Byrjunarliðin eru klár hér í Árbænum í síðasta leik Ólafs Þórðarsonar með Fylkisliðið. Heimildir herma að hann sé að taka við Víkingsmönnum en það þýðir að hann yrði þá fjórði þjálfari þeirra á þessu ár

Tommy Nielsen er líka að fara að spila sinn síðasta leik á ferlinum en hann er búinn að tilkynna að hann ætli að hætta eftir þetta tímabil.

Þetta verður athyglisverður leikur að fylgjast með því FH liðið er á pappírunum töluvert sterkara liðið fyrirfram. Fylkir teflir fram mörgum ungum og óreyndum leikmönnum á meðan FH-ingar stilla upp sínu allra sterkasta liði. Svo sannarlega hvítt og svart reynslumunurinn hér. En það er ekki spurt að því inn á vellinum, sjáum hvað setur.

Það er nýr kafli í lífi Tommy Nielsen sem er að spila sinn síðasta leik á ferlinum eignaðist barn á fimmtudaginn. Óskum við honum að sjálfsögðu til hamingju með þann áfanga!

Liðin fara fljótlega að ganga til vallar. Vonandi sýna bæði lið ágætis fótbolta hér í dag. FH-ingar vilja örugglega klára þetta annað sæti en Fylkismenn hafa í raun að engu að keppa nema stoltinu.

Leikur hafinn hér á Fylkisvelli og það eru FH-ingar sem byrja með boltann og sækja að íþróttahúsinu.

Atli Viðar Björnsson á fyrsta færi leiksins. Hann á þá skot að marki eftir skalla frá Tommy Nielsen en skot hans er varið af varnarmanni á línu.

Dauðafæri. Atli Guðnason er sloppinn einn á móti markmanni eftir laglegt þríhyrningaspil við nafna sinn Viðarsson en skot hans framhjá.

Elís Rafn Björnsson ungur leikmaður Fylkismann á laglegt skot rétt framhjá marki en líklega var Gunnleifur með þennan bolta allan tímann.

Það er farið að hvessa ansi hressilega á FH markið og auk þess er byrjað að rigna. FH-ingar virðast hinsvegar ætla að stjórna ferðinni í þessum leik og halda boltanum ágætlega sín á milli.

Freyr Bjarnason á skalla eftir hornspyrnu sem er bjargað á línu. Fylkismenn bruna svo í sókn og það er Styrmir Erlendsson sem er kominn einn inn fyrir en Ásgeir Gunnar náði að stöðva hann og færið rann út í sandinn.

Elís Rafn Björnsson á skot að marki sem Gunnleifur Gunnleifsson ver nokkuð auðveldlega. Leikurinn hefur róast mjög mikið niður og lítið um færi miðað við upphafsmínúturnar.

Atli Viðar Björnsson á hörkuskot að marki sem Fjalar ver meistaralega. Þrumuskot en vel varið.

Freyr Bjarnason skallar framhjá fyrir opnu marki. Þetta var algjört dauðafæri. FH-ingar farnir að þjarma að heimamönnum.

Dauðafæri! Andri Már Hermannsson er einn á markteig eftir frábæran sprett frá Alberti Ingasyni sem renndi boltanum á hann en Gunnleifur Gunnleifsson ver frábærlega!

Aftur á Albert Ingason góðan sprett upp hægri kantinn og leikur á Tommy Nielsen nýbakaðan föður og kemur boltanum fyrir. Elís Rafn Björnsson náði hinsvegar ekki almennilegu skoti að marki.

Og aftur er það Albert sem fer upp hægri kantinn. Nákvæmlega eins og áðan fer hann upp að endamörkum og gefur inn í teiginn á Styrmi Erlendsson en skot hans yfir. Varnarmenn FH virðast ekki alveg vera með.

Atli Viðar Björnsson klobbar Baldur Bett og sendir á Atli Guðna sem á skot sem Fjalar ver glæsilega.

Leikurinn er hafinn að nýju og það eru Fylkismenn sem sem byrja síðari hálfleik.

Ágætur dómari leiksins flautar hér til leiksloka. Einum allra skemmtilegasta leik sumarsins er hér með lokið og nú fá FH-ingar medalíu fyrir að lenda í öðru sæti deildarinnar.

Matthías Vilhjálmsson á skalla einn og óvaldaður á markteig en honum bregst bogalistin og boltinn framhjá!

Atli Guðnason á frábært skot frá vítateigslínunni sem virðist vera að stefna í bláhornið en Fjalar Þorgeirsson ver frábærlega!

Ólafur Páll Snorrason á hér frábært skot að marki en það rétt framhjá. Mikil skemmtun að fylgjast með sóknarleik FH-inga sem leika nú með vindi.

Ólafur Páll Snorrason á hér frábært skot að marki en það rétt framhjá. Mikil skemmtun að fylgjast með sóknarleik FH-inga sem leika nú með vindi.

Heldur betur skemmtun hér í Árbænum. Liðin skiptast á að sækja og nú rétt í þessu hefðu FH-ingar mögulega geta fengið vítaspyrnu en dómarinn dæmdi ekkert.

Flautað til leiksloka í einum allra skemmtilegasta leik sumarsins. FH-ingar taka nú við silfurmedalíu en þeir áttu frábæran endasprett á mótinu. Tommy Nielsen fær einnig flottan blómvönd.