Liðin að ganga inná völlinn

Það er að styttast í þetta Liðin farin inn eftir upphitun

Í beinni á Youtube

Fylgist með: Stefán Þór Ágústsson

Ungur og gríðarlega spennandi markvörður sem hefur fengið traustið hjá Selfossi síðustu ár og fer sífellt vaxandi. Það hefur vantað stöðugleika en gæti orðið algjör lykilmaður hjá Selfossi í sumar ef hann helst meiðslalaus, en meiðsli hafa verið að plaga hann í vetur. Lið úr efstu deild hafa verið að fylgjast með honum að undanförnu.

Rasmus kemur inn með reynslu og karakter

Varnarmaðurinn Rasmus Christiansen ákvað að ganga í raðir Aftureldingar frá Val í Mosfellsbæ.

„Rasmus hefur reynst okkur frábærlega innan sem utan vallar. Hann kemur með mikla reynslu og gríðarlegan karakter og það gefur okkur mikið. Auk hans þá höfum við fengið marga öfluga karaktera inn í hópinn frá síðasta tímabili. Það hefur lyft fagmennskunni hjá okkur ennþá meira upp og mun hjálpa okkur í baráttunni í sumar," segir Magnús Már, þjálfari Aftureldingar.

Dean Martin, þjálfari Selfyssinga:

Mér finnst tímabilið sem framundan er vera mjög spennandi," segir Dean Martin, þjálfari Selfoss, í samtali við Fótbolta.net en liðinu hans er spáð tíunda sæti í Lengjudeildinni í sumar.

„Síðasta tímabil byrjaði mjög vel hjá okkur. Sjálfstraustið var mjög gott í hópnum. Við vorum á toppnum eftir fyrstu níu leikina. Svo lentum við í meiðslum og leikmenn fóru í bann. Við þurftum að fá unga leikmenn í liðið sem voru með litla sem enga reynslu í þessari deild. Það var erfitt en við lærðum af því. Við spiluðum mörgum ungum leikmönnum sem eru núna orðnir reynslunni ríkari. Það mun hjálpa okkur á þessu tímabili."

Gary Martin var fyrirliði Selfoss á síðustu leiktíð en Guðmundur Tyrfingsson verður fyrirliði í ár.

„Við breyttum um fyrirliða. Við erum alltaf að tala um að ungu leikmennirnir þurfi að taka ábyrgð. Þetta er góður tími til að gefa einum af þessum ungu leikmönnum tækifæri til að leiða félagið okkar. Guðmundur er mikilsvirtur innan félagsins, hann leggur mikið á sig og er alltaf tilbúinn að leggja sitt af mörkum. Hann er vel liðinn í klefanum líka."

Lestu viðtalið við Dean Martin í heild sinni

Magnús Már, þjálfari Aftureldingar:
„Það er mikil spenna fyrir tímabilinu, bæði hjá strákunum í liðinu og öllum þeim sem standa í kringum liðið," segir Magnús Már Einarsson, þjálfari Aftureldingar, í samtali við Fótbolta.net.

„Afturelding hefur náð að festa sig í sessi í Lengjudeildinni undanfarin ár og bæta árangurinn jafnt og þétt. Síðasta tímabil var mjög kaflaskipt. Það gekk illa að ná í stig til að byrja með en um mitt sumar var liðið á mjög miklu flugi og við sýndum að við getum staðist öllum liðum í deildinni snúning."

„Ég býst við gríðarlegra jafnri deild. Nýliðarnir sem eru að koma upp eru öflugri en oft áður og það eru mörg lið sem ætla sér stóra hluti í sumar. Ég reikna með mjög spennandi og skemmtilegri deild í sumar og vonandi verður boðið upp á góðan fótbolta fyrir áhorfendur. Í fyrra var spennan í deildinni lítil undir lok móts en ég er viss um það að hún verði miklu meiri í ár."

Lestu viðtalið við Magnús Má í heild sinni

Spáin Spáin fyrir Lengjudeildina var opinberuð í útvarpsþætti Fótbolta.net snemma fyrir mót og þar er ÍA spáð titlinum en í umspilssætunum eru Grindavík, Leiknir, Fjölnir og Vestri. Selfossi er spáð 10. sæti rétt fyrir ofan fall sætin en Aftureldingu er spáð 6. sæti og rétt missa af umspilssætunum á eftir Vestri. Ægi og Þrótt eru spáð fallinu þar sem Ægir er í neðsta sæti og Þróttur þar fyrir ofan í 11. sæti.

Afturelding Afturelding lenti í 8. sæti á síðasta tímabili með jafnmörg stig og Selfoss en voru ofar með betri markatölu



Smelltu hér til að lesa umfjöllun um Aftureldingarliðið

Selfoss Selfoss lenti í 9 sæti á síðasta tímabili en eftir að hafa fengið nokkra leikmenn til sín vonast þeir eftir betra tímabili í ár



Smelltu hér til að lesa umfjöllun um Selfoss

Fyrsta umferð Lengjudeild karla! Fyrsta umferð Lengjudeild karla hefst með nokkrum leikjum meðal annars Selfoss-Aftureldingu þar sem verður spilað á gervigrasinu á Selfossi.