Til hamingju Þróttarar. Þeir voru vel að þessu komnir og þegar litið er á leikinn í heild sinni voru þeir betra liðið.

Fyrirgjöf inn á teig Þróttar. Laddi fer úr markinu og kýlir frá, hann fer hressilega í bakið Fylkismanni í leiðinni.

Þeir vilja víti

"We are going up," syngja Köttarar. Þeir eru 90 sekúndum frá sæti í Bestu

Fylkir er ekki búið að skapa sér færi eftir að hafa lent undir. Leikurinn hefur þó farið fram á vallarhelmingi Þróttar síðan markið kom. Það verður sviðsmyndin það sem eftir lifir leiks.

Brynjar Gautur með ágætis tilraun en Ólafur Kristófer ver örugglega.

Guðmundur Tyrfings hoppar aftan á Vilhjálm Kaldal og réttilega dæmdur brotlegur. Spurning hvort Helgi Mikael hefði mátt lyfta sínu fyrsta spjaldi

Kári Sigfússon með misheppnaða fyrirgjöf, Fylkismenn voru búnir að fjölmenna á teig Þróttar

Íslandsmeistarinn Sölvi Geir Ottesen, þjálfari Víkinga sem unnu KR í dag og tryggðu sér Íslandsmeistaratitilinn, er mættur á völlinn. Magnús Daði Ottesen, sonur Sölva, er á varamannabekk Fylkis.

Mani Austmann með lúmska tilraun. Á fast skot meðfram jörðinni á nærstöng. Laddi í markinu sér við honum

Fylkir fær horn en ekkert verður úr því

Þróttur fær hornspyrnu eftir færið. Boltinn hrekkur til Njarðar sem skýtur yfir mark Fylkis

Örn Bragi er kominn í hættulega stöðu í teig Árbæinga. Hann sker inn á hægri fót sinn en Ólafur Kristófer ver meistaralega frá honum. Skot Arnar var á leið í fjærhornið.

Aron Snær er við það að sleppa í gegn en Tumi Fannar gerir afskaplega vel, stígur hann út og bælir hættunni frá.

Þróttur fær enn eina hornspyrnuna, en það verður ekkert úr henni.

Sigurður vinnur boltann á eigin vallarhelmingi og finnur Aron Snæ á vinstri kantinum. Hann keyrir framhjá Guðfinni og er kominn inn í teig. Skot Arons af 5 metrum fer svo í nærstöngina.

Þróttur fær hornspyrnu.

Heimir gerir tvöfalda breytingu í hálfleik

Helgi Mikael flautar til hálfleiks. Þróttur hefur verið sterkari aðilinn í þessum fyrri hálfleik þó svo að lítið hafi verið um færi.

Tökum okkur korter.

Fylkismenn vildu fá vítaspyrnu áðan. Haukur Gunnarsson náði þessum myndum af þessu stóra atviki. Dæmi hver fyrir sig.

Örn Bragi með fína sendingu á Kára Kristjáns en skot hans er misheppnað. Boltinn skoppaði rétt áður en hann hlóð af

Arnór Breki með fallega sendingu inn fyrir vörn Þróttara. Guðmundur Tyrfings er kominn í fína stöðu í teig Þróttar en Baldur Hannes hrifsar af honum knöttinn.

Fylkismenn í stúkunni biðja um víti en það var lítið í þessu

Fylkir fær sína fyrstu hornspyrnu

Eiríkur Blöndal tekur listilega á móti boltanum og sigra Arnór Breka hægra megin í vítateig Fylkis. Honum tekst að pota boltanum í hættusvæðið en þar er enginn mættur

Hornspyrnan kemur á fjærstöngina. Hlynur Þórhalls skallar boltann niður á bróður sinn en skot Njarðar fer yfir markið

Baldur Hannes með góðan sprett upp völlinn. Hann finnur Örn Braga en skot hans fer af varnarmanni og í horn

Þróttur er með yfirhöndina.

Hafa komist í nokkrar fínar sóknir, þó svo að þeir hafi ekki skapað sér opið marktækifæri

Örn Bragi kemur með hættulegan sendingu inn á teig Fylkismanna. Aron Snær er með knöttinn en er alltof lengi að athafna sig. Hann hefði þurft að skjóta á fyrsta tempói eð senda á Kára Kristjáns.

Sóknin fjarar svo út í sandinn

Leikurinn hefur verið lokaður það sem af er. Þróttarar meira með boltann og tilfinningin er sú að það sé smá skjálfti í Árbæingum.

Ólafur Kristófer kýlir boltann frá

Þróttur fær aukaspyrnu í ágætis fyrirgjafarstöðu.

Kári Kristjáns með fyrstu skottilraun leiksins. Lúmskt skot fyrir utan teig sem fer framhjá

Þróttur
Laddi
Eiríkur - Hlynur - Njörður - Stefán - Sigurður Egill
Brynjar Gautur - Baldur Hannes - Kári Kri
Aron Snær - Örn Bragi

Fylkir
Ólafur Kristófer
Bjarki Steinsen - Guðfinnur Þór - Hlynur - Arnór Breki
Theodór Ingi - Birkir - Nikulás Val - Kári Sigfússson
Mani Austmann - Gummi Tyrfings

Máni Austmann sparkar okkur í gang.

Þróttarar sækja að Þróttaraheimilinu. Fylkismenn sækja að Laugardalslaug.

Liðin ganga inn á völl og Besta stefið ómar í græjunum, áhorfendur taka svo sannarlega við sér.

Heiðursgestir beggja liða heilsa leikmönnum áður en við hlýðum á lofsönginn.

Sigurvin Ólafsson, þjálfari Þróttar, gerir engar breytingar á sínu liði frá síðasta leik.

Heimir Guðjónsson, þjálfari Fylkis, gerir hins vegar tvær breytingar. Arnór Snær Guðbjörnsson lét reka sig af velli í síðasta leik og er því fjarri góðu gamni í dag. Þá fær Magnús Daði Ottesen sér sæti á bekknum. Inn í liðið koma þeir Máni Austmann Hilmarsson og Nikulás Val Gunnarsson.

Þróttarar hafa haft tak á Fylkismönnum í sumar. Báðir leikir liðanna enduðu með 3-1 sigri þeirra rauðu og hvítu. Þess má geta að Keflavík skellti HK 4-0 í úrslitaleik umspilsins í fyrra eftir að hafa tapað báðum deildarleikjunum gegn HK, 3-0. Úrslitin í sumar ættu því ekki að skipta neinu máli þegar flautað verður til leiks.

Sigurður Egill skoraði tvö mörk í fyrri leik liðanna. Magnús Ingi bætti svo við áður en Theodór Ingi klóraði í bakkann.



Sigurður Egill var aftur á skotskónum í seinni leiknum. Aron Snær bætti við öðru marki í fyrri hálfleik. Eyþór Wöhler minnkaði svo muninn áður en Magnús Ingi innsiglaði sigurinn í lokin.

„Mér finnst vikan hafa einkennst af yfirvegun. Það er mikið sjálfstraust í liðinu að við séum að fara að klára þetta," sagði Baldur Hannes, fyrirliði Þróttar, í samtali við Fótbolta.net á fréttamannafundinum á fimmtudaginn.

Sérstakur fréttamannafundur var haldinn í höfuðstöðvum KSÍ á fimmtudaginn. Heimir Guðjónsson, þjálfari Fylkis, mætti ekki á fundinn, en það var vegna persónulegra ástæðna að sögn Arnórs Breka, varafyrirliða liðsins. Þá sló Kári Sigfússon á létta strengi og sagði Heimi vera í golfi



       

Sjónvarpsrétthafinn, Livey birti færslu á dögunum sem sagði að 100 milljóna króna leikurinn yrði spilaður á laugardag. Fótbolti.net ræddi við Birgi Jóhannsson, framkvæmdastjóri ÍTF, um þá fjármuni sem felast í því að vinna leikinn.

Eins og flestum er kunnugt var það Afturelding sem sigraði Lengjudeildina. Þróttur og Fylkir komu þar á eftir í öðru og þriðja sæti deildarinnar.

Það var því ljóst að liðin þyrftu að fara í gegnum umspilið til þess að tryggja sér þátttökurétt í Bestu deildinni næsta sumar. Leið liðanna á Laugardalsvöllinn var erfið en Þróttur hafði betur gegn Njarðvík í einvígi sínu og Fylkir sló HK út.

Búist er við hörkuleik, enda eru liðin skipuð mörgum spennandi leikmönnum sem félög úr Bestu deildinni fylgjast grannt með. Fótbolti.net bar saman liðin og dæmdi um hvort liðið væri öflugra í hverri línu.

Helgi Mikael Jónasson mun dæma leikinn. Guðmundur Ingi Bjarnason og Eysteinn Hrafnkelsson eru aðstoðardómarar. Fjórði dómari er Vilhjálmur Alvar Þórarinsson, varaaðstoðardómari er Antoníus Bjarki Halldórsson og eftirlitsmaður KSÍ verður Gunnar Helgason.

Heil og sæl öllsömul og verið þið hjartanlega velkomin í þráðbeina textalýsingu frá Laugardalsvelli. Klukkan 16:15 mun Helgi Mikael flauta til leiks Þróttar og Fylkis í úrslitaleik umspils Lengjudeildarinnar. Sigurvegari leiksins mun leika í Bestu deildinni á næstkomandi tímabili.