinnur innkast fyrir KR.

Galdur gerir vel og vinnur fyrstu hornspyrnu leiksins. Þeir taka hana stutt og Aron kemur með hættulega fyrirgjöf sem er ætluð Sigurði Breka en hún endar í markspyrnu.

Karl Friðleifur kemur með frábæra fyrirgjöf frá hægri. Aron Elís nær góðum flugskalla sem smellur í stönginni og KR bægja hættunni frá.

Sigurður Breki fær boltann rétt fyrir utan vítateig. Hann fer á hægri fótinn en er stoppaður áður en hann nær að hleypa af.

Hjalti kom inn fyrir Finn Tómas Pálmason. Hjalti fer í hægri bakvörðinn.

Galdur Guðmundsson kemur með fyrirgjöf frá vinstri. Boltinn á viðkomu í varnarmann og er við það að hrökkva til Luke Rae en Helgi kemst fyrir.

Það er strax hægt að sjá hvað Arnar Freyr spilar ofarlega. Aron Elís brýtur á honum.

Sigurður Breki sparkar þessu í gang.

Bæði lið hita vel upp á Meistaravöllum. Vallaraðstæður eru góðar, logn en smá kuldi í lofti. Það fer verulega að styttast í þessa veislu.

Óskar Hrafn, þjálfari KR, gerir eina breytingu á sínu liði eftir stórsigurinn gegn Skagamönnum. Eiður Gauti, sem skoraði í þeim leik, fær sér sæti á bekknum en Hrafn Tómasson kemur inn í liðið.

Sölvi Geir Ottesen, þjálfari Víkings, gerir einnig eina breytingu á liði sínu eftir 4-1 sigur á Keflavík. Sveinn Margeir Hauksson fær sér sæti á bekknum en Gylfi Þór Sigurðsson kemur inn í liðið.

KR 1 - 2 Víkingur
„Víkingar klára dæmið og fagna í Vesturbænum, Ármann Ingi skorar seinna mark Víkings og á síðan 69 inni eftir leik. Ekki jafn mikil ára í marki KR eftir að Halldór Snær var settur á bekkinn."

Óskar Hrafn Þorvaldsson, þjálfari KR, fór yfir það hvers vegna Arnar Freyr, markmaður KR, spilar svona ofarlega í leikjum.

Daníel Hafsteinsson, leikmaður Víkings, hefur framlengt samning sinn við ríkjandi Íslandsmeistarana. Hann skrifar undir til 2030.

„Ég er mjög ánægður með tímabilið hjá liðinu, hópnum í heild og sömuleiðis með mitt framlag til liðsins. Ég er mjög sáttur við mitt hlutverk og tel mig hafa náð að nýta mína styrkleika til að efla liðið." Viðtalið í heild sinni er hér fyrir neðan

Í 5-1 sigrinum á ÍA var KR í fyrsta sinn á tímabilinu minna með boltann en andstæðingurinn, 46,68 prósent gegn 53,32. Það er talsverð breyting fyrir lið sem hefur alla leiktíðina viljað stjórna leikjum sínum með boltann.

„Ef að svo ólíklega vill til að einhver leikmaður í KR liðinu finnur ekki hjá sér þörfina til að leggja sig 100% fram - við það að spila við Víkingi á laugardegi - þá treysti ég að hann geti notað sér myndina af leikmönnum Víkings að fagna Íslandsmeistaratitil á okkar heimavelli, geti sótt einhvern aukakraft í þá mynd í huga sér." Allt viðtalið er hér fyrir neðan.

Sölvi Geir ræddi við fótbolta.net fyrir leik.„Eftir síðustu umferð eru allir meðvitaðir um þetta. Eins og í öllum leikjum snýst þetta um að taka réttar ákvarðanir þegar augnablikin gefast. Við þurfum að passa okkur að þvinga ekki neitt, en ef markmaðurinn er kominn á miðjuna þá auðvitað kíkjum við hvort það sé möguleiki á því að skjóta. Það er samt engin einbeiting á það, gerist bara í leiknum hvort þeir finna fyrir því að þeir eigi að skjóta. Þetta eru ákvarðanatökur sem menn verða að taka innan leiksins," segir Sölvi Geir. Þetta er aðeins brot úr viðtalinu en það er hægt að sjá viðtalið í heild sinni hér fyrir neðan.

KR og Víkingur hafa mæst tvisvar í Bestu deildinni á tímabilinu. Fyrri leikurinn fór fram á Víkingsvelli í júní þar sem Víkingar höfðu betur, 2-0.

Liðin mættust svo aftur á Meistaravöllum í byrjun september og þar skildu þau jöfn, 1-1, í dramatískum leik þar sem bæði mörkin komu í uppbótartíma.

Víkingur er því enn taplaus gegn KR í deildinni á tímabilinu, með einn sigur og eitt jafntefli úr tveimur viðureignum.

Víkingar hafa átt virkilega sterkt tímabil hingað til og eru með 9 stiga forskot á toppi deildarinnar. Þeir hafa misst marga lykilmenn í slæm meiðsli en það virðist ekki vera að hrjá þá. Ríkjandi Íslandsmeistarar geta unnið titilinn með sigri í dag.

KR-ingar hafa átt gott tímabil hingað til en hafa verið skrefinu á eftir Víkingum nánast allt tímabil. Núna eru Víkingar samt með 9 stiga forskot og geta landað titlinum á Meistaravöllum í dag með sigri. KR-ingar unnu stórsigur á ÍA í fyrsta leik eftir skiptingu. Lokatölur voru 5-1 fyrir Vesturbæjarstórveldið.

Sigurður Hjörtur Þrastarson er aðaldómari. Honum til aðstoðar eru Gylfi Már Sigurðsson og Eðvarð Þór Eðvarsson.

Arnar Ingi Ingvarsson er fjórði dómari og Gylfi Þór Orrason er eftirlitsmaður.

Í dag eigast KR og Víkingur við í stórleik helgarinnar í Bestu deild karla. Þetta er 2. umferð eftir skiptingu. Flautað verður til leiks á slaginu 14:00.