Lestu um leikinn: Keflavík 2 -  3 Stjarnan

„Mjög áhugaverður dómur! Svipað og það sem gerðist í Meistaradeildarleik milli Arsenal og Bayern Munchen á dögunum. Anna tekur markspyrnu til hliðar á Hönnuh sem stoppar þá boltann með hendinni. Keflvíkingarnir voru mættir inn í vítateiginn í pressuna þegar Hannah stoppar boltann með höndinni og biðja um víti. Þetta er mjög áhugavert og verður væntanlega fjallað um og lengi vel næstu daga," skrifaði Sölvi Haraldsson í textalýsingu frá leiknum.

Eins og Sölvi minnist á þá tók Gabriel, miðvörður Arsenal, boltann með hendi í fyrri leik liðsins gegn Bayern Munchen í Meistaradeildinni. Þá var ekki dæmd vítaspyrna.

Þau Anna María og Kristján Guðmundsson, þjálfari Stjörnunnar, ræddu atvikið í viðtölum eftir leik.

„Þetta er nánast bara 'one in a million'. Þetta gerist í rauninni ekki. Bara eitthvað samskiptaleysi og því fór sem fór,“ sagði Anna María.

„„Þetta er víti. Þetta er að koma fyrir víða um heim. Ég held að sökin liggi kannski fyrst og fremst hjá okkur (þjálfurunum) þegar við erum á æfingum þegar við erum að spila út frá markinu. Að við séum að leyfa leikmönnunum að koma við boltann með höndunum. Við bara bönnum það hér með," sagði Kristján.

Hannah svaraði svo sannarlega fyrir sig því hún skoraði í kjölfarið tvö mörk fyrir Stjörnuna og lagði upp það þriðja.

Atvikið í leiknum má sjá í spilaranum hér að neðan eftir 1:15 af myndandinu. Atvikið í Meistaradeidlinni má sjá þar fyrir neðan.

????| Gabriel Handball incident (Longer Video) pic.twitter.com/FfPhNrsUij

— Football Gossips (@FballGossips) April 9, 2024