Guimaraes, Isak, Kimmich, Diaz, Branthwaite, Mainoo og fleiri góðir í slúðri dagsins
   þri 12. nóvember 2019 16:06
Magnús Már Einarsson
Southgate tjáir sig um Sterling - Segir liðið vera eins og fjölskylda
Gareth Southgate.
Gareth Southgate.
Mynd: Getty Images
Gareth Southgate, landsliðsþjálfari Englendinga, tjáði sig í dag um þá ákvörðun sína að Raheem Sterling spili ekki leikinn gegn Svartfjallalandi á fimmtudaginn.

Sterling réðst á Joe Gomez í mötuneyti enska landsliðsins í gær og í kjölfarið ákvað Southgate að kantmaðurinn spili ekki leikinn á fimmtudag. Hann gæti hins vegar spilað gegn Kósóvó á sunnudag.

„Ég elska alla leikmenn mína. Við erum eins og fjölskylda. Mikilvægast er að fjölskyldan ræði saman og vinni úr vandamálum," sagði Southgate á fréttamannafundi í dag.

Southgate segir að Sterling hafi ráðist á Gomez og því hafi sá síðarnefndi ekki fengið refsingu.

„Ég er með mjög ungan hóp og við erum í íþrótt þar sem tilfinningarnar eru miklar. Raheem útskýrði í gær að hann missti stjórn á sér í augnablik. Það er rétt að geta þess að það sama átti ekki við um Joe. Svona hlutir gerast í fótbolta."

„Við höfum stórkostlega reynslumikla leikmenn sem hafa átt þátt í því að ná öllum saman."

Southgate vildi ekki svara frekari spurningum á fréttamannafundi um það hvað gerðist nákvæmlega á milli Sterling og Gomez og af hverju þeir byrjuðu að rífast.

Sjá einnig:
Sterling
pirraðist þegar Gomez hló - Tók hann hálstaki

Neville sammála í Sterling málinu - Ferdinand ósammála
Athugasemdir
banner
banner
banner