Sænski framherjinn Zlatan Ibrahimovic var mættur á sérstakan viðburð í Malmö í dag en það var reist bronsstytta af honum fyrir utan leikvang Malmö FF.
Zlatan er einhver besti knattspyrnumaður í sögu Svía en hann hefur leikið með félögum á borð við Ajax, Milan, Inter, Juventus, Barcelona, Paris Saint-Germain, Manchester United og nú með Los Angeles Galaxy.
Hann hefur ellefu sinnum unnið gullboltann í Svíþjóð á sérstakri árshátíð sænska knattspyrnusambandsins en það er Aftonbladet sem stendur fyrir valinu.
Sænska knattspyrnusambandið komst að samkomulagi um að reisa því styttu af Zlatan fyrir utan leikvanginn hjá Malmö. Peter Linde gerði styttuna en hún er 2,7 metrar á hæð.
Zlatan spilaði í 4-2 tapi gegn Houston Dynamo í MLS-deildinni á dögunum en fékk leyfi til að fljúga heim til Malmö til að vera viðstaddur opinberun styttunnar.
„Þegar þú ferð til New York þá ertu með frelsisstyttuna en þegar þu ferð til Svíþjóðar þá ertu með styttu af Zlatan," sagði Zlatan í dag.
Malmo have unveiled a new statue of Zlatan at their ground
— Classic Football Shirts (@classicshirts) October 8, 2019
He played 47 games and scored 18 goals pic.twitter.com/WUEJbpHSRQ
Athugasemdir
