Byrjunarlið Tottenham og Crystal Palace: Vicario heldur sætinu

Tottenham og Crystal Palace mætast í úrvalsdeildinni í kvöld. Byrjunarlið liðanna eru komin inn. Tottenham er í stórkostlegum vandræðum en liðið er stigi frá fallsæti, Palace er tveimur sætum ofar og með sex stigum meira.

Igor Tudor gerir fjórar breytingar á liði Tottenham sem tapaði gegn Fulham í síðustu umferð. Xavi Simons, Conor Gallagher og Yves Bissouma eru færðir á bekkinn en Radu Dragusin er ekki í hópnum. Kevin Danso, Souza, Pape Sarr og Mathys Tel koma inn í liðið. Falsfréttir komu frá The Sun að Guglielmo Vicario yrði settur á bekkinn en hann byrjar í kvöld.

Það eru tvær breytingar á liði Crystal Palace frá tapi gegn Man Utd. Chadi Riad kemur inn fyrir Maxence Lacroix sem tekur út leikbann og Evann Guessand kemur inn fyrir Brennan Johnson sem er á bekknum.

Jefferson Lerma er einnig á bekknum eftir að hafa verið fjarverandi undanfarnar vikur vegna meiðsla.