Með hressustu stuðningsmennina en fúlasta þjálfarann

Það mótmælir enginn þeirri fullyrðingu að Skotland eigi skemmtilegustu stuðningsmennina á HM. En að sama skapi má segja að þeir eigi fúlasta þjálfarann.

Steve Clarke var vel pirraður í viðtölum eftir tap gegn Marokkó á dögunum og leyndi heldur ekki pirringnum eftir 3-0 tapið gegn Brasilíu í lokaumferð riðilsins.

Skotland heldur í vonina um að geta komist áfram sem eitt af liðunum með besta árangur í þriðja sæti en Clarke sjálfur býst við að niðurstaðan verði sú að Skotar haldi heim.

„Ég býst fastlega við því að við séum á heimleið," sagði Clarke en mögulega ráðast örlög Skotlands ekki fyrr en á sunnudag.