Þjóðsöngvar þjóðana óma og það styttist í að flautað verði til leiks!

Davíð Snorri Jónasson, þjálfari liðsins, gerir tvær breytingar frá 3-1 sigrinum á Hvíta-Rússlandi en Óli Valur Ómarsson og Sævar Atli Magnússon koma inn fyrir þá Birki Heimisson og Ísak Snæ Þorvaldsson.

Ísland þarf sigur í þessum leik til að eiga möguleika á að komast í umspil en þá þarf liðið einnig að treysta á að Portúgal vinni Grikkland.

Allir á völlinn að styðja strákana okkar!

Miðasala á leikinn er í fullum gangi á Tix.is og er fólk hvatt til að fjölmenna og hvetja þetta unga og efnilega íslenska lið til dáða. Ísland mætir liði Kýpur á Víkingsvelli.
Miðasöluna má finna hér

Leikurinn er í beinni útsendingu á Viaplay. Á forsíðu Viaplay á Íslandi eru upplýsingar um hvernig fólk horfir á leikina.

Hvað þarf að gerast til að eiga möguleika á lokakeppninni?

Alls eru níu riðlar í undankeppninni og fara liðin sem enda í 2. sæti síns riðils í umspil um hvaða lið fara að lokum í lokakeppnina. Öll liðin í 2. sæti, nema eitt, fara í þetta umspil. Það er þannig að liðið með besta árangurinn í 2. sæti í riðlunum níu fer beint á lokamótið.

Þar sem Grikkland er með tveggja stiga forskot þá þarf að treysta á að Grikkir tapi í sínum lokaleik. Lokaleikur Grikklands fer fram á sama tíma og Ísland mætir Kýpur og eru andstæðingar Grikkja topplið riðilsins, Portúgal. Portúgal er öruggt með toppsætið í riðlinum og þar með sæti á EM. Liðið hefur unnið alla sína leiki nema einn (jafntefli gegn Íslandi) til þessa í keppninni.

Grikkland er með betri árangur innbyrðis gegn Íslandi (sigur og jafntefli) sem þýðir að ef Grikkland fær eitt stig gegn Portúgal mun liðið enda fyrir ofan Ísland í riðlinum. Það er árangur úr innbyrðisviðureignum sem horft er í ef lið enda með jafnmörg stig.

Alls hefur Íslenska liðið skorað 20 mörk í undankeppninni og hafa mörkin dreifst svona:

Kristian Nökkvi Hlynsson - 5 Mörk
Brynjólfur Andersen Willumsson - 4 Mörk
Ísak Snær Þorvaldsson - 2 Mörk
Kristall Máni Ingason - 2 Mörk
Hákon Arnar Haraldsson - 2 Mörk
Atli Barkarson - 2 Mörk
Ágúst Eðvald Hlynsson - 1 Mark
Kolbeinn Þórðarson - 1 Mark
Viktor Örlygur Andrason - 1 Mark

Kristian Nökkvi Hlynsson hefur komið inn í U21 árs landsliðið með gríðarlegur krafti.

Það er hægt að segja að Kristian sé að spila upp fyrir sig því hann er fæddur árið 2004 og því bara 18 ára gamall.

Þessi gífurlega efnilegi miðjumaður er búinn að spila átta af níu leikjum fyrir U21 liðið í undankeppninni og hefur skorað í þeim fimm mörk. Hann er þá búinn að leggja upp fimm mörk ofan á það.

Þetta er stór leikur og maður vill fá sem flesta svo það verði sturluð stemning hérna. Ég býst við að allir leikmennirnir vilji spila þennan leik og ég er einn af þeim. Að sjálfsögðu vil ég spila," sagði Ísak.

Ísak segir að verkefnið sé búið að vera skemmtilegt. Liðsheildin, góð, leikirnir flottir og ég er spenntur að klára þetta með stæl."

Við verðum bara að stjórna því sem við getum stjórnað og hitt er í höndum Portúgal. Það er bara eins og það er. Við pælum bara í okkar leik... við gefum okkur alla í hann."

Ísak Snær: Ég vil fá að sjá þá aftur, þeir voru geggjaðir

Þetta er frábær staða, gæti verið betri ef við þyrftum ekki að treysta á Portúgalana. En frábær staða fyrir okkur og mikið undir í þessum leik. Við ætlum að elska þetta móment sem við höfum unnið okkur fyrir. Við vinnum nú hörðum höndum að því að vera klárir á morgun," segir Davíð Snorri.

Það er mikil orka, menn eru spenntir og það er fiðringur í maganum á mönnum. Allir vilja nýta þetta móment til að verða betri. Við ætlum að mæta og sækja þetta."

Davíð Snorri: Hrósa leikmönnum fyrir að taka því hlutverki sem þeim er rétt

Umspilsæti í boði!
Íslenska karlalandsliðið skipað leikmönnum 21 árs og yngri mætir Kýpur í lokaleik riðilsins í undankeppni Evrópumótsins á Víkingsvelli í kvöld.

Liðið er sem stendur í 3. sæti riðilsins með 15 stig, tveimur stigum á eftir Grikklandi.

Grikkland mætir Portúgal á sama tíma og Ísland leikur við Kýpur en Portúgal er í efsta sæti riðilsins með 25 stig og búið að tryggja sig inn á EM.

Ef Grikkland tapar og Ísland vinnur þá fer íslenska liðið í umspil.

Heil og sæl lesendur góðir og verið hjartanlega velkominn í þessa þráðbeinu textalýsingu frá leik Íslands og Kýpur í undankeppni EM U21 árs.