England um helgina - Nær Liverpool fram hefndum?

16-liða úrslitin í enska bikarnum fara fram um helgina en það er áhugaverður leikur strax í kvöld.

Wolves fær Liverpool í heimsókn en liðin mættust á þriðjudaginn síðastliðinn þar sem Wolves vann óvæntan sigur í úrvalsdeildinni.

Arsenal heimsækir Mansfield, sem leikur í C-deildinni, á morgun. Chelsea heimsækir Hollywood félagið Wrexham og þá er úrvalsdeildarslagur milli Newcastle og Man City.

Fulham og Southampton eigast við í fyrsta leiknum á sunnudaginn. Port Vale, sem leikur í C-deild, fær Sunderland í heimsókn og Leeds og Norwich mætast.