Miðjumaðurinn Magnús Arnar Pétursson hefur framlengt samning sinn við HK út 2028.
Þessi 19 ára gamli orkumikli leikmaður er uppalinn HK-ingur sem þreytti frumraun sína með liðinu í Lengjudeildinni árið 2022.
Hann lék með 2. flokki félagsins árið 2023 en kom sterkur inn árið 2024 og spilaði þá 11 leiki í Bestu deildinni og gerði eitt mark.
Á síðasta ári lék hann ellefu leiki í Lengjudeildinni er HK fór alla leið í úrslit umspilsins, en þar tapaði liðið fyrir Keflavík, 4-0, og missti því af sæti í Bestu deildina.
Góðu fréttirnar eru þó þær að Magnús Arnar verður áfram í HK og ætlar að leggja sitt af mörkum í að koma félaginu aftur í efstu deild, en hann gerir samning út 2028.
Athugasemdir
