Annað Akureyrarliðið mun falla - „KA á auðveldara prógramm eftir"

Ofan á stigin tvö sem KA er með í forskot er liðið með miklu betri markatölu en hitt Akureyrarliðið. KA er með 26 stig og mínus 10 í markatölu á meðan Þór er með 24 stig og mínus 33 í markatölu.

KA á eftir útileik gegn Val og svo heimaleik gegn föllnum Eyjamönnum í lokaumferðinni.

Þór á eftir heimaleik gegn Stjörnunni í næsta leik og endar svo gegn FH á útivelli í lokaumferðinni.

„Ef maður horfir á síðustu tvo leikina sem liðin eiga eftir þá á KA auðveldara prógramm eftir. KA á Val og fallna Eyjamenn. Þórsarar eiga Stjörnumenn, sem eru reyndar gefins þrjú stig ef liðið mætir eins til leiks og gegn KA, og síðan eiga Þórsarar FH í lokaumferðinni á Kaplakrikavelli. FH-ingar eru ólseigir," segir Kári Snorrason í Innkastinu.

„Maður er að halda í einhver hálmstrá varðandi spennu í þessari deild og það er svolítið skemmtilegt, kannski ljótt að segja það því maður óskar engum falli, að það séu bæði Akureyrarliðin að berjast. Þetta er hálmstrá sem ég á auðvelt með að halda í," segir Valur Gunnarsson. Hægt er að hlusta á Innkastið hér að neðan.

Leikirnir sem eftir eru hjá KA og Þór
laugardagur 17. október
Besta karla - Neðri hluti
14:00 Þór-Stjarnan (VÍS völlurinn)
14:00 Valur-KA (N1-völlurinn Hlíðarenda)

laugardagur 24. október
Besta karla - Neðri hluti
14:00 FH-Þór (Kaplakrikavöllur)
14:00 KA-ÍBV (Greifavöllurinn)