Valgerður Ósk spáir í 16. umferð Bestu kvenna

Grindavík/Njarðvík 4 - 2 Fram (18:00 í kvöld)
Þetta verður fjörugur leikur og mikið af mörkum. Grindavík/Njarðvík eru sterkar á heimavelli og taka þetta 4-2. Fram munu hins vegar ekki gefa neitt eftir og verður staðan 3-2 þangað til Grindavík/Njarðvík skorar fjórða markið á 88 mínútu leiksins. Alda mun skora sitt níunda mark í deildinni, Harpa Helgadóttir skorar eftir að hafa setið hjá í seinustu umferð, og við hljótum að fá allavegana eitt mark frá Emma Nicole Philips.

Stjarnan 1 - 2 Breiðablik (19:15 í kvöld)
Breiðablik með bullandi sjálfstraust eftir sigurinn á FH um helgina og kemst í 2-0 í fyrri hálfleik. Þórdís Elva skorar með þrumufleyg og Líf setur hitt. Vigdís Edda nýkomin á láni frá FH til Stjörnunar minnkar muninn með alvöru skallamarki úr föstu leikatriði í seinni hálfleik. Spennandi lokamínútur og mikill hiti eftir gluggalokin, jafnvel rautt spjald á loft, en leikur endar 1-2 fyrir Breiðablik.

ÍBV 1 - 1 Þróttur R. (17:15 á morgun)
Alvöru baráttuleikur sem verður mjög jafn allan tímann. ÍBV í 3ja sæti í deildinni mætir Þrótturum sem unnu sinn fyrsta sigur í seinustu umferð síðan í maí. Báðum liðum langar að taka öll stigin en leikurinn endar jafnt 1-1.

Þór/KA 1 - 2 Valur (18:00 á morgun)
Valskonur mæta með alvöru orku inn í leikinn og Ragnheiður kemur þeim yfir eftir 15 mínútna leik. Þór/KA hins vegar verið sterkar á heimavelli (töpuðu seinast heimaleik í maí) og jafna leikinn rétt fyrir hálfleiks flautið. Engin önnur en MB (Margrét Brynja) smáhrifavaldur skorar síðan sigurmarkið og 1-2 lokaniðurstaðan.

FH 1 - 0 Víkingur R. (18:00 á morgun)
Lokaður leikur allan tímann og FH konur sakna strax Ídu í sóknarleik sínum. Mögulega nokkrir leikmenn hvíldir hjá FH fyrir evrópuleikinn í næstu viku en Elín Björg full af orku ræður úrslitum og skorar sigurmark FH seint í leiknum og lokaniðurstaðan 1-0.

Fyrri spámenn:
Arnar Páll (5 réttir)
Aldís Kara (4 réttir)
Ásta Eir (4 réttir)
Fanndís Friðriks (3 réttir)
Mist Rúnars (3 réttir)
Katrín Ásbjörns (3 réttir)
Alma Mathiesen (2 réttir)
Arna Eiríks (2 réttir)
Magnús Haukur (2 réttir)
María Gros (1 réttur)
Sædís Rún (1 réttur)
Thelma Karen (1 réttur)
Jóhann Fjalar (1 réttur)