SKÝRSLAN: Vonbrigði hjá Reykjavíkurrisum
Hvað réði úrslitum?
Ætlunarhlutverk Vals fyrst og fremst. Þeir fara sáttir með eitt stig heim á meðan KR nagar sig í handabökin eftir að hafa ekki reynt meira til að vinna leikinn.
Bestu leikmenn
1. Eiður Aron Sigurbjörnsson
Var manna öflugastur í öflugri vörn Vals í kvöld.
2. Anton Ari Einarsson
KR reyndi meira að vinna leikinn en ef eitthvað komst í gegnum vörn Vals beið Anton Ari átekta. Hann var einnig öruggur í sínum úthlaupum og bara virkilega góður í leiknum.
Atvikið
Höndin á Eið Aron! Bjerregaard reyndi sendingu á Thomsen sem var óvaldaður en Eiður var ansi hátt uppi með höndina og varði hann sendinguna kolólöglega. Spurning hvort Þorvaldur hefði dæmt víti ef hann hefði dæmt á annað borð, enda voru allir á vellinum á því að þetta hefði átt að vera víti en sjónvarpið lýgur ekki og var þetta utan teigs.
Hvað þýða úrslitin?
Valur heldur sínu forskoti og KR er endanlega búið að stimpla sig út úr titilbaráttunni.
Vondur dagur
Þetta var vondur dagur fyrir áhorfendur. Þó svo að mikil harka hafi verið í leiknum og ákveðið fjör sem fylgdi því að þá stóð leikurinn alls ekki undir væntingum. 1648 manns áttu því vondan dag í kvöld.
Dómarinn - 5,5
Klikkaði á stóru atviki eins og fyrr segir en Þorvaldur réði samt ágætlega við leikinn. Sumt gott en annað ekki.