Willian kom frítt frá Chelsea síðastliðið sumar og eftir að hafa verið í byrjunarliðinu í upphafi tímabils hefur hann verið á bekknum að undanförnu. Brasilíumaðurinn hefur ekki ennþá skorað í 24 leikjum með Arsenal.

„Ég vil ekki segja að gagnrýnin sé ósanngjörn því að væntingarnar eru miklar þegar kemur að mörkum sem hann getur skorað og lagt upp," sagði Arteta.

„Þú býst við að hann sé í byrjunarliðinu og það er eðlilegt að fólk tali um hann. Hvernig hann æfir og leggur hart að sér til að gefa liðinu allt, er það sem ég vil. Hvort að hann standi sig vel eða ekki í leikjum er annað mál. Þetta mun koma með gæðunum sem hann býr yfir."

Sjá einnig:
Vilja losna við Willian úr leikmannahópi Arsenal