Frank kom nýju stjórnendunum til varnar

Frank var meðal annars spurður út í nýja stjórnendur félagsins sem tóku við af Daniel Levy eftir síðasta félagaskiptaglugga.

„Ég get bara hlegið að svona spurningum, eigendur félagsins og stjórnendurnir eru mjög alvarlegir. Ég tala reglulega við þá og hef engar efasemdir um að þeir séu alvarlegir. Mér finnst ósanngjarnt að dæma þá eftir einn janúarglugga," sagði Frank.

„Það er ekki hægt að dæma nýja eigendur eftir einn vetrarglugga. Dæmið þá eftir næstu glugga, ekki eftir þennan. Ég skil að það má gagnrýna félagið en það þarf líka að gæta sanngirni."

Tottenham er í neðri hluta úrvalsdeildarinnar með 29 stig eftir 24 umferðir og hefur verið að glíma við mikið af meiðslavandræðum upp á síðkastið.

Tottenham seldi Brennan Johnson í janúar og fékk Conor Gallagher inn fyrir svipaða upphæð, auk þess að festa kaup á efnilegum bakverði frá Brasilíu.