Byrjunarlið U21: Þrír Íslandsmeistarar byrja

Íslenska U21 landsliðið tekur á móti Portúgal á Víkingsvelli klukkan 15:00. Leikurinn er liður í undankeppni fyrir EM.

Portúgal er með sex stig eftir tvo leiki og Ísland er með fjögur stig.

Davíð Snorri Jónasson, þjálfari liðsins, hefur tilkynnt byrjunarliðið sitt fyrir leikinn í dag. Þrír leikmenn Íslandsmeistara Víkings eru í byrjunarliði Íslands. Þeir Kristall Máni, Atli Barkarson, Viktor Örlygur Andrason.

Breytingarnar frá síðasta leik eru sex. Tveir leikmenn eru í U19 landsliðinu, þeir Kristian Nökkvi og Hákon Arnar, tveir leikmenn eru í A-landsliðinu, þeir Elías Rafn og Mikael Egill og þeir Birkir Heimisson og Stefán Árni taka sér sæti á bekknum. Inn í liðið koma þeir Ágúst Eðvald, Jökull Andrésson, Finnur Tómas, Viktor Örlygur, Kristall Máni og Sævar Atli.