Fyrir leik
Bullandi stemning á Vodafone-vellinum hér á Hlíðarenda. KR-ingar eru mættir með fimm stjörnur á búningana og Valsmenn að spila sinn síðasta leik á 100 ára afmælinu.
Fyrir leik
Athyglisvert og ekki athyglisvert að aðeins einn Færeyingur er í byrjunarliði Vals í dag, en þær sögusagnir eru í loftunum að Valsmenn vilji einungis halda Jónas Tór Næs, enda hefur hann átt gott sumar á meðan Pól Jóhannus og Christian Mouritsen hafa átt misgóða leiki.
Fyrir leik
Allt voða eftir bókinni hjá byrjunarliði KR. Hinsvegar bjuggust margir við að Atli Jónasson fengi tækifærið í marki KR í dag en svo varð hinsvegar ekki raunin. Hannes Þór stendur í rammanum eins og í öllum leikjum KR í Pepsi-deildinni.
Fyrir leik
Valsmenn munu standa heiðursvörð á eftir þegar KR-ingar labba inn á völlinn. Sjarmerandi.
Fyrir leik
Leikurinn í dag er síðasti leikur Sigurbjörns Arnar Hreiðarssonar í treyju Valsmanna, en eftir tímabilið mun hann halda á önnur mið og stefnir hann á að vera spilandi þjálfari.
1. mín
Leikurinn er hafinn. Valsmenn sækja að Frostaskjólinu.
8. mín
Guðmundur Reynir Gunnarsson liggur fyrir utan völlinn eitthvað kvalinn og spurning hvort að KR-ingar þurfi að gera breytingar á liðinu sínu strax.
10. mín
InnGunnar Þór Gunnarsson
ÚtGuðmundur Reynir Gunnarsson
Guðmundur Reynir þurfti að fara af velli eftir samstuð við Valsmann. Gunnar Þór er mættur í vinstri bakvörðinn.
20. mín
Það mætti segja að KR-ingarnir ÆTTU Valsvöllinn... Gríðarleg stemning í stúkunni þeim megin, kannski skiljanlegt. Annars er allt voða rólegt á vellinum.
32. mín
Baldur Sigurðsson féll við inn í vítateig Valsmanna og voru einhverjir KR-ingar sem vildu fá víti dæmt. KR stuðningsmennirnir syngja í stúkunni \"Við viljum Garðar á flautuna\".
34. mín
Gult spjald
Kjartan Henry Finnbogason
Allt að verða vitlaust á vellinum. Kjartan Henry fær spjald eftir brot á Jónasi Tór Næs, þetta leit hrikalega illa út. Brotið átti sér stað við varamannaskýli Valsmanna og voru þjálfarar Valsara, Kristján Guðmundsson og Freyr Alexandersson ekki lengi að rísa upp úr sætum sínum og hlaupa í átt að Jónasi og Kjartani. Kjartan hefði hæglega getað fengið að sjá rauða litinn á kortinu frá Þóroddi.43. mín
KR-ingar heldur betur að lifna til lífs síns. Baldur Sigurðsson átti skot að marki Vals rétt áðan sem Haraldur varði og í næstu sókn átti Viktor Bjarki skot í liggjandi Valsmann og boltinn aftur fyrir endamörkin.
43. mín
KR-ingar heldur betur að lifna til lífs síns. Baldur Sigurðsson átti skot að marki Vals rétt áðan sem Haraldur varði og í næstu sókn átti Viktor Bjarki skot í liggjandi Valsmann og boltinn aftur fyrir endamörkin.
45. mín
Viktor Bjarki við það að sleppa í gegn en Halldór Kristinn sýndi styrk sinn og náði að pota boltanum í horn.
45. mín
Það er kominn hálfleikur hér á Vodafone-vellinum. Staðan markalaus, 0-0. Valsmenn voru ívið sterkari aðilinn en KR-ingar vöknuðu heldur betur til lífs síns seinni partinn og áttu hættulegri tilraunir.
46. mín
InnPól Jóhannus Justinussen
ÚtBrynjar Kristmundsson
Ein breyting í hálfleik. Pól kemur inn á fyrir Brynjar Kristmundsson sem lét lítið fyrir sér fara í fyrri hálfleiknum.
46. mín
Seinni hálfleikurinn er hafinn.
49. mín
Fyrsta skot seinni hálfleiks átti Matthías Guðmundsson en skotið beint á Hannes Þór.
59. mín
Fremur rólegt hér á Vodafone-vellinum. Ég er ekki sofnaður...
61. mín
InnArnar Sveinn Geirsson
ÚtRúnar Már Sigurjónsson
Landsliðs-Rúnar Már S. Sigurjónsson fer af velli fyrir Arnar Svein Geirsson.
65. mín
Pól Jóhannus er þessa stundina utan vallar með skurð á enninu. En ætli hann komi ekki inn á aftur með umbúðir á höfðinu.
69. mín
InnKolbeinn Kárason
ÚtSigurbjörn Hreiðarsson
Tímamótaskipting á Hlíðarenda og allir áhorfendur á vellinum standa upp honum til heiðurs.
71. mín
Gult spjald
Andri Fannar Stefánsson
Andri Fannar fær spjald en hann átti eina hressilega tæklingu í fyrri hálfleik og átti þetta spjald líklegast skilið.75. mín
InnMagnús Már Lúðvíksson
ÚtDofri Snorrason
Hægri bakvörður fyrir hægri bakvörð.
76. mín
Halldór Kristinn með skalla í þverslánna eftir aukaspyrnu frá Jón Vilhelm.
84. mín
InnTorfi Karl Ólafsson
ÚtViktor Bjarki Arnarsson
Ungur og efnilegur fyrir einn reynslumikinn.
90. mín
Gult spjald
Kolbeinn Kárason
Kolbeinn fær hér spjald fyrir brot á Magnúsi Má.91. mín
Besta færi leiksins og líklega eitt besta færi sem Arnar Sveinn Geirsson hefur fengið á sínum ferli. Slapp einn í gegn og hafði líklega of mikinn tíma til að athafna sig. Hannes mætti honum og skot Arnars beint á Hannes.
94. mín
Leik lokið. Markalaust jafntefli.