Byrjunarlið Keflavíkur og KR: Ljubicic byrjar

Haraldur Freyr Guðmundsson, þjálfari Keflavíkur, gerir þrjár breytingar á sínu liði. Í byrjunarliðið koma þeir Stefan Alexander Ljubicic, sem búinn er að taka út eins leiks bann vegna fjögurra gulra spjalda, Sindri Snær Magnússon fyrirliði og Anton Kralj. Í þeirra stað setjast á bekkinn Axel Ingi Jóhannesson, Ernir Bjarnason og Eiður Orri Ragnarsson.

Óskar Hrafn gerir tvær breytingar á byrjunarliði KR frá sigrinum gegn ÍA í síðustu umferð. Á bekkinn tylla sér þeir Stefán Árni Geirsson og Gabríel Hrannar Eyjólfsson. Í þeirra stað koma Eiður Gauti Sæbjörnsson og Ástbjörn Þórðarson.