England: Digne hetjan í Luton

Aston Villa vann mikilvægan 3-2 sigur á Luton Town í 27. umferð ensku úrvalsdeildarinnar á Kenilworth Road í dag.

Enska markamaskínan Ollie Watkins kom Villa mönnum í 1-0 á 24. mínútu með skalla eftir hornspyrnu Leon Bailey. Watkins verið sjóðandi heitur á tímabilinu, en hann var ekki hættur.

Hann gerði annað mark sitt undir lok fyrri hálfleiks eftir stórkostlega langa sendingu Douglas Luiz yfir vörnina. Watkins lagði síðan boltann á hægri og setti hann örugglega í fjærhornið.

Heimamenn í Luton svöruðu þeim síðari. Hollendingurinn Tahith Chong minnkaði muninn eftir hornspyrnu. Boltinn kom inn í teiginn og björguðu Villa-menn á línu áður en Chong setti boltann í netið.

Sex mínútum síðar kom jöfnunarmarkið. Alfie Doughty tók aukaspyrnu sem sveif á fjær og þar var Carlton Morris mættur til að setja boltann meðfram grasinu og í netið.

Þung högg fyrir Villa, sem ætlaði ekki að sætta sig við stig. Undir lok leiksins var Moussa Diaby með boltann hægra megin áður en hann kom með stórkostlega fyrirgjöf á Lucas Digne á fjær, sem stangaði boltann í netið.

Lokatölur 3-2 fyrir Villa sem er í 4. sæti deildarinnar með 55 stig en Luton í 18. sæti með 20 stig, fjórum stigum frá öruggu sæti.