Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
KR
0
1
Breiðablik
0-1 Gísli Eyjólfsson '82
13.05.2023  -  16:00
Meistaravellir
Besta-deild karla
Aðstæður: Hellirigning og völlurinn lítur ekki vel út.
Dómari: Erlendur Eiríksson
Maður leiksins: Oliver Sigurjónsson
Byrjunarlið:
1. Simen Lillevik Kjellevold (m)
4. Jóhannes Kristinn Bjarnason
5. Jakob Franz Pálsson
7. Finnur Tómas Pálmason
8. Olav Öby
10. Kristján Flóki Finnbogason
11. Kennie Chopart (f)
14. Ægir Jarl Jónasson (f)
19. Kristinn Jónsson
23. Atli Sigurjónsson
33. Sigurður Bjartur Hallsson ('79)

Varamenn:
13. Aron Snær Friðriksson (m)
6. Grétar Snær Gunnarsson
11. Benoný Breki Andrésson ('79)
15. Lúkas Magni Magnason
17. Luke Rae
19. Hrafn Tómasson
30. Rúrik Gunnarsson

Liðsstjórn:
Rúnar Kristinsson (Þ)
Valgeir Viðarsson
Kristján Finnbogi Finnbogason
Friðgeir Bergsteinsson
Sigurður Jón Ásbergsson
Melkorka Rán Hafliðadóttir
Ole Martin Nesselquist

Gul spjöld:
Kennie Chopart ('32)
Olav Öby ('45)
Atli Sigurjónsson ('53)
Ægir Jarl Jónasson ('58)
Kristján Flóki Finnbogason ('69)

Rauð spjöld:
Leik lokið!
Breiðablik vinnur sinn fjórða leik í röð! KR lét Íslandsmeistarana svo sannarlega hafa fyrir hlutunum í dag, en það hafðist hjá gestunum úr Kópavogi!
93. mín
Jason Daði vinnur aukaspyrnu.

Stefnir í fimmta tap KR í röð og fimmta leikinn án marks!
93. mín
Eitthvað bras á Blikum og Damir þrumar í innkast.
91. mín
Þremur mínútum bætt við
89. mín
Blikar kalla eftir spjaldi á Finn Tómas fyrir að rífa Klæmint niður. Lykt allavega af spjaldi.
88. mín
Inn:Davíð Ingvarsson (Breiðablik) Út:Arnór Sveinn Aðalsteinsson (Breiðablik)
Síðasta skipting Blika.
87. mín
Breiðablik á aukaspyrnu úti á hægri vængnum. Simen liggur eitthvað eftir og KRingar nýta tækifærið til að funda úti við hliðarlínu með þjálfurunum.
85. mín
Viktor Örn með langskot sem fer langt framhjá marki KR.
82. mín MARK!
Gísli Eyjólfsson (Breiðablik)
Stoðsending: Höskuldur Gunnlaugsson
MAAARK! Algjörlega geeeegggggjaaaað mark!!!!

Frábær sprettur úti hægra megin og inn á miðjuna hjá Jasoni Daða. Hann svo finnur Höskuld sem á sendingu inn á Klæmint sem finnur Gísla sem sendir á Höskuld sem færir boltann aftur á Gísla í hlaupinu, Gísli á svo frábært skot í fjærhornið með vinstri. Geðveikt skot og geggjuð sókn.

Smá spurningarmerki á varnarleik KR í þessu marki, kannski aðallega á Jóhannes Kristinn sem fer ekki alla leið í návígið við Gísla þegar hann lét vaða.
79. mín
Inn:Benoný Breki Andrésson (KR) Út:Sigurður Bjartur Hallsson (KR)
Fyrsta skipting KR.

,,Hann kom frá Bologna, og hann hatar Val" syngja KRingar.
78. mín
Fínasti kafli hjá heimamönnum, en ekkert dauðafæri þannig.
77. mín
Olav Öby reynir skot en það fer yfir mark Breiðabliks. Anton Ari lítið stressaður yfir þessu.
75. mín
Olav vinnur aukaspyrnu við vítateig Breiðabliks. Þetta er séns!
74. mín
Klæmint dæmdur rangstæður í kjölfar hornspyrnunnar.
73. mín
Kristinn Jónsson tæklar í boltann en vill meina að boltinn hafi farið af Jasoni og aftur fyrir. Hornspyrna samt dæmd.

10-2 í hornspyrnum talið.
71. mín
Inn:Klæmint Olsen (Breiðablik) Út:Stefán Ingi Sigurðarson (Breiðablik)
Kópavogur gerir breytingu segir vallarþulurinn.
71. mín
Höskuldur vinnur hornspyrnu fyrir Blika.

Spyrnan tekin stutt, Höskuldur á Jason sem gefur á Oliver sem lætur vaða. Skotið hátt yfir.
69. mín Gult spjald: Kristján Flóki Finnbogason (KR)
Braut á Ágústi Hlynssyni á sprettinum.

Finnst Erlendur hafa dæmt þetta vel til þessa!
68. mín
Núna flautar Erlendur brot á KRinga og þeir eru ekki sáttir. Sigurður Bjartur fór aðeins í Arnór Svein.
67. mín
Kiddi leikur á Jason Daða en kemst ekki framhjá Arnóri sem ýtir aðeins í sinn fyrrum liðsfélaga. Ekkert dæmt, smá lykt en þurfti ekkert endilega að vera flaut.
67. mín
Blikar fá aukaspyrnu úti hægra megin.

Oliver tekur spyrnuna en boltinn fer beint í hendurnar á Simen. Ekki góð spyrna.
66. mín
Jason með skemmtilegan sprett en missir boltann að lokum of langt frá sér og Finnur kemst í boltann.
64. mín
Kristinn Jónsson stígur inn í Arnór Svein sem fellur niður og Erlendur dæmir aukaspyrnu. Blikar vildu fá hagnað þar sem þeir héldu boltanum.
64. mín
Jason Daði með fyrirgjöf sem Finnur Tómas hreinsar í innkast.
61. mín
Inn:Alexander Helgi Sigurðarson (Breiðablik) Út:Andri Rafn Yeoman (Breiðablik)
Höskuldur joggar út í vinstri bakvörðinn. Alexander kemur inn á miðsvæðið.
60. mín
Alexander Helgi gerir sig líklegan til að koma inn á.
59. mín
Það hættir ekkert að rigna í vesturbænum. Úrhelli.
58. mín Gult spjald: Ægir Jarl Jónasson (KR)
Reif í Gísla á sprettinum. Hárrétt spjald.
57. mín
Kennie missir fótana á vellinum og Blikar í álitlegri stöðu í skyndisókn, Andri Rafn rennur svo líka aðeins þannig KRingar fá ekki árás á sig.
55. mín
Andri Rafn reynir skot en það fer vel framhjá. Atli fer í hann í skotinu og Andri liggur aðeins eftir. Atli þarf að passa sig en það var svo sem ekki mikið í þessu staka atviki fannst mér.
53. mín Gult spjald: Atli Sigurjónsson (KR)
Renndi sér og tók Andra Rafn niður.
49. mín
Færi! Vel spilað hjá KR, komast einhvern veginn upp að endalínu vinstra megin, Kristinn reynir að finna nafna sinn Jóhannes á fjærstönginni og tekst það. Jóhannes kemst í boltann en boltinn fer af honum og fór framhjá marki Blika.
47. mín
Höskuldur gerir vel úti hægra megin, kemur boltanum áfram á Gísla sem lætur vaða en skotið fer talsvert framhjá marki KR.
46. mín
Jason Daði vinnur aukaspyrnu við vítateig KR. Sigurður Bjartur ekki sáttur við að brotið var dæmt.

Finnur Tómas skallar fyrirgjöfina frá Oliver í burtu.
46. mín
Blikar byrja seinni háflleikinn Engar breytingar sjáanlegar.
45. mín
Hafliði Breiðfjörð með myndavélina á lofti

45. mín
Myndir úr fyrri hálfleik
Mesta umræðan er um völlinn enda ekkert að gerast í leiknum
45. mín
Hálfleikur
Nokkuð leiðinlegum hálfleik lokið Gæti eflaust notað sterkara orð, bókstaflega ekkert að frétta.
45. mín
Ein í uppbót 45+1

Einni mínútu bætt við.
45. mín Gult spjald: Olav Öby (KR)
Brýtur á Stefáni Inga sem hélt boltanum vel og skýldi honum. Stefán þarf smá tíma til að jafna sig en er kominn á lappir.
43. mín
KRingar vilja fá hendi á Arnór Svein sem fékk boltann í sig. Ekkert inn í teig eða neitt, erfitt að meta hvort þetta var hendi héðan. Um að gera samt að biðja um hendi.
42. mín
Gísli með fastan bolta ætlaðan Jasoni í teignum, aðeins of fastur bolti.
37. mín
Gísli keyrir í bakið á Kennie út við endalínu og er dæmdur brotlegur. Hann fær orð í eyra frá Erlendi en ekkert spjald á loft.
37. mín
Algjörlega misheppnuð spyrna frá Höskuldi sem fer beint aftur fyrir. Stuðningsmenn KR syngja að þeir vilja meira af þessu frá Blikum.
36. mín
Ágúst með fyrirgjöf sem Kennie skallar aftur fyrir.

Áttunda hornspyrna Breiðabliks staðreynd.
35. mín
Stefán Ingi með skottilraun með vinstri úr teignum. Fínasta skot en það fer yfir mark hjá KR.
34. mín
Þriðja horn Blika í röð.

Og svo það fjórða.
33. mín
Hætta í kjölfar hornsins, Damir reynir bakfallsspyrnu og atgangur inn á teignum.

Blikar fá aðra hornspyrnu.
32. mín Gult spjald: Kennie Chopart (KR)
Braut af sér, sýndist það vera Gísli sem fékk spark frá Kennie þegar hann gaf boltann út á kantinn, hagnaður veittur og svo fór spjaldið á loft áður en Blikar tóku hornið.

32. mín
Hætta Stefán Ingi reynir að finna samherja inn á teignum, boltinn fer í Jóhannes Kristinn sem átti ekki von á því, boltinn fer rétt framhjá og Breiðablik á horn.
31. mín
Eins og kannski sést á þessari lýsingu hefur leikurinn ekki verið mjög tilþrifamikill.
30. mín
Gísli með skot fyrir utan teig, þægilegt fyrir Simen að verja þetta.
29. mín
Öby með spyrnuna, Finnur Tómas flikkar með fætinum, Ægir nær ekki skalla á markið og Jóhannes Kristinn hittir boltann svo illa og skotið langt framhjá.
28. mín
Arnór Sveinn eitthvað að gaufa, Sigurður Bjartur hirðir boltann af honum og Arnór þarf að gefa horn.
27. mín
KR fær sína fyrstu hornspyrnu í leiknum.

Öby með spyrnuna, fínt bolti og sýndist það vera Ægir sem átti skallann.

Boltinn framhjá, KR-ingar vildu fá annað horn en fengu ekki.
24. mín
Jóhannes Kristinn með vitlaust innkast, það sést ekki mjög oft.
21. mín
Andri Rafn reynir langskot í kjölfar hornspyrnunnar, aldrei líklegt en tilraunin skemmtileg.

Föstu leikatriðin ekki verið að gefa í byrjun.
20. mín
Oliver gerir vel, vinnur boltann á miðsvæðinu og á svo fyrirgjöf úti hægra megin. Boltinn í varnarmann KR og Breiðablik á hornspyrnu.
19. mín
Höskuldur með fyrirgjöf en Stefán Ingi er dæmdur brotlegur inn á teignum.
17. mín
Það gustar smá og miðað við fánana þá eru Blikar með vindi í fyrri hálfleik.
15. mín
Arnór reynir að finna Jason í gegn en Finnur er vel á verði og hreinsar í innkast.
14. mín
Atli með aukaspyrnu, hár bolti inn á teig sem Anton Ari grípur. Þægilegt að verjast þessu.
12. mín
Erlendur dæmir ekkert þegar Ágúst Hlynsson fer niður úti við hliðarlínu. Allt í lagi að láta svona atvik í friði. Ágúst að leitast eftir snertingunni frá Jóhannesi.

Alvöru sprettur hjá Ágústi samt.
10. mín
Andri Rafn rennir sér í boltann og Kennie lendir í því að hans hlaup klárast á tæklingu Andra. Ekki brot eða neitt en sennilega ekki þægilegt.
7. mín
KR verst hornspyrnunni vel, eins og áðan, Simen grípur svo næstu fyrirgjöf frá Höskuldi.
6. mín
Andri Rafn reynir skot en Jakob Franz skallar í burtu, held allavega að þessi hefði farið ansi nálægt markhorninu ef Jakob hefði hleypt boltanum áfram.

Breiðablik hélt sókninni áfram og fær hornspyrnu.
5. mín
KR fékk aukaspyrnu einhverjum tíu metrum fyrir utan vítateig Breiðabliks. Olav Öby reynir skot en það fer beint á Anton sem heldur boltanum.
5. mín
Breiðablik Anton
Arnór - Damir - Viktor
Höskuldur - Oliver - Andri
Gísli
Jason - Stefán - Ágúst
4. mín
Flóki skallar hornspyrnu Höskulds í burtu. Sókn Blika heldur áfram, Höskuldur finnur Arnór inn á teignum en hann nær ekki að stýra boltanum á markið.
3. mín
Oliver reynir skottilraun sem Simen blakar yfir. Fyrsta hornspyrna leiksins.
2. mín
Jóhannes Kristinn stígur Ágúst Hlynsson út en er dæmdur brotlegur. Breiðablik fær aukaspyrnu út við endalínu við vítateig KR.
1. mín
KR Simen
Kennie - Jakob - Finnur
Jóhannes - Olav - Kristinn
Ægir
Atli - Flóki - Sigurður
1. mín
Leikur hafinn
Heimamenn í svart hvítu byrja með boltann. Olav með upphafssparkið.
Fyrir leik
Liðin ganga út á völlinn. Vallarþulurinn talar um gestina úr Digranesi, áhugavert.
Fyrir leik
KR einungis unnið 3 af síðustu 12 deildarleikjum Sturluð staðreynd, einn af fyrstu sex á þessu tímabili og tvo af síðustu sex á síðasta tímabili.
Fyrir leik
Völlurinn sýnilega verri Ég kom í vesturbæinn áður en leikmenn fóru að hita upp á vellinum. Hann er sýnilega verri eftir að menn fóru að hita upp.
Fyrir leik
Varð Íslandsmeistari með KR
Arnór Sveinn er uppalinn Bliki en var leikmaður KR síðustu tímabil. Hann varð Íslandsmeistari með liðinu 2019 og bar einnig fyrirliðabandið á tímabili. Hann söðlaði um í vetur og gekk í raðir Breiðabliks.
Fyrir leik
Sá markahæsti byrjar Stefán Ingi Sigurðarson er markahæsti leikmaður Bestu deildarinnar með sex mörk, tvöfalt meira en KR hefur skorað í sumar. Stefán er í byrjunarliðinu hjá Blikum.
Fyrir leik
Hellirigning Það er hellirigning í vesturbænum, dökkt yfir og sjö gráðu hiti.
Fyrir leik
Byrjunarliðin opinberuð Rúnar Kristinsson, þjálfari KR, gerir tvær breytingar á sínu byrjunarliði. Jakob Franz og Jóhannes Kristinn koma inn í liðið. Jakob er að snúa til baka eftir leikbann.

Óskar Hrafn Þorvaldsson, þjálfari Breiðabliks, gerir fjórar breytingar á sínu byrjunarliði. Davíð Ingvarsson og Klæmint Olsen taka sér sæti á bekknum. Inn koma Andri Rafn, Ágúst Eðvald, Arnór Sveinn og Oliver Sigurjónsson.
Fyrir leik
Dómarateymið
Erlendur Eiríksson er með flautuna í leiknum, Kristján Már Ólafs og Eðvarð Eðvarsson eru aðstoðardómarar, Einar Örn Daníelsson er eftirlitsmaður KSÍ og Einar Ingi Jóhannsson er fjórði dómari.
Fyrir leik
Valdimar spáir Stórsöngvarinn, leikarinn og Keflvíkingurinn Valdimar Guðmundsson spáir í leiki umferðarinnar. Valdimar er í sýningunni Óbærilegur léttleiki knattspyrnunnar sem sýnd er í Tjarnarbíói.

KR 0 - 3 Breiðablik (í dag 16:00)
Við í Keflavík höfum aldrei verið neitt voðalega hrifnir af KR-ingum og því get ég ekki annað en spáð því að Breiðablik taki þá í kennslustund í þessum leik. Sorrí Starki, lovjú samt.
Sorrí Starki
Fyrir leik
Fjórir í banni Fjórir leikmenn taka út leikbann í leiknum vegna fjögurra gulra spjalda í sumar. Það eru tveir úr hvoru liði: Anton Logi Lúðvíksson og Viktor Karl Einarsson hjá Blikum og Aron Þórður Albertsson og Theodór Elmar Bjarnason hjá KR.
Fyrir leik
Breiðablik harkaði út sigur gegn Fylki Breiðablik vann 1-2 útisigur gegn Fylki á Würth vellinum í síðustu viku. Frammistaða Íslandsmeistaranna var ekki sannfærandi en sigur vannst og fengu Blikar stigin þrjú. Sjálfmark undir lok leiks reyndist sigurmark Breiðabliks.

Breiðablik er í 3. sæti deildarinnar eftir sex umferðir með fjóra sigra og tveir leikir hafa tapast.
Fyrir leik
Óskar Hrafn ræddi um völlinn Óskar Hrafn Þorvaldsson, þjálfari Breiðabliks, tjáði sig um völlinn í viðtali á Bylgjunni í dag.

Af Vísi:
Þetta verður fyrsti leikur sumarsins á heimavelli KR-inga. Eins og önnur lið á Íslandi sem spila á grasvelli hafa KR-ingar átt í erfiðleikum með að koma vellinum í leikhæft ástand og Óskar segir að völlurinn líti ekki vel út.

„Það er ómögulegt að svara þessari spurningu. Ef ég segi sannleikann þá verð ég sakaður um að væla, en ég labbaði yfir völlinn í gær og hann lítur ekki vel út þannig þetta verður öðruvísi leikur heldur en leikirnir undanfarið. Ég held að það sé alveg ljóst.“

Hann segist þó ekki ætla að gera miklar áherslubreytingar á sínu liði fyrir leikinn þrátt fyrir að hann búist við öðruvísi leik en liðið hafi spilað undanfarið.

„Við þurfum bara að spila okkar leik. En auðvitað er það þannig að það verður sennilega erfitt að gera ákveðna hluti þannig að við þurfum að aðlaga okkur að því hvað er hægt að gera. En auðvitað reynum við alltaf fyrst og síðast að halda í okkar og það sem við gerum. Það er voða erfitt að fara að vera einhver annar en maður er. En auðvitað mun leikurinn markast af aðstæðum, það er alveg ljóst,“ bætti Óskar Hrafn við.
Fyrir leik
Svona leit völlurinn út á þriðjudag - Mismunandi sjónarhorn
Fyrir leik
Völlurinn Leikurinn er fyrsti leikur karlaliðs KR á Meistaravöllum. Kvennalið félagsins lék á vellinum í gær þegar Fylkir kom í heimsókn í Lengjudeildinni.

Ég ræddi við Magnús Val Böðvarsson, vallarstjóra KR, í vikunni. Athyglisvert viðtal sem nálgast má hér að neðan.
Fyrir leik
KR tapaði 5-0 Í síðustu umferð tapaði KR 5-0 gegn Val í nágrannaslag, yfirvöltun hjá Valsmönnum. KR er einungis með fjögur stig eftir sex leiki og situr í tíunda sæti deildarinnar.

Rúnar Kristinsson, þjálfari liðsins, var spurður út í sína stöðu eftir leikinn.
Fyrir leik
Sjöunda umferð í Bestu Góðan daginn lesendur góðir og veriði velkomnir í beina textalýsingu frá leik KR og Breiðabliks í sjöundu umferð Bestu deildar karla.

Leikurinn fer fram á heimavelli KR, Meistaravöllum, og hefst leikurinn klukkan 16:00.
Byrjunarlið:
1. Anton Ari Einarsson (m)
3. Oliver Sigurjónsson
4. Damir Muminovic
5. Arnór Sveinn Aðalsteinsson ('88)
7. Höskuldur Gunnlaugsson (f)
11. Gísli Eyjólfsson
14. Jason Daði Svanþórsson
21. Viktor Örn Margeirsson
22. Ágúst Eðvald Hlynsson
23. Stefán Ingi Sigurðarson ('71)
30. Andri Rafn Yeoman ('61)

Varamenn:
12. Brynjar Atli Bragason (m)
2. Alex Freyr Elísson
6. Alexander Helgi Sigurðarson ('61)
15. Ágúst Orri Þorsteinsson
20. Klæmint Olsen ('71)
25. Davíð Ingvarsson ('88)
28. Oliver Stefánsson

Liðsstjórn:
Óskar Hrafn Þorvaldsson (Þ)
Halldór Árnason (Þ)
Marinó Önundarson
Aron Már Björnsson
Særún Jónsdóttir
Valdimar Valdimarsson
Eyjólfur Héðinsson

Gul spjöld:

Rauð spjöld: