„Við vorum komnar 2-1 yfir og þá vill maður halda þeirri forystu. Við fáum eitthvað skítamark á okkur úr horni en við verðum að virða þetta stig“ Sagði Eva Rut Ásþórsdóttir fyrirliði Fylkis eftir 2-2 jafntefli Fylkiskvenna við Víkinga á útvelli í nýliðaslag í Bestu deild kvenna.
Lestu um leikinn: Víkingur R. 2 - 2 Fylkir
Leikurinn var nokkuð kaflaskiptur og skiptust liðin á að ógna. Það voru þó Víkingar sem voru fyrri til að skora á 43.mínútu leiksins eftir að hafa misnotað vítaspynu fyrr í leiknum. Það tók þó ekki nema mínútu fyrir lið Fylkis að rétta hlut sinn og jafna leikinn. Alvöru karakter í liðinu?
„Geggjaður karakter að svara strax fyrir sig og Tinna geggjuð að verja þetta víti.“
Hálfleiksræða Gunnars þjálfara Fylkis hefur farið vel ofan í liðið en aðeins rétt rúm mínúta var liðin er liðið fékk vítaspyrnu sem Eva Rut skoraði úr og kom liðinu í forystu.
„Hann peppaði okkur í gang í hálfleik og við vorum allar tilbúnar í það að fara út og gera betur. Við fengum svo þetta víti eftir einhverja eina mínútu og það var geggjað.“
Fylkisliðið með tvö stig að loknum tveimur fyrstu umferðunum eftir tvö jafnfefli. Það stóð ekki á svörum hjá Evu þegar hún var spurð. Hvað þarf liðið að gera til að breyta þessum jafnteflum í sigra?
„Við þurfum bara að hætta að fá okkur mörk og skora fleiri. ég held að það sé bara nokkuð ljóst.“
Einfalt og gott svar það en allt viðtalið við Evu má sjá í spilaranum hér að ofan.
Athugasemdir