SKÝRSLAN: Kappið bar fegurðina ofurliði
Hvað réði úrslitum?
Svakalegur baráttuleikur á Akureyri! Fótboltinn sem var spilaður var alls ekki sá flottasti en lætin og fjörið voru til staðar. Rauða spjaldið sem KA fékk á sig breytti leiknum.
Bestu leikmenn
1. Ásgeir Sigurgeirsson - KA
Skoraði mark KA á laglegan hátt og hljóp gríðarlega mikið allan leikinn.
2. Jósef Kristinn Jósefsson - Stjarnan
Skoraði jöfnunarmark Garðbæinga.
Atvikið
Jöfnunarmark Stjörnunnar. Jósef Kristinn Jósefsson náði að skora af harðfylgi. Mikil barátta var í teignum og KA-menn vilja meina að brotið hafi verið á Rajko markverði. Umdeilt en mikilvægt.
Hvað þýða úrslitin?
Stjörnumenn eru í öðru sæti en tókst ekki að nýta tækifærið til að saxa á forskot Vals á toppnum. KA-menn voru ósáttir við að klára leikinn ekki með sigri en þetta var þriðja jafntefli liðsins í röð og fjórði leikurinn í röð án sigurs.
Vondur dagur
Aleksandar Trninic fékk rautt spjald eftir hörkutæklingu á Hilmar Árna. KA-menn voru skyndilega tíu og náðu ekki að halda forystu sinni. Stórt atvik sem gjörbreytti leiknum. Vondur dagur fyrir Trninic.
Dómarinn - 6
Hef oft séð Erlend betri en það verður að taka með í reikninginn að þessi leikur var gríðarlega erfiður að dæma. Allt morandi í hita og fjöri.