Arnar væri með tvöfalt fleiri titla ef ekki væri fyrir Ísak

„Hann var 'pain in the ass' þegar hann var með Blikunum. Í minningunni var hann alltaf virkilega öflugur og vantaði bara smá sjálfstraust eða meira kannski spark í rassinn til að sjá að hann ætti heima á hærra getustigi."

„Svo byrjaði hann að spila í dönsku úrvalsdeildinni, sem er mjög sterk deild, og það sýnir hvaða leveli menn geta náð. Ég held að þakið hans sé hærra en hann gerir sér grein fyrir sjálfur. Vonandi, núna með því að fá hann inn í okkar aðalhóp þá erum við að hjálpa honum að ná þessu leveli og hjálpa okkar landsliði að verða betra. Því hann kemur með allt öðruvísi dínamík inn í okkar flóru og ég tel að hans leikstíll henti landsliðsumhverfi mjög vel ,“ segir Arnar.

Ísak fór með landsliðinu í vináttulandsleik gegn Japan fyrr á árinu og kom þar inn á lokamínútunum.

„Maður sá þar að hann er virkilega flottur á æfingum. Flottur að taka taktískum leiðbeiningum og flottur strákur í heildina."

Það eru tíu dagar í að Ísland hefji leik í riðli sínum í C-deild Þjóðadeildarinnar. Eistland, Lúxemborg og Búlgaría eru með okkur í riðli. Ísland tekur á móti Eistlandi á Laugardalsvelli laugardaginn 26. september. Svo koma leikir gegn Lúxemborg úti og Búlgaríu heima. Glugganum lýkur á öðrum leik við Eistland, þá á útivelli.