Byrjunarlið Man Utd og Tottenham: Romero byrjar - Óbreytt hjá heimamönnum

United er á skriði undir stjórn Michael Carrick sem tók við stöðunni í byrjun ársins.

Liðið hefur unnið Arsenal, Manchester City og Fulham í síðustu þremur deildarleikjum og ætlar að halda góðu gengi áfram í dag þegar Tottenham kemur í heimsókn.

Cristian Romero, fyrirliði Tottenham, skaut föstum skotum á stjórnina á dögunum og var gagnrýndur fyrir ummæli sín, en það er greinilega búið að ná sáttum því hann byrjar og er áfram með bandið.

Carrick breytir ekki sigurliði, en byrjunarliðin má sjá í heild sinni hér fyrir neðan.

Man Utd: Lammens, Dalot, Maguire, Martinez, Shaw, Casemiro, Mainoo, Amad, Fernandes, Mbeumo, Cunha.

Tottenham: Vicario, Udogie, Van de Ven, Romero, Gray, Palhinha, Sarr, Gallagher, Odobert, Xavi Simons, Solanke.