Leikdagurinn er þáttur sem er framleiddur af Recmedia fyrir Bestu deildina. Í þættinum fáum við að skyggnast bakvið tjöldin og sjá hvernig dagur í lífi leikmanna í Bestu deildinni lítur út á leikdegi.
Í þessum þætti fáum við að fylgjast með Katrínu Ásbjörnsdóttir leikmanni Breiðabliks undirbúa sig fyrir leik gegn Víkingi sem fram fór síðastliðinn sunnudag.
Í þættinum fá áhorfendur meðal annars að heyra hvernig Katrín nær að tvinna það að vera í krefjandi vinnu með fótboltanum. Þá fáum við að heyra söguna af því hvernig Katrín og Damir kærastinn hennar kynntust og hvernig þau ná að halda úti heimili með þremur börnum ásamt því að vera í lykilhlutverkum í sínum liðum í Bestu deildinni.
