Maguire á óskalistum í Sádi-Arabíu - Liverpool horfir til Olise - Guehi eftirsóttur og Liverpool gæti reynt aftur í janúar
sunnudagur 7. september
Besta-deild kvenna
föstudagur 5. september
Undankeppni HM
laugardagur 30. ágúst
Besta-deild kvenna
Forkeppni Meistaradeildarinnar
Lengjudeild karla
Lengjudeild kvenna
Besta-deild kvenna
Lengjudeild karla
miðvikudagur 27. ágúst
Forkeppni Meistaradeildarinnar
mánudagur 25. ágúst
föstudagur 22. ágúst
Besta-deild kvenna
Mjólkurbikar úrslit
mánudagur 18. ágúst
Besta-deild karla
laugardagur 16. ágúst
Mjólkurbikar kvenna
fimmtudagur 14. ágúst
Besta-deild kvenna
Forkeppni Evrópudeildarinnar
Forkeppni Sambandsdeildarinnar
mánudagur 11. ágúst
Besta-deild karla
laugardagur 9. ágúst
Lengjudeild karla
Besta-deild kvenna
fimmtudagur 7. ágúst
Lengjudeild kvenna
Forkeppni Sambandsdeildarinnar
Besta-deild kvenna
laugardagur 6. september
Engin úrslit úr leikjum í dag
mán 01.maí 2023 21:00 Mynd: Fótbolti.net - Jónína Guðjörg Guðbjartsdóttir
Magazine image

Spá þjálfara og fyrirliða fyrir Lengjudeildina: 6. sæti

Fótbolti.net kynnir liðin sem leika í Lengjudeildinni í sumar eitt af öðru eftir því hvar þeim er spáð. Við fengum alla fyrirliða og þjálfara í deildinni til að spá fyrir sumarið og fengu liðin stig frá 1-11 eftir því en ekki var hægt að spá fyrir sínu eigin liði.

Spáin:
1. ?
2. ?
3. ?
4. ?
5. ?
6. Afturelding, 151 stig
7. Vestri, 135 stig
8. Þór, 98 stig
9. Njarðvík, 79 stig
10. Selfoss, 70 stig
11. Þróttur R., 58 stig
12. Ægir, 27 stig

6. Afturelding
Afturelding getur kaffært öllum liðum þegar kemur að því að halda boltanum, spurningin er bara hvort Mosfellingar nái að breyta yfirburðum sínum úti á velli í nægilega mörg færi til þess að skora mörk og klára leiki. Þeir ættu klárlega að geta það, eru me gæðaleikmenn innanborðs til þess að brjóta niður varnir andstæðinga, en þeir þurfa þá líka að gera það. Boltinn er hjá þeim sjálfum með það.



Þjálfarinn: Magnús Már Einarsson er að fara inn í sitt fjórða tímabil með uppeldisfélagið, það þriðja sem aðalþjálfari. Magnús er í flokki með yngri þjálfurunum í boltanum og er spennandi að fylgjast með því hvort liðið taki næsta skref undir hans stjórn. Hann hefur verið þekktur fyrir að sækja liðsstyrk til Spánar en ætlar að láta það vera í ár.



Styrkleikar: Líklegast besta lið deildarinnar milli teiganna, geta spilað reitarbolta út um nánast allan völl og haldið boltanum innan liðsins heilu leikina ef þeir vilja. Þeir eru með marga gæðamikla leikmenn og þjálfarinn hefur sannað sig sem einn mest spennandi þjálfari landsins. Hafa einnig bætt við sig gæðamiklum leikmönnum sem fá það hlutverk að færa þetta spennandi verkefni Mosfellinga skrefinu lengra og reyna að komast upp í gegnum úrslitakeppnina.


Rasmus er mikill leiðtogi í vörninni

Veikleikar: Hafa ekki verið nógu sterkir í teigunum hvort sem það er sóknarlega eða varnarlega. Það gerir ekki mikið fyrir Aftureldingu að slátra öllum tölfræðiþáttum sendingalega og þess háttar en tapa svo kannski 3-1, eins og var stundum að koma fyrir hjá þeim í fyrra og var líka að gerast í vetur.

Lykilmenn: Varnarmaðurinn og reynsluboltinn Rasmus Christiansen er kominn frá Val, Ásgeir Marteinsson er kominn frá HK og á seiðkarlinn að búa til færi fyrir Arnór Gauta Ragnarsson sem kominn er til baka frá Noregi.


Arnór Gauti kominn aftur

Fylgist með: Bjartur Bjarmi, strákur sem Afturelding sótti frá Víkingi Ólafsvík. Duglegur og vel spilandi miðjumaður sem hefur komið vel inn í liðið.


BBB kominn frá Ólafsvík

Komnir
Andri Freyr Jónasson frá Fjölni
Arnór Gauti Ragnarsson frá Hönefoss
Ásgeir Marteinsson frá HK
Bjarni Páll Linnet Runólfsson frá HK
Bjartur Bjarmi Barkarson frá Víkingi Ólafsvík
Hjörvar Sigurgeirsson frá Hetti/Hugin
Oliver Jensen á láni frá Randers
Patrekur Orri Guðjónsson frá Hvíta riddaranum (var á láni)
Rasmus Christiansen frá Val
Yevgen Galchuk frá Úkraínu


Galchuk ver mark Mosfellinga í sumar

Farnir
Andi Hoti í Leikni (var á láni)
Gísli Martin Sigurðsson í Njarðvík
Hallur Flosason hættur (var á láni frá ÍA)
Javi Ontiveros
Jordan Tyler í Ægi
Marciano Aziz í HK (var á láni frá Belgíu)
Pedro Vazquez til Spánar
Sigurður Gísli Bond Snorrason í KFK
Sigurður Kristján Friðriksson í Hvíta riddarann
Ýmir Halldórsson í Breiðablik (var á láni)

Líklegt byrjunarlið


Fyrstu þrír leikir Aftureldingar:
5. maí, Selfoss - Afturelding (JÁVERK-völlurinn)
12. maí, Afturelding - Þór (Framvöllur)
21. maí, ÍA - Afturelding (Norðurálsvöllurinn)
Athugasemdir