Alfreð Finnbogason og belgíska félagið Eupen hafa komist að samkomulagi um að rifta samningi íslenska framherjan en belgíska félagið hefur staðfest fregnirnar.
Alfreð gekk til liðs við Eupen frá Lyngby á síðasta ári en liðið féll úr efstu deild í Belgíu á síðustu leiktíð og Alfreð hefur ekki fengið mikið af tækifærum í næst efstu deild
„KAS Eupen vill þakka Alfreð Finnbogasyni fyrir skuldbindingu, fagmennsku, vináttu og tryggð hans. Eupen óskar Alfreð alls hins besta í framtíðinni," segir í tilkynningu Eupen.
Hann komst í fréttirnar á dögunum þegar þessi 34 ára gamli framherji tilkynnti að hann væri hættur að spila með íslenska landsliðinu.
Ekki er víst hvað næsta skref Alfreðs verður á ferlinum en hann gekk ungur að árum til Breiðabliks og hóf meistaraflokks feril sinn í Kópavogi. Hann hefur spilað með liðum á borð við Augsburg, Real Sociedad og Heerenveen ásamt Lyngby og Eupen á atvinnumannaferli sínum.
Alfreð var í löngu viðtali við Fótbolta.net á dögunum þar sem hann fór um víðan völl.
Alfred Finnbogason fait ses adieux à la KAS Eupen https://t.co/TmMCdqV2Mt pic.twitter.com/mnLFZhIr00
— AS Eupen KAS (@AS_Eupen) September 5, 2024
