Man Utd ætlar að bjóða í Barkley - Varane og Casemiro aftur til Real?
ÍBV
1
0
Leiknir R.
Arnar Breki Gunnarsson '87 1-0
29.10.2022  -  13:00
Hásteinsvöllur
Besta-deild karla - Neðri hluti
Dómari: Arnar Ingi Ingvarsson
Maður leiksins: Arnar Breki Gunnarsson
Byrjunarlið:
1. Jón Kristinn Elíasson (m)
0. Halldór Jón Sigurður Þórðarson
2. Sigurður Arnar Magnússon
3. Felix Örn Friðriksson
5. Jón Ingason (f) ('85)
7. Guðjón Ernir Hrafnkelsson
8. Telmo Castanheira ('65)
14. Arnar Breki Gunnarsson
23. Eiður Aron Sigurbjörnsson
25. Alex Freyr Hilmarsson
42. Elvis Bwomono ('70)

Varamenn:
6. Kundai Benyu
9. Sito
11. Sigurður Grétar Benónýsson
19. Breki Ómarsson ('70)
22. Atli Hrafn Andrason ('65)
24. Óskar Elías Zoega Óskarsson ('85)
27. Óskar Dagur Jónasson

Liðsstjórn:
Hermann Hreiðarsson (Þ)
Guðjón Orri Sigurjónsson
Gunnar Heiðar Þorvaldsson
Björgvin Eyjólfsson
Andri Rúnar Bjarnason
Elías Árni Jónsson

Gul spjöld:
Sigurður Arnar Magnússon ('31)

Rauð spjöld:
Leik lokið!
ÍBV vinnur!
93. mín
Stefnir í að ÍBV endi í 8. sæti deildarinnar.
91. mín
Fjórum mínútum bætt við.
88. mín
Jón Hrafn með skot sem Jón Kristinn ver.
87. mín MARK!
Arnar Breki Gunnarsson (ÍBV)
Stoðsending: Breki Ómarsson
ÞAÐ ER KOMIÐ MARK!

Markspyrna, Arnar Breki vinnur skalleinvígið og boltinn hrekkur svo til hans í kjölfarið. Hann á svo skot sem fer framhjá Viktori og í netið.

Breki var í baráttunni þegar boltinn hrökk inn fyrir á Arnar og hann fær stoðsendinguna.
86. mín
Breki í færi eftir langt innkast en nær ekki að koma boltanum á markið.
85. mín
Inn:Óskar Elías Zoega Óskarsson (ÍBV) Út:Jón Ingason (ÍBV)
Jón haltrar af velli. Eitthvað hnjask.
84. mín
Alex Freyr með skot fyrir utan teig sem Viktor ver til hliðar. Gott skot frá Alex.
81. mín
Jón Hrafn með skot sem fer tiltölulega beint á Jón Kristin sem ver og svo er dæmd rangstaða á gestina.
81. mín
Inn:Davíð Júlían Jónsson (Leiknir R.) Út:Sindri Björnsson (Leiknir R.)
81. mín
Inn:Róbert Quental Árnason (Leiknir R.) Út:Mikkel Jakobsen (Leiknir R.)
81. mín
Inn:Daði Bærings Halldórsson (Leiknir R.) Út:Hjalti Sigurðsson (Leiknir R.)
75. mín
Alex Freyr með skot úr vítateignum, upplagt marktækifæri en skotið fer hátt yfir!
73. mín
Jón Kristinn!
Jón Hrafn með gott skot úr vítateig ÍBV en Jón Kristinn sér við honum.
72. mín
Dauðafæri!

Arnar Breki í góðu færi, á skot sem Viktor ver til hliðar. Halldór Jón nær frákastinu, á skot en Dagur bjargar á línu.
70. mín
Inn:Breki Ómarsson (ÍBV) Út:Elvis Bwomono (ÍBV)
Elvis fer af velli vegna meiðsla.
69. mín
Inn:Jón Hrafn Barkarson (Leiknir R.) Út:Róbert Hauksson (Leiknir R.)
69. mín
Inn:Shkelzen Veseli (Leiknir R.) Út:Emil Berger (Leiknir R.)
65. mín Gult spjald: Emil Berger (Leiknir R.)
Braut á Elvis.
65. mín
Inn:Atli Hrafn Andrason (ÍBV) Út:Telmo Castanheira (ÍBV)
62. mín
Jón Ingason með fyrirgjöf sem Brynjar Hlöðvers skallar í átt að eigin marki en Viktor Freyr er vel á verði og grípur boltann.
52. mín Gult spjald: Róbert Hauksson (Leiknir R.)
Braut á Telmo.
52. mín
Arnar Breki með laglega takta og reynir skot vinstra megin úr teignum. Skotið fer rétt framhjá marki Leiknis.
48. mín
Leiknir spilar með vindi í seinni hálfleik.
46. mín
Seinni hálfleikur hafinn

Leiknir byrjar með boltann. Engar sjáanlegar breytingar á liðunum.
45. mín
Hálfleikur
Markalaust í hálfleik.
45. mín
45+1

Boltinn endar í höndum Jóns Kristins, hann þrumar fram og boltinn í hlaupið hjá Halldóri Jóni sem kemst inn á teig og á skot sem Viktor Freyr ver.

Einni mínútu bætt við fyrri hálfleikinn.
45. mín
Leiknir fær sína fyrstu hornspyrnu í leiknum.
39. mín
Alex Freyr með skot fyrir utan teig sem fer rétt yfir mark Leiknis.
33. mín
Löng sending frá Eiði Aroni inn fyrir á Halldór Jón sem kemur boltanum yfir Viktor sem kemur út úr marki Leiknis. Halldór liggur eftir en ekkert er dæmt. Boltinn fór yfir Viktor og yfir mark Leiknis.
31. mín Gult spjald: Sigurður Arnar Magnússon (ÍBV)
Braut á Hjalta á miðjum vallarhelmingi ÍBV.
30. mín
Jón Ingason með hörkuskot fyrir utan teig en boltinn endar í fanginu á Viktori í marki Leiknis.

Felix skömmu síðar með fast skot framhjá úr þröngu færi inn á vítateig Leiknis.
26. mín Gult spjald: Bjarki Aðalsteinsson (Leiknir R.)
Braut núna á Arnari Breka. Var búinn að fá tiltal.
20. mín
Bjarki og Guðjón fengið tiltal frá Arnari dómara og ÍBV fengið fjórar hornspyrnur.

Þetta er svona það helsta fyrstu 20 mínúturnar.
15. mín
ÍBV spilar með vindi í fyrri hálfleik.
8. mín
Eyjamenn fengið tvær aukaspyrnur á vallarhelmingi Leiknis og tvær hornspyrnur. Engin svakaleg hætta úr þeim stöðum.
6. mín
Uppstilling Leiknis:
Viktor
Adam - Bjarki - Brynjar - Dagur
Emil - Sindri
Róbert - Hjalti - Mikkel
Zean
4. mín
Uppstilling ÍBV:
Jón Kristinn
Elvis - Eiður - Jón Ingason
Guðjón - Sigurður - Telmo - Felix
Alex
Halldór - Arnar
1. mín
Leikur hafinn
ÍBV byrjar með boltann.
Fyrir leik
Kveðja Breiðhyltingar með sæmd?
Leiknir var ekki í fallsæti fyrir tvískiptingu deildarinnar en 'ofsalegur október' hefur verið liðinu martröð, 1-7 tap gegn Keflavík var ákveðinn botn og liðið er fallið. Það kveður Bestu deildina í Vestmanneyjum í dag og spurning hvort þar komi fyrsti og eini sigur Breiðhyltinga í október?
Fyrir leik
Fá ungu strákarnir tækifæri?
Hjá ÍBV er Óskar Dagur Jónasson á bekknum. Óskar er fæddur árið 2005, kom frá Fjölni í glugganum og hefur komið við sögu í einum leik með ÍBV.

Hjá Leikni eru þeir Jón Hrafn Bakarson (2003), Róbert Quental Árnason (2005), Skhelzen Veseli (2004) og Davíð Júlían Jónsson (2004) á bekknum.
Fyrir leik
Dómarateymið
Arnar Ingi Ingvarsson er með flautuna í leiknum í dag. Hann er að dæma sinn fyrsta heila leik í efstu deild. Hann hefur áður dæmt í deildinni, kom þá inn sem varadómari eftir meiðsli annars dómara eftir að leikur hófst.

Honum til aðstoðar eru þeir Kristján Már Ólafs og Eysteinn Hrafnkelsson. Aðalbjörn Heiðar Þorsteinsson er skiltadómari og Halldór Breiðfjörð Jóhannsson er eftirlitsmaður KSÍ.
Arnar Ingi
Fyrir leik
Byrjunarliðin:
Hermann Hreiðarsson, þjálfari ÍBV, gerir eina breytingu frá tapinu gegn Fram í síðustu umferð. Atli Hrafn Andrason tekur sér sæti á bekknum og inn í liðið kemur Arnar Breki Gunnarsson. Andri Rúnar Bjarnason er ekki í leikmannahópi liðsins.

Sigurður Heiðar Höskuldsson, í sínum lokaleik sem þjálfari Leiknis, gerir þrjár breytingar frá síðustu umferð. Daði Bærings Halldórsson og Davíð Júlían Jónsson taka sér sæti á bekknum og þá er Gyrðir Hrafn Guðbrandsson ekki í hóp. Inn í liðið koma þeir Róbert Hauksson, Dagur Austmann og Sindri Björnsson.
Fyrir leik
Nokkrir að verða samningslausir hjá liðunum
Hér eru þeir leikmenn liðanna sem eru að renna út á samningi eftir tímabilið:

Leiknir
Brynjar Hlöðvers 1989 31.12.2022
Bjarki Aðalsteinsson 1991 31.12.2022
Gyrðir Hrafn Guðbrandsson 1999 31.12.2022
Dagur Austmann Hilmarsson 1998 31.12.2022
Loftur Páll Eiríksson 1992 31.12.2022
Atli Jónasson 1988 16.10.2022
Róbert Vattnes 2001 31.12.2022
Bjarki Arnaldarson 2003 31.12.2022
Birgir Baldvinsson 2001 (lánsmaður frá KA) er samningslaus eftir tímabilið.
Adam Örn Arnarson 1995 lánsmaður frá Breiðabliki er einnig að renna út á samningi.

ÍBV
Sito 1989 31.12.2022
Telmo Castanheira 1992 31.12.2022
Atli Hrafn Andrason 1999 16.10.2022
Sigurður Arnar Magnússon 1999 31.10.2022
Breki Ómarsson 1998 31.12.2022
Sigurður Grétar Benónýsson 1996 31.12.2022
Nökkvi Már Nökkvason 2000 31.12.2022
Jón Kristinn Elíasson 2001 31.12.2022
Jón Ingason 1995 16.10.2022
Líklegt að Jón Ingason framlengi í Eyjum
Fyrir leik
Tveir í æfingahóp U21 landsliðsins
Bæði félög eiga einn fulltrúa í æfingahópi U21 landsliðsins sem kemur saman í nóvember.

Andi Hoti, Leiknismaður sem lék á láni hjá Aftureldingu í sumar, er í hópnum sem og Arnar Breki Gunnarsson - Tasmaníudjöfullinn - hjá ÍBV.
Tasmaníudjöfullinn
Fyrir leik
Jeppakallinn spáir heimasigri
Skagamaðurinn Bjarki Viðarsson - Jeppakall 69 dopermann rakki á Twitter - spáir í leiki umferðarinnar. Jeppakallinn er léttur á því og hér má sjá spána hans:

ÍBV 3 - 0 Leikni
Hreiðar Hermanns búinn að sýna að það er hægt að fara í Herjólf án þess að vera búinn að drulla upp á bak. ÍBV heitir, Leiknir kaldir.

Verða 3 sjómenn fastir út á Atlantshafi sem kannski taka þennan leik í beinni.
Fyrir leik
Einn í banni
Einn leikmaður tekur út leikbann í dag. Það er Árni Elvar Árnason hjá Leikni vegna uppsafnaðra áminninga.
Fyrir leik
Lokaleikur besta þjálfarans í sögu félagsins
Sigurður Heiðar Höskuldsson er að stýra liði Leiknis í síðasta sinn í dag. Siggi er að fara taka við sem aðstoðarmaður Arnars Grétarssonar hjá Val.

Ég held það megi vel segja að Siggi sé besti þjálfari í sögu Leiknis, kom liðinu upp í efstu deild í annað sinn í sögu félagsins og varð í fyrra fyrsti þjálfarinn til að halda liðinu uppi í efstu deild. Eins og segir í færslunni hér að neðan er Ejub Purisevic talinn líklegastur til að taka við hjá Leikni.

,,Það var ekki markmiðið að fara úr deildinni en þegar á botninn er hvolft þá vorum við bara ekki nógu góðir í sumar og það er mjög sárt að hafa ekki náð að stýra liðinu betur en það að liðið sé að falla hérna í næst síðustu umferð. Við gerðum of mikið af mistökum og vorum bara heilt yfir ekki nógu góðir í sumar til þess að halda sætinu í deildinni. Mikið af áföllum og annað slíkt sem að gerði það að verkum að við náðum aldrei neinum alvöru takt í leiknum okkar og þess vegna erum við fallnir," sagði Siggi í viðtali við Fótbolta.net eftir tapið gegn Keflavík í síðustu umferð.

Fyrir leik
Það helsta í slúðrinu tengt þessum liðum
Í vikunni var birtur slúðurpakki. Skoðum hvað var skrifað um þessi lið.

Íslenskur slúðurpakki

Leiknir
Ejub Purisevic er líklegastur til að taka við í Breiðholtinu. Emil Berger er á óskalista hjá félögum í Bestu deildinni. Óvíst er hvort Birgir Baldvinsson verði áfram í Leikni en hann er búinn að nýta sér uppsagnarákvæði í samningi sínum hjá KA. Hann hefur verið á láni hjá Leikni frá KA síðustu ár. Möguleiki er á að Binni Hlöðvers og Óttar Bjarni Guðmundsson leggi skóna á hilluna. Líklegt er að allir dönsku leikmennirnir hverfi á braut.

ÍBV
Ólafur Karl Finsen er orðaður við Vestmannaeyinga eftir að hafa rift samningi sínum við Stjörnuna. Magnús Þórðarson gæti komið. Þórarinn Ingi Valdimarsson er einnig orðaður við heimahagana. Atli Hrafn Andrason og Sito verða ekki áfram, en félagið ætlar sér að endursemja við Jón Ingason, Sigurður Arnar Magnússon og Telmo Castanheira.

Hemmi verður að öllum líkindum áfram hjá ÍBV en hver verður aðstoðarþjálfari hans? Gunnar Heiðar Þorvaldsson hefur aðstoðað hann í síðustu leikjum.
Snýr Þórarinn heim til Eyja?
Fyrir leik
Undirritaður valdi í Innkastinu þá leikmenn liðanna sem hafa verið bestir í sumar og þá leikmenn sem hafa valdið mestu vonbrigðunum.

Valdi besta mann og mestu vonbrigði hvers liðs í Bestu deildinni

ÍBV
Bestur: Eiður Aron Sigurbjörnsson
Vonbrigðin: Guðjón Pétur Lýðsson

Leiknir
Bestur: Emil Berger
Aðrir nefndir: Viktor Freyr Sigurðsson, Birgir Baldvinsson.
Vonbrigðin: Maciej Makuszewski
Aðrir nefndir: Mikkel Dahl
Maciej náði ekki að sýna nægilega mikið
Fyrir leik
Fjórir af þeim tíu sem hafa spilað mest í sumar
Hjá liðum þessara liða eru fjórir leikmenn sem eru á meðal tíu mínútuhæstu leikmanna sumarsins í Bestu deildinni. Það eru þeir Viktor Freyr Sigurðsson hjá Leikni og Eiður Aron Sigurbjörnsson, Alex Freyr Hilmarsson og Guðjón Ernir Hrafnkelsson hjá ÍBV.

1. Ólafur Íshólm Ólafsson (Fram) - 2511
2. Anton Ari Einarsson (Breiðablik) - 2501
3. Höskuldur Gunnlaugsson (Breiðablik) - 2480
4. Haraldur Björnsson (Stjarnan) - 2450
5. Eiður Aron Sigurbjörnsson (ÍBV) - 2412
6. Dani Hatakka (Keflavík) - 2409
7. Viktor Freyr Sigurðsson (Leiknir R.) - 2409
8. Alex Freyr Hilmarsson (ÍBV) - 2386
9. Guðjón Ernir Hrafnkelsson (ÍBV) - 2384
10. Ívar Örn Árnason (KA) - 2358
Fyrir leik
Ekkert undir
Leiknir féll úr Bestu deildinni í síðustu umferð þegar liðið tapaði gegn Keflavík. Liðið er í botnsætinu og getur í besta falli endað í 11. sæti deildarinnar.

ÍBV er í 9. sæti, getur ekki endað neðar og getur hæst endað í 8. sæti.
Fyrir leik
Góðan daginn lesendur góðir og veriði velkomnir í beina textalýsingu frá leik ÍBV og Leiknis í lokaumferð Bestu deildarinnar. Í þessari textalýsingu verður stuðst við sjónvarpsútsendingu Stöð 2 Sport frá leiknum.

Leikurinn hefst eins og aðrir leikir umferðarinanr klukkan 13:00.
Byrjunarlið:
1. Viktor Freyr Sigurðsson (m)
4. Bjarki Aðalsteinsson (f)
7. Adam Örn Arnarson
9. Róbert Hauksson ('69)
11. Brynjar Hlöðvers
18. Emil Berger ('69)
20. Hjalti Sigurðsson ('81)
23. Dagur Austmann
28. Zean Dalügge
80. Mikkel Jakobsen ('81)
88. Sindri Björnsson ('81)

Varamenn:
5. Daði Bærings Halldórsson ('81)
10. Kristófer Konráðsson
19. Jón Hrafn Barkarson ('69)
21. Shkelzen Veseli ('69)
30. Davíð Júlían Jónsson ('81)
45. Róbert Quental Árnason ('81)

Liðsstjórn:
Vigfús Arnar Jósepsson (Þ)
Sigurður Heiðar Höskuldsson (Þ)
Valur Gunnarsson
Þórir Þórisson
Davíð Örn Aðalsteinsson
Halldór Geir Heiðarsson
Atli Jónasson

Gul spjöld:
Bjarki Aðalsteinsson ('26)
Róbert Hauksson ('52)
Emil Berger ('65)

Rauð spjöld: