Fótbolti.net

sun 06. maí 2007 08:04

Hafliði Breiðfjörð

Spá Fótbolta.net í Landsbankadeild: 6. sæti

Sérfræðingar Fótbolta.net spá því að Fylkir lendi í 6. sæti í Landsbankadeild karla 2006. Tólf sérfræðingar spá í deildina fyrir okkur þetta árið en þeir raða liðunum upp í röð og það lið sem er í efsta sæti fær tíu stig, annað sæti níu og svo koll af kolli niður í tíunda sæti sem gefur eitt stig. Fylkir fékk 62 stig út úr þessu.

Sérfræðingarnir sem spáðu eru:
Atli Eðvaldsson, Ásmundur Arnarsson, Bjarni Jóhannsson, Gunnar Oddsson, Henry Birgir Gunnarsson, Hrafnkell Kristjánsson, Hörður Magnússon, Jörundur Áki Sveinsson, Logi Ólafsson, Luka Kostic, Pétur Pétursson, Víðir Sigurðsson, Þorlákur Árnason.

Hvað segir Ásmundur?
Ásmundur Arnarsson er sérstakur álitsgjafi okkar um Landsbankadeild karla. Ásmundur sem er þjálfari Fjölnis sem leikur í 1. deildinni hefur séð mikið af leikjum á undirbúningstímabilinu og lið hans hefur mætt mörgum af liðunum í deildinni.

Hér að neðan má sjá álit Ásmundar á Fylki.

Um Fylkir:
Það verður spennandi að fylgjast með Fylkisliðinu í sumar. Fylkir er félag sem hefur í raun allt til að bera til að verða í toppbaráttunni. Þeir hafa öflugan hóp leikmanna, mjög góðan þjálfara og frábæra umgjörð. Það hefur einnig verið góð stemning í árbænum fyrir liðinu þó það hafi kannski aðeins dalað undanfarin ár.

Það hefur verið ótrúlega mikið um meiðsli hjá lykilmönnum hjá þeim undanfarin ár sem hefur tekið sinn toll og þeir hafa því alltaf endað í nokkurs konar meðalmennsku. Ef að leikmenn eins og Haukur Ingi og Ólafur Stígsson verða heilir í ár munar mikið um þá. Peter Gravesen sýndi í fyrra að þar er mjög öflugur leikmaður á ferðinni og svo hafa þeir reynslubolta á borð við Pál Einarsson, Guðna Rúnar Helgason, Val Fannar Gíslason og David Hannah. Einnig er Fjalar öflugur í markinu.

Fylkisliðið er vel spilandi og hefur verið að spila skemmtilegan fótbolta, það var þó mikill missir fyrir þá að missa Eyjólf Héðins út í atvinnumennskuna í vetur því hann er virkilega öflugur leikmaður og var að spila vel fyrir liðið áður en hann fór út. Ef hlutirnir smella saman hjá Fylki kæmi mér ekki á óvart að þeir myndu blanda sér í toppbaráttuna en þó er líklegast að þeir verði um miðbik deildarinnar.
Styrkleikar:
Mikill hreyfanleiki í liðinu og þeir eru mjög vel spilandi. Ættu að vera öflugir varnarlega þar sem þeir hafa breiðan hóp sterkra og reynslumikilla manna aftarlega á vellinum.

Veikleikar
Mér sýnist helst að það vanti breidd sóknarlega og spurning hver tekur að sér markaskorun liðsins í sumar.

Gaman að fylgjast með
Það verður gaman að sjá hvort að Húsvíkingurinn Hermann Aðalgeirsson nær að springa út í sumar.

Lykilmaður
Peter Graversen.

Þjálfarinn:

Leifur Garðarsson þjálfar nú Fylki annað árið í röð en hann tók við liðinu haustið 2005. Leifur hafði áður verið aðstoðarþjálfari FH í þrjú tímabil þar á undan þegar FH endaði í 2. sæti fyrsta árið og varð Íslandsmeistari næstu tvö á eftir.

Leifur sem er skólastjóri í Áslandsskóla í Hafnarfirði hefur einnig starfað við þjálfun hjá KR þar sem hann sá um yngriflokkastarf fyrir nokkrum árum. Hann var um árabil einn besti körfuboltadómari landsins en hætti því þegar annir fóru að aukast.

Líklegt byrjunarlið Fylkis í upphafi móts:

Völlurinn:
Fylkir leikur heimaleiki sína á Fylkisvelli í Árbænum. Völlurinn er sagður taka um 2872 áhorfendur en þrátt fyrir það tókst að troða 4833 áhorfendum á leik liðsins gegn KR fyrir fjórum árum. Í fyrra var bætt við 1200 sæti á Fylkisvöll en sætin fengu Fylkismenn af Laugardalsvelli er gamla stúkan þar var endurnýjuð.

Stuðningsmenn:
Meðal þekktra stuðningsmanna Fylkis eru: Jón Magnússon, Sigurður G. Guðjónsson forstjóri Norðurljósa, Haraldur í Andra, Jói úr 70 mínútum og Idolinu, Kári Sturluson tónleikahaldari, Hreggviður Jónsson fyrrum forstjóri Norðurljósa, Dagur Eggersson læknir. .

Spáin
nr.	Lið	Stig
1	?	?
2	?	?
3	?	?
4	?	?
5	?	?
6	Fylkir	62
7	Fram	51
8	ÍA	45
9	Víkingur	36
10	HK	19

Um félagið

Fylkir
Stofnað 1967

Titlar:
Bikarmeistarar: 2001, 2002

Búningar:
Umbro

Aðalbúningur:
Peysa: Appelsínugul / Buxur: Svartar / Sokkar: Appelsínugulir

Varabúningur:
Peysa: Svört / Buxur: Svartar / Sokkar: Svartir

Opinber vefsíða:
Fylkir.com

Komnir og farnir

Nýjir frá síðasta sumri:

Freyr Guðlausson úr Þór
David Hannah úr Grindavík
Kristján Valdimarsson úr Grindavík
Halldór Hilmisson úr Þrótti
Kjartan Ágúst Breiðdal, snýr aftur eftir meiðsli
Mads Beierholm frá Sönderjyske
Víðir Leifsson frá Fram
Valur Fannar Gíslason frá Val

Farnir frá síðasta sumri:

Ragnar Sigurðsson í Gautaborg
Björn Viðar Ásbjörnsson, í Víking
Sævar Þór Gíslason í Selfoss
Hrafnkell Helgason verður frá mest af sumrinu vegna meiðsla
Jón Björgvin Hermannsson í Víking
Eyjólfur Héðinsson til GAIS
Bjarni Þórður Halldórsson í Víking á láni
Jens Elvar Sævarsson til Danmerkur